Fanua Falu E Kwai Karan̄i Na’a!

Do ta’a ki ne to’o i fafona fanua nei ano e fatania Fanua Falu e kwai karan̄i na’a. Baebol e sorea kuki rikia uni’i ta’a la ki sui fetei Fanua Falu ka bi’i fula mai. Kulu ni na’a i la fa thato eri i taraena! Tei si do na Baebol e sorea kai fula mai e una eri:

Omea baita ki. “To’a ata fanua toto keki tatae keki firu bia to’a ata fanua, ma [“intoa,” NW] keki firu bia ta [“intoa,” NW].” (Matthew 24:7) Ma si baea eki e tatae mai ka mamana. Thafali mai ana 1914, ro omea baita e to’o i fafona fanua nei ano bia kaala omea faekwa ki. Mole’e imole ki kera mae la omea eki.

Mataia sisigi. Ma “mataia ta’a ki ne sisigi [“ka tatha i la ta fanua sui ta fanua,” NW].” (Luke 21:11) Si do eki e mamana? E mamana. Cancer, mataia ana ruru’una imole, TB, malaria, AIDS, bia tei mataia lau e thaun̄ia mole’e imole oro ki.

Fan̄a ka olikuru. I fafona fanua nei ano imole oro kesi to ana si fan̄a na e talaada. Mole’e imole oro kera mae ana thaofa i la fa n̄ali ki sui bana. Si do eki lau bo’o e fatania Fanua Falu e kwai karan̄i na’a. Baebol e sorea: “Ma unii thaofa ki.”—Mark 13:8.

Anunu. “Ma anunu kai liu ata fanua ma ta fanua na mai.” (Matthew 24:7) Si do eri lau bo’o e mamana na’a i lafa thato nai taraena. Talua mole’e imole oro ki kera mae ana anunu e thafali mai ana 1914.

To’a ta’a ki. Imole ki keki “liothau ana malefo” bia “keki liothau ani kera i talada.” Kera keki “liothau ana se’ethathala ka talua liothau la ana tha God.” Kala wela ki “keki ade fasia n̄ata lana maka kera ki ma thainada.” (2 Timothy 3:1-5) E ufita, e ai tei imole una’eri i taraena? Kera kesi farebaita atha God, bia keka falea afetai la i fana imole na kera ili uria to’odo la sulia tha God.

Biran̄a ta’a ki. Ma “adefasia lana loa e ra’a mai ka baita.” (Matthew 24:12, NW) Mada ni oe mena oki alafafia biran̄a ta’a ki e baita ka talua la fa n̄ali ki ne sui na mai. Imole asi kula ki sui bana kera to ana kwaifi la ada keka bili, lole mada keka labatai kera.

Si do eki sui bana e fatania Intoa tha God e kwai karan̄i na’a. N̄a Baebol e sorea: “Lalae mulu rikia si do eki [“e fula mai,” NW], muki thaito’omana [“intoa,” NW] tha God e ni karan̄i na’a.” (Luke 21:31) N̄a ta na Intoa tha God? Nia intoa tha God ne ni i thalo na kai falea Fanua Falu i fanua nei ano. Intoa tha God kai tala intoa wane ki.—Daniel 2:44.