Oki To’odo Ufita Sulia Tha God

Oki to’odo sulia tha Jehovah asi man̄a na o te’emania n̄a Baebol. I nao mai God e filia to’a na kera kekeda sulia manatana. Kekeda la eki kera alan̄ia ana Baebol. I tara’ena kuki to’odo sulia tha God asi man̄a na kulu te’emania n̄a Baebol. Sulia nia e to lau bo’o ana Baelana tha Jehovah, mada si faron̄oa nia. E tala’ana kuki fa’amamanea ta na Baebol e sorea sulia e afetai fana tha Jehovah kai lole. “Ne afetai ka tatha sa tha God kai lole.” (Hebrews 6:18) Baelana tha God na e to ana mamana la.—John 17:17.

Te’e si do ana si do na e lea ka tatha na tha God e falea i fakulua na n̄a Baebol. E uria ta leta na e lae mai fasia maka i fana kaluwane nia ne liothau ania. Nia e fa’aron̄o kulu ana alan̄aia sulia taala lana fanua nei ano ura kula lea i fana to la i lana—fanua nei ano falu. E faron̄o kulu ania ta na e ilia i nao mai, ma i taraena, ma ta na kai ilia lafa thato ne ni umai fana wela lea nia ki. Nia e adomi kulu lau bo’o uria fa’asui lana afetai la bia fulato’ona lana se’ethathala.—2 Timothy 3:16, 17.

Witinis tha Jehovah ki kera to’a kwaimani tha God; keki adomi oe ura thaito’omana lana ta na Baebol e to’oa. Faron̄o kera nani oe o thathami to’odo sulia n̄a Baebol. E ai kesi kwaali oe bo’o ana tafa seleni uria si ra eri. (Matthew 10:8) Maka tala’ana lau bo’o oki lae asi man̄a ana ofu la kera ki. Ofula eri kai tatha i lana biu kera ni fo’a la na kera alan̄ia ana Kingdom Hall. Masa oko lae ana ofu la eki, oki thaito’omana aliali ana si do oro sulia tha God.

E tala’ana oki to’odo sulia tha God fasia si do oro ne thaun̄ania. Baebol e sorea: “God e thaun̄ania thalo lo bia fanua nei ano.” (Genesis 1:1) Si man̄a tha Jehovah e thaun̄ania thalo lo,” nia ka thaun̄ania thato. Si ta na thaun̄aia eki e faron̄o kulu ania sulia tha God? Nia e faron̄o kulu na tha Jehovah e to ana sukwaia baita. Nia talito’ona bona kai thaun̄ania do ne to ana sukwaia mala thato. Thaun̄aia eri ka faron̄o kulu tha Jehovah e to ana lioto’oa baita, sulia lioto’oa baita na wane kai to ania fasi ka thaun̄ania thato na kai falea lala’a bia akoako la ne toto si sui.

Thaun̄aia nia ki e fatania tha Jehovah e liothau ani kulu. Manata fesi sulia foana ai e’eta oro na e ni fafona fanua nei ano. E tala’ana tha Jehovah kai fale foana te’e kwai ai bo’o i fakalua—mada ka ai lau. Ma sui Jehovah ka falea foana ai e’eta kwai liu na riki lana, baita lana, bia ani lana e lea e’eta kwailiu. Si do eri e fatania Jehovah God e ai si to ana talito’ona liothaua, nia e se’emabe lau bo’o ura fale la, manatabaita la, bia ka liothau ana imole ki.—Psalm 104:24.