Ni Tei Kera Na To’a Kwaimani Tha God?

Jesus Christ nia Kaluwane tha Jehovah bia keko te’e sido asia na’a, keko liothau asia na’a ana kwaimania keroa. Sui fetei nia ka to i fafona fanua nei ano mala ta wane, Jesus e to mai i thalo mala spirit mamaelia. (John 17:5) Sui nia ka sifo mai fafona fanua nei ano uria kai to’oa i sana imole ki mamana la sulia tha God. (John 18:37) Nia ka falea lau bo’o man̄ona mala ta imole fana fa’amaruki lana imole na kera adesulia fasia abulata la bia maea. (Romans 6:23) Asi man̄a eri Jesus e wane Inoto na’a i la intoa tha God i thalo, nia kai falea Fanua Falu i la fanua nei ano.—Revelation 19:16.

Ensol ki lau bo’o kera kwaimani bia tha God. Thafali lana ensol ki e e’eta fasi imole ki fafona fanua nei ano. Kera thaun̄ai kera mai i thalo sui fetei God ka thaun̄ania fanua nei ano. (Job 38:4-7) Mole’e ensol ki kera to. (Daniel 7:10) To’a kwaimani eki tha God i thalo kera thathamia imole ki sui bo’o keki to’odo sulia tha Jehovah.—Revelation 14:6, 7.

God e to lau bo’o ana to’a kwaimani i fafona fanua nei ano; ni kera witinis nia ki. N̄a witinis i lana koutu e fa’aron̄o ana ta na nia e thaito’omana sulia ta wane mada tei si do. Witinis tha Jehovah ki kera faron̄o ana imole ki ta na kera thaito’omana sulia tha Jehovah bia si do nia kai ilia ki. (Isaiah 43:10) Mala ensol ki, Witinis nia ki kera thathami adomi oe uria keki to’oa mamana la sulia tha Jehovah. Kera thathamia oki kwaimani lau bo’o bia tha God.