Mae Lana tha Jesus e Adomi Ufita Ani Kulu?

Kulu fulato’ona abulata’a la, afeta’ia, bia maea sula’ania Adam bia Eve kero’a adefasia God.a Sui mena ana kulu to ana manto’ongadoa, sulia Jehovah e falea si tatha la fasia kuka sitatha ana abulata’a la, bia maea na kulu fulato’ona fasia Adam bia Eve. Jehovah e falea kaluwane nia tha Jesus Christ, fasia ka mae uri kulu. Baebol sorea mae lana Jesus e uria te’e ransom. Ransom nia te’e price uria usi lana te’e wane fasia ka tofe’eto. Jesus e falea marukia nia na e laula’u, uria te’e price fasia ka usi kulu. (Te’emania Matthew 20:28.) Si manga na Jesus e kwai’alami uria kai falea marukia nia, si do eri e ifinia tala uria kuki todaa la’u marukia le’a na Adam bia Eve kero’a akwasia. Si do eri fatania Jesus bia Jehovah kero’a liothau ani kulu. Leson ne’e kai adomi kulu fasia kuka manta baita ana mae lana tha Jesus.

1. Ta na kuki todaa fasia mae lana Jesus tara’ena?

Sula’ania kulu futa bia abulata’a la, tei si manga kulu kuki ilifania si do na Jehovah a’i si se’ethathala sulia. Sui mena ana, masa kuka kwaimantai ma kuka manta’akela, bia kuka gania Jehovah ana thatana Jesus uria kai mantalube kulu, bia a’i kusi ilifania la’u si do garo na kulu ilifania sui na’a, si do eri kai adomi kulu fasia kuka kwaimani le’a bia God. (1 John 2:1) Baebol e sorea: “Christ e mae te’e si manga bo’o uria abulata’a la imole ki, nia wane e kokota sui nia ka mae fana imole ki na a’i kesi kokota, fasia keka kwaimani la’u bia God.”​—1 Peter 3:​18.

2. Ta le’a na kuki todaa fasia mae lana Jesus la si manga na ni u mai?

Jehovah e falea mai Jesus uria kai falea marukia nia “fasia imole ki na kera to ana fito’oa ana tha Jesus keka todaa marukia tathaa.” (John 3:​16) Kulu manta baita ana si do na Jesus e ilifania, sulia karangia na’a Jehovah kai fa’asuia afeta’ia ki na kulu fulato’ona nunufana adefasia la tha Adam. Si do eri to’olangania masa kuka alua fito’oa kulu ana sacrifaes na Jesus e ilifania, kulu kuki todaa marukia tathaa la paradaes fafona fanua ne iano!​—Isaiah 65:​21-​23.

TO’OA LA’U TEI SI DO

3. Mae lana tha Jesus e adea kuka tofe’eto fasia abulata’a la bia maea

VIDEO: Uria ta Jesus ka Mae?​—Part 1 (2:​01)

• Ta na Adam e akwasia si manga nia e adefasia Jehovah?

Te’emania Romans 5:​12, sui u’unu kalia soeto’ona la:

• Ta na kulu todaa fasia abulata’a la tha Adam?

Te’emania John 3:​16, sui u’unu kalia soeto’ona la ki:

• Uria ta Jehovah ka falea mai kaluwane nia fafona fanua ne iano?

1. Adam te’e wane e laula’u, sui si manga nia e adefasia God imole ki keka fulato’ona abulata’a la bia keka mae

2. Jesus te’e wane e laula’u, sulia nia e adesulia tha God imole ki keki todaa marukia le’a na toto si sui

4. Imole ki sui bana keki todaa si do le’a fasia mae lana tha Jesus

VIDEO: Uria ta Jesus ka Mae?​—Part 2 (2:​00)

• Uria ta imole ki sui bana keka todaa si do le’a fasia mae lana te’e wane?

Te’emania 1 Timothy 2:​5, 6, sui u’unu kalia soeto’ona la:

• Adam e laula’u, sui sulia nia e adefasia, imole ki keka fulato’ona abulata’a la bia keka mae. Jesus e laula’u la’u bo’o. Ufita, ransom na Jesus e falea e toto’o bia marukia na Adam e akwasia?

5. Ransom nia te’e present na Jehovah e falea

Imole kwaimani Jehovah ki kera manta baita ana present eri na Jehovah e falea. Uria example, te’emania Galatians 2:​20, sui u’una kalia soeto’ona la:

• Ta na aposol Paul e ilifania, na fatania nia e manta baita ana present eri na Jehovah e falea?

Sulia Adam e abulata’a, imole ki sui bo’o keka mae, sui Jehovah ka falea mai kaluwane nia ka mae, fasia imole ki sui bo’o keka fulato’ona marukia tathaa.

Si manga na o te’emania verse ne’e ki, manto’ona fesi to’omatafana la Jehovah e ufita bo’o, si manga e rikia kaluwane nia e fulato’ona fiila. Te’emania John 19:​1-7, 16-​18, sui u’unu kalia soeto’ona la:

• Oe o manta ufita sulia si do na Jehovah bia Jesus kero’a ilifania famu’a?

SI DO NA KULU TO’OA

Sula’ania mae lana tha Jesus, Jehovah thaito’omana kai mantalubea abulata’a la kulu, bia ka falea si tatha la fasia kuka todaa marukia le’a na toto si sui.

Reviu

• Uria ta Jesus ka mae?

• Ufita, mae lana Jesus e toto’o bia marukia na Adam e akwasia?

• Ta le’a na oki todaa fasia mae lana tha Jesus?

TEI SI DO KI LA’U

Te’emai sulia, uria ta mae lana Jesus e uria te’e ransom.

“How Is Jesus’ Sacrifice ‘a Ransom for Many’?” (Web article)

Te’emai sulia si do na kuki ilifania fasia kuka todaa marukia.

“Jesus Saves​—How?” (Web article)

Ufita, Jehovah thaito’omana kai mantalubea bana abulata’a la baita ki na imole kera ilifania?

“Bible Questions Answered” (The Watchtower, May 1, 2013)

Te’emai sulia te’e wane na e talaa biirangana, si manga nia e to’odo sulia si do na Jesus e ilifania.

“Distaem Mi No Raf Nao” (Article la jw.org)