Fatania Liothaua Oe I Fatha God

Fasi oko beta kwaimania, oki n̄ata bi nia. Oki ron̄o uri nia, mani nia ka ron̄o uri oe. Oki u’unu sulia si do lea sulia ruana oe i sana tei imole ki. Nia e uria lau bo’o kwaimani la bia tha God. Manata fesi sulia ta na Baebol e sorea sulia si do eri:

U’unu bia tha Jehovah ana fo’a la asi man̄a ki sui bana. “Se’emabe n̄ado ana fo’a la.”—Romans 12:12.

Te’emania Ba’e lana tha God, n̄a Baebol. “Kekeda la abu eki sui bo’o tha God e alua man̄ona iei, ma ka lea uria kwaifamanataia . . . uria fa’aoolo la.”—2 Timothy 3:16.

To’odo i sana imole ki sulia tha God. “Muki lae muki to’oa si do ki i sana kule’e to’a ki sui bana, . . . muki [“to’oa,” NW] kera keki manatato’ona si do ki sui bana asi do eki ku fafa’aron̄o kamulua ania.”—Matthew 28:19, 20.

To kwaimani bia wane kwaimani tha God ki. “Wane ne kwairo’omi bia wane e thaito’omedo kai thaito’omedo lau bo’o.”—Proverbs 13:20.

Lae ana ofula i lana Kingdom Hall. “Ma kuki manatato’o kulua kwailiu fasi kuka are kulu kwailiu ana liothau la ma asi ra lea ki, . . . kuki kwaifamanatai kwailiu isakulua.”—Hebrews 10:24, 25.

Kwai adomi ura adomi lana ra ana Intoa. “Ni tei na kai [falea] kai [falea] si do ne to’oa ana manatana, si do nia lalakwa e ai, mado si do keki su’uwai nia uria ka ai, uria na tha God kai liothau ana wane na kai se’ethathala asi do nia tona falea.”—2 Corinthians 9:7.