Lesina 16

Manatala Oe Uria Ra La Ifatha God

Si ta ni bo’o na oki ilia fasia oko tatae oko kwaimani bia tha God? (1, 2)

Oki fale oe te’e fau ufita ifatha God? (1)

Si man̄a ta na oki babataesi? (2)

Oki ade ufita fasia oko toda sukwaia ura to mamana la ifatha God? (3)

1. Fasia oko kwaimani bia tha God, ni oe oki to ana lioto’oa lea ana mamana la fasia Baebol (1 Timothy 2:​3, 4), alua fito’oa ila si do ki na kera to’oa isamu (Hebrews 11:⁠6), manata akela fasia abula ta’a la oe (Acts 17:30,31), bia akela fasia si biran̄a ana marukia oe. (Acts 3:19) Sui liothaua oe fatha God kei idu oe fasia oko fale oe te’e fau ifana. Nia e to’olan̄ai nia ila foa oe i tala’amu oki fa’aron̄o nia o fale oe ura ili lana raa nia.—Matthew 16:24; 22:37.

2. Buira o fale oe te’e fau ifatha God, fulin̄ana oki babataesi. (Matthew 28:19,20) Babataesi la si tathala imole ki sui bana keki thaito’omana ni oe o fale oe te’e fau ifana tha Jehova. Babataesi la si do talito’ona ifana toa na manatada e rafo ana thaun̄ai manatala uria ra la ifana tha God. Si man̄a na imole e babataesi se’edo eri laulau keki alua fa’ara kafo ana ta kasi man̄a bana.a—Mark 1:9,10; Acts 8:36.

3. Buira o fale oe te’e fau, Jehova e thathami oe oki to mamana uria alan̄aia oe eri. (Psalm 50:14; Ecclesiastes 5:4, 5) N̄a Devil ka ili uria su’usi lamu la fasia ra la ifatha Jehova. (1 Peter 5:8) Una eri mena idu karan̄ia tha God ana foa. (Philippians 4:6,7) To’o uria Baelana afa bon̄i ki sui. (Psalm 1:1-3) To karan̄ia figua eri. (Hebrews 13:17) Masa o ilia si do eki sui, ni oe oki toda sukwai uria to mamana la ifana tha God. Ana si man̄a ki sui oe oki ilia si do ki sui bana tha God e thathamia fasi oe!

[Footnote]