LESON 04
Tei Na God Mamana?
Thafali ana si manga na imole kera to fafona fanua ne iano, kera fo’asia god e’eta oro. Sui mena ana, Baebol u’unu sulia te’e God bo’o e “talua god ki sui bana.” (2 Chronicles 2:5) Tei na God eri? Ma ta na adea nia ka talua god ki sui bana na imole kera fo’asia? La leson ne’e, oki to’oa si do na God eri e thathamia oki thaito’omana suli nia.
1. Tei na thatana God mamana, bia si ta na fatania nia e thathamia kuki thaito’omana thatana?
La Baebol, God talani nia e fa’arongoa thatana sakalu’a. Nia sorea: “Nau na Jehovah. Nia na thataku.” (Te’emania Isaiah 42:5, 8.) Thate’edo ne’e “Jehovah” kera ngalia fasia Hebrew languis na to’olangania “Nia thaito’omana kai Ilifania tesi do na Nia e Thathamia.” Jehovah e thathamia kuki thaito’omana thatana. (Exodus 3:15) Ufita na kuka fa’amamanea? Thatana Jehovah e to la Baebol talua 7,000-fala si manga!a Jehovah nia na thatana “God mamana na to mai i heven bia fafona fanua ne iano.” Nia bona’a to ana si thate’edo eri. —Deuteronomy 4:39.
2. Ta na Baebol e sorea sula’ania Jehovah?
Baebol sorea, god oro na imole kera fo’asia, Jehovah bona’a na God mamana. Uria ta? Sulia Jehovah bona’a, God na “ni daa i’a talua si do ki sui bana fafona fanua ne iano.” (Te’emania Psalm 83:18.) Nia “Olmaeti,” na to’olangania nia e to ana sukwa’ia uria kai ilifania bana tesi do na nia e thathamia kai ilifania. Nia e “thaungania si do ki sui bana”—uria universe bia do maruki na to fafona fanua ne iano. (Revelation 4:8, 11) Talito’ona Jehovah bona’a a’i si to ana ta thathafalia bia susui la.—Psalm 90:2.
TO’OA LA’U TEI SI DO
Kuki to’oa la’u title na God to ania e e’eta fasia thatana. Kuki to’oa la’u bo’o si ta na God e ilifania fasia kuki thaito’omana thatana, bia uria ta nia ka thathamia kuki thaito’omana thatana.
3. God to ana title oro, sui te’e thate’edo bo’o
Fasia oko thaito’omana title na imole to ania e e’eta fasia thatana, fatania VIDEO, sui u’unu kalia soeto’ona la.
Ta na adea title uria “Lord,” e e’eta fasia thate’edo?
Baebol sorea imole ki kera fo’asia god oro bia lord oro. Te’emania Psalm 136:1-3, sui u’unu kalia soeto’ona la:
Tei na “God nia god ki” bia “Lord nia lord ki”?
4. Jehovah thathamia oko thaito’omana thatana bia oko aruto’ona
Si ta na fatania Jehovah e thathamia uria oko thaito’omana thatana? Fatania VIDEO, sui u’unu kalia soeto’ona la.
Ana mantaa oe, Jehovah thathamia uria kuki thaito’omana thatana? Uria ta oko manta una’eri?
Jehovah thathamia imole ki ura keki aruto’ona thatana. Te’emania Romans 10:13, sui u’unu kalia soeto’ona la ki:
Uria ta nia ka gwaunga’i uria kuki aruto’ona thatana God, Jehovah?
To’omatafana la oe kai ufita si manga na te’e imole e thaito’omana thatamu bia ka aruto’ona kokota ania?
Ana mantaa oe, to’omatafana la Jehovah kai ufita bo’o si manga na o aruto’ona thatana?
5. Jehovah thathamia oki kwaimani bi nia
Te’e kini i Cambodia thatana Soten e sorea, si manga nia e thaito’omana thatana God, si do eri adea nia ka “se’ethathala asia na’a.” Fatania VIDEO, sui u’unu kalia soeto’ona la.
Uria na kulu rikia la video eri, si manga na Soten e thaito’omana thatana God si do eri ka adomi ufita bo’o ani nia?
Sui fete’i oko kwaimani bia ta imole, si do totolo na’o oko thaito’omana nia na thatana. Te’emania James 4:8a, sui u’unu kalia soeto’ona la ki:
Si ta na Jehovah e thathamia uria oki ilifania?
Si manga na o thaito’omana bia oko aruto’ona thatana God, si do eri kai adomi ufita bo’o ani oe fasia oko kwaimani bi nia?
SI BA’EA TEI IMOLE KEKI SOREA: “God, God bona’a, a’i si to la’u ana ta thata.”
Ufita, o fa’amamanea Jehovah bona’a na thatana God?
Oe oki inifita ufita bo’o ania sana ta ruana imole, God e thathamia kuki aruto’ona thatana?
SI DO NA KULU TO’OA
Jehovah nia na thatana God mamana. Nia thathamia uria kuki thaito’omana bia kuki aruto’ona thatana, fasia kuka kwaimani le’a bi nia.
Reviu
Ta na adea Jehovah ka e’eta fasia god oro na imole kera fo’asia?
Uria ta nia ka le’a ura kuki aruto’ona thatana God?
Si ta na fatania Jehovah e thathamia uria kuki kwaimani bi nia?
TEI SI DO KI LA’U
Te’emai sulia 5-fala reason na fatania God e to.
Te’emai sulia uria ta ka kokota uria kuki fa’amamanea God a’i si to ana ta thathafalia bia susui la.
To’oa uria ta nia ka le’a uria kuki aruto’ona thatana God, do anta a’i kusi thaito’omana mena aii kokota la ania uria na kera kedaa mai i na’o.
Ufita nia e tala’ana uria kuki alangia God ana ta thate’edo bana? Rikia uria ta ka kokota uria kuki sorea God to bo’o ana te’e thate’edo.
a Fasia oko thaito’omana tei si do la’u sulia mining ana thatana God bia ta na adea tei Baebol a’i kesi to ana thate’edo eri, rikia Appendix A4 la Niu World Transleison blo Holy Scripture.