Si do gwaunga’i na Baebol e u’unu sulia nia na Kingdom tha God. Kingdom eri na Jehovah kai aruto’ona uria kai fa’amamanea ana mante’edo na nia e to ania fana imole ki. Sui, ta na Kingdom tha God? Ta na adea kuka thaito’omana Kingdom eri e kwaitalai sui na’a i heven? Ta na Kingdom eri e ilifania sui na’a? Bia ta na Kingdom eri kai ilifania la si manga na ni u mai? La leson ne’e bia roo leson na ni u mai oki todaa lu’u la ana soeto’ona la eki.

1. Ta na Kingdom tha God, bia tei na King la Kingdom eri?

Kingdom nia te’e gavman na Jehovah God talani nia ubo’o na e thafalia. Kingdom eri e to mai i heven, ma Jesus Christ na King la Kingdom eri. (Matthew 4:​17; John 18:36) Baebol e sorea: “[Jesus] kwaitalai la nia . . . toto si sui.” (Luke 1:​32, 33) Bia nia kai kwaitalai fafia imole ki sui bana fafona fanua ne iano.

2. Tei kera na keki kwaitalai bia tha Jesus?

Jesus a’i si kwaitalai te’e nia, tei imole ki keki kwaitalai la’u bo’o bi nia. Imole eki kera lae mai fasia “tribe, languis, bia nation ki sui bana uria keki kwaitalai fafia fanua ne iano” (Revelation 5:​9, 10) Thafali ana si manga na Jesus e to fafona fanua ne iano lae mai ka fula i tara’ena, mole’e imole na kera tata’e mai keka Christian mamana. Sui mena ana Baebol e sorea, talito’ona 144,000 bana keki kwaitalai bia tha Jesus. (Te’emania Revelation 14:​1-4.) Ma oro lana Christian mamana, keki to faara kwaitalai lana Kingdom eri fafona fanua ne iano.​—Psalm 37:29.

3. Uria ta Kingdom tha God e le’a ka talua gavman wane?

Tei si manga to’a na kera kwaitalai thathamia keki ilifania si do le’a fana imole ki, sui a’i kesi to ana sukwa’ia uria keki ilifania si do eri. Sulia gavman wane e kwai’akura uria kai tatala, bia si manga na ruana wane e talaa, tei si manga wane eri e a’i si manto’ona imole ki. Jesus wane na e kwaitalai la Kingdom tha God ta wane a’i si taala nia la’u. Baebol e sorea, God e “thafalia te’e Kingdom na toto si sui.” (Daniel 2:​44) Jesus kai kwaitalai fafia fanua ne iano laula’u, bia nia kai ilifania si do le’a fana imole ki sui bo’o na nia e kwaitalai fafi kera. Sulia Jesus e liothau bia ka adale’a ana imole ki, adelana imole ki na nia e kwaitalai fafi kera, keka to la’u bo’o ana si biiranga eki bia keka to ana enenoa ma’alutada.​—Te’emania Isaiah 11:9.

4. Kingdom tha God kai kwaitalai fafia fanua ne iano laula’u

Jesus e to ana sukwa’ia ka talua to’a na kera kwaitalai fafona fanua ne iano. Te’emania Matthew 28:​18, sui u’unu kalia soeto’ona la:

• Uria ta sukwa’ia na Jesus e to ania ura kwaitalai la e talua to’a na kera kwaitalai fafona fanua ne iano?

Gavman wane ki thaito’omana kai tatala, bia kera keki kwaitalai bada fafia si kula na kera olto’ona uria keki liosulia. Ufita, Kingdom tha God e una’eri la’u bo’o? Te’emania Daniel 7:​14, sui u’unu kalia soeto’ona la ki:

• Uria ta Baebol ka sorea Kingdom tha God e “toto si sui”?

• Uria ta ka le’a Kingdom tha God kai kwaitalai fafia fanua ne iano laula’u?

5. Kingdom tha God kai fa’asuia gavman wane ki

Uria ta ka le’a Kingdom tha God kai talaa gavman wane ki? Fatania VIDEO, sui u’unu kalia soeto’ona la.

VIDEO: Ta na Kingdom tha God?​—Part ana Video (1:​41)

• Ta na fuli si manga wane kera kwaitalai?

Te’emania Ecclesiastes 8:​9, sui u’unu kalia soeto’ona la:

• Ana mantaa oe, e tala’ana uria Kingdom tha God kai talaa gavman wane? Uria ta oko manta una’eri?

6. To’a na kera kwaitalai la Kingdom tha God kera thaito’omana le’a ani kulu

Jesus wane na e king la Kingdom tha God e “thaito’omana le’a ana afeta’ia na fulato’okalu’a,” sulia si manga nia e to fafona fanua ne iano nia e fulato’ona la’u bo’o afeta’ia eki. (Hebrews 4:​15) 144,000 na keki kwaitalai bia tha Jesus kera thaito’omana le’a la’u bo’o ani kulu, sulia Jehovah e “fili kera fasia tribe, languis, bia nation ki sui bana.”​—Revelation 5:9.

• Si manga o thaito’omana Jesus bia to’a na keki kwaitalai bi nia kera thaito’omana le’a ani kulu, to’omatafana la oe ka ufita? Uria ta oko manta una’eri?

7. Law na Kingdom tha God e to ania e le’a ka talua law na gavman wane kera alua

Gavman e alua law fasia imole na nia e kwaitalai fafi kera, a’i kesi fulato’ona afeta’ia. Kingdom tha God mena e to la’u bo’o ana law fasia imole nia ki keka lae sulia. Te’emania 1 Corinthians 6:​9-​11, sui u’unu kalia soeto’ona la ki:

• Manto’ona fesi masa imole ki sui bo’o keka lae sulia law na Kingdom tha God e alua, to la kai ufita?a

• Ana mantaa oe, ufita Jehovah e thathamia imole ki na kera to faara Kingdom nia keki adesulia law na nia e alua? Uria ta oko manta una’eri?

• Ta na fatania imole na a’i kesi lae sulia law eri thaito’omana keki tatala bada? ​—Rikia verse 11.

SI DO NA KULU TO’OA

Kingdom tha God nia te’e gavman na to i heven bia nia kai kwaitalai fafia fanua ne iano laula’u.

Reviu

• Tei kera na keki kwaitalai la Kingdom tha God?

• Uria ta Kingdom tha God e le’a ka talua gavman wane?

• Ta na Jehovah e thathamia imole na kera to faara Kingdom nia keki ilifania?

TEI SI DO KI LA’U

Ufita, Kingdom tha God e to la ruru’una imole?

“Hao, Kingdom blo God Hem Stap lo Heart?” (Article la jw.org)

Uria ta Jehovah’s witness ki keka manta baita ana Kingdom tha God ka talua gavman wane ki?

Devoted to God’s Kingdom (1:​43)

Te’emai sulia si do na Baebol e sorea sula’ania 144,000 na keki kwaitalai bia tha Jesus.

“Hu Nao Bae Go lo Heven?” (Article la jw.org)

Te’emai sulia ta na adea te’e kini ka fa’amamanea talito’ona God bona’a thaito’omana kai falea enenoa.

“How I Found the Answer to Injustice” (Awake!, November 2011)

La fa ngali 1914 Kingdom tha God e thafali kwaitalai i heven. Bia la fa ngali eri bana si manga i’isi ana kwaitalai lana wane ka thafali. Ta na adea kuka thaito’omana? Kuki to’oa Baebol profesi ki, si do na fuli fafona fanua ne iano, bia biirangana imole ki, na fatania kingdom tha God e thafali kwaitalai la fa ngali 1914.

1. Ta na Baebol e profesi sulia?

Baebol buka Daniel e profesi sulia susui lana “sevenfala si manga” (sevenfala fa ngali) Kingdom tha God kai thafali kwaitalai. (Daniel 4:​16, 17) Si manga na Jesus e to fafona fanua ne iano, nia e u’unu la’u bo’o sulia sevenfala si manga eri, si manga nia e sorea “lae ka fula ana si manga i’isi ana kwaitalai lana wane ki.” Bia nia ka u’unu la’u bo’o sulia sevenfala si manga eri e a’i si sui u. (Luke 21:24) Si do eri e fatania sevenfala si manga eri e sui la fa ngali 1914.

2. Ta na fuIi na fatania Kingdom tha God e thafali kwaitalai ana fa ngali 1914?

Disaepol Jesus kera soeto’ona: “Ta na fatania oe o kwaitalai na’a bia susui la e kwaikarangi?” (Matthew 24:3) Jesus e lu’u kera ka sorea, si manga mulu rikia firua, thaofa, bia anunu e isua si kula ki sui bo’o, si do eri fatania nau ku kwaitalai bia susui la e kwaikarangi. (Te’emania Matthew 24:7.) Baebol e u’unu la’u bo’o sulia la fa “thato i’isi” biirangana imole ki kai ta’a asia na’a bia marukia kai “afeta’i asia na’a.” (2 Timothy 3:​1-5) Si do eki e thafali fuli ana fa ngali 1914.

3. Uria ta afeta’ia oro ka fuli fafona fanua ne iano, si manga Kingdom tha God e thafali kwaitalai i heven?

Si manga na Jesus e thafali King la Kingdom tha God, te’e firua ka to’o i heven. Firua eri e to’o ma’alutana Jesus bia Satan bia demon nia ki, sui Jesus ka win ana firua eri. Baebol e sorea “[Jesus] e nanga mai ana Satan bia demon nia ki fafona fanua ne iano.” (Revelation 12:​9, 10, 12) Sulia Satan e thaito’omana kwaikarangi na’a Jesus kai fa’adanga nia, si do eri adea nia ka raka’iri asia na’a. Adelana nia ka to buira afeta’ia oro na fuli fafona fanua ne iano. Do na adea a’i kusi kwele ana afeta’ia oro na fuli tara’ena! Sui mena ana kwaikarangi na’a Kingdom tha God kai fa’adanga afeta’ia oro na fuli fafona fanua ne iano.

TO’OA LA’U TEI SI DO

4. Baebol profesi ki e fatania Kingdom tha God e thafali kwaitalai la fa ngali 1914

VIDEO: Kingdom blo God Start for Rul lo 1914 (5:​02)

God e fatania te’e mo’osibolea sana tha Nebuchadnezzar King i Babylon, sulia si do na kai fuli la si manga na ni u mai. Daniel e infita mo’osibolea eri e to’olangania kwaitalai lana Nebuchadnezzar bia Kingdom tha God. ​—Te’emania Daniel 4:​17.a

Te’emania Daniel 4:​20-​26, sui rikia chart fasia oko todaa lu’u la ana soeto’ona la ne’e ki:

• (A) La mo’osibolea eri, ta na Nebuchadnezzar e rikia?​—Rikia verse 20 bia 21.

• (B) Ta na keki ilifania ana ai eri? ​—Rikia verse 23.

• (C) Ta na kai fuli susui lana “sevenfala si manga”?​—Rikia verse 26.

Ta na Fatania Ai eri e To’olangania La’u Bo’o Kingdom tha God

PROFESI (Daniel 4:​20-​36)

Kwaitalai

(A) Thame’e ai tekwa

Kwaitalai la e sui

(B) “Kera kasi oea ai eri,” ka to sulia “sevenfala si manga”

Kwaitalai la e thafali la’u

(C) “Oe oki kwaitalai la’u”

Si manga totolo na’o na profesi eri e mamana . . .

• (D) Ai eri e to’olangania tei?—Rikia verse 22.

• (E) Ta na adea kwaitalai lana ka sui?—Te’emania Daniel 4:​29-​33.

• (F) Susui lana “sevenfala si manga” ta na fuli ana tha Nebuchadnezzar?—Te’emania Daniel 4:​34-​36.

SI MANGA TOTOLO NA’O NA PROFESI ERI E MAMANA

Kwaitalai

(D) Nebuchadnezzar, King i Babylon

Kwaitalai la e sui

(E) Buira 606 B.C.E., Nebuchadnezzar mantana e a’i si to’o, si do eri adea ka a’i si tala’ana kai kwaitalai sulia sevenfala fa ngali

Kwaitalai la e thafali la’u

(F) Nebuchadnezzar mantana olimai ka to’o la’u, bia nia ka thafali kwaitalai la’u

Ruana si manga na profesi eri e mamana . . .

• (G) Tei na ai eri e to’olangania? ​—Te’emania 1 Chronicles 29:23.

• (H) Ta na adea kwaitalai la kera ka sui? Ta na adea kuka thaito’omana ta wane a’i si kwaitalai u fulingana tha God si manga Jesus e to fafona fanua ne iano? ​—Te’emania Luke 21:24.

• (I) Si manga ta na kwaitalai la eri e thafali la’u bia fei na e kwaitalai iei?

RUANA SI MANGA NA PROFESI ERI E MAMANA

Kwaitalai

(G) To’a Israel na kera kwaitalai fulingana tha God

Kwaitalai la e sui

(H) Si manga na kera ogea Jerusalem, ta wane Israel a’i si king la’u sulia 2,520-fala fa ngali

Kwaitalai la e thafali la’u

(I) Jesus e thafali kwaitalai la Kingdom tha God i heven

5. Afeta’ia baita ki e fuli fafona fanua ne iano thafali mai la fa ngali 1914

Fatania VIDEO.

VIDEO: Afeta’ia Baita ki na Fuli Thafali ana fa Ngali 1914 (1:​10)

Jesus e u’unu sulia si do na kai fuli fafona fanua ne iano, si manga nia e king la Kingdom tha God. Te’emania Luke 21:​9-​11, sui u’unu kalia soeto’ona la:

• Si do ta na o rikia mada oko rongoa e fuli sui na’a?

Aposol Paul e u’unu sulia biirangana imole ki la fa thato i’isi faara kwaitalai lana wane. Te’emania 2 Timothy 3:​1-5, sui u’unu kalia soeto’ona la:

• La si kula na o to iei, si biiranga ta bo’o na o rikia imole kera to ania?

6. Ta na kuki ilifania si manga na kulu thaito’omana Kingdom tha God e kwaitalai na’a

Te’emania Matthew 24:​3, 14, sui u’unu kalia soeto’ona la ki:

• Raa ta bo’o e gwaunga’i na Christian mamana ki kera ilifania, na fatania Kingdom tha God e kwaitalai na’a?

• Ta na oki ilifania fasia oko u’unu tania si fa’arongoa le’a?

Kingdom tha God e kwaitalai sui na’a i heven, bia karangia na’a nia kai kwaitalai fafia fanua ne iano laula’u. Te’emania Hebrews 10:​24, 25, sui u’unu kalia soeto’ona la:

• Ta na kuki ilifania si manga na kulu “rikia susui la e kwaikarangi”?

SI DO NA KULU TO’OA

Baebol profesi, afeta’ia ki na fuli fafona fanua ne iano, bia biirangana imole ki, e fatania Kingdom tha God e kwaitalai na’a. Bia si manga na kulu u’unu tania fa’arongoa le’a sula’ania Kingdom tha God bia kuka lae ana kongregeson meeting ki, si do eri e fatania kulu fa’amamanea Kingdom tha God e kwaitalai na’a.

Reviu

• Ta na fuli susui lana sevenfala si manga na Baebol buka Daniel e u’unu sulia?

• Ta na adea oko fa’amamanea Kingdom tha God e thafali kwaitalai la fa ngali 1914?

• Fasia ka fatania oe o fa’amamanea Kingdom tha God e kwaitalai sui na’a, ta na oki ilifania?

TEI SI DO KI LA’U

Te’emai sulia si do na to’a kera studyim history kera sorea, sula’ania si do na fuli fafona fanua ne iano thafali ana fa ngali 1914.

“When Morals Declined Dramatically” (Awake!, April 2007)

Te’emai sulia te’e wane na profesi la Matthew 24:14 e adomi nia.

“Mi Laekem Tumas Baseball Winim Eni Nara Samting!” (Wastaoa No. 3 2017)

Ta na adea kuka thaito’omana profesi na Daniel chapter 4 e u’unu sulia e to’olangania la’u bo’o Kingdom tha God?

“Long Wanem Taem Nao Kingdom Bilong God Hem Start for Rul? (Part 1)” (Wastaoa, November 1, 2014)

Ta na fatania sevenfala si manga na Daniel chapter 4 e u’unu sulia e sui la fa ngali 1914?

“Long Wanem Taem Nao Kingdom Bilong God Hem Start for Rul? (Part 2)” (Wastaoa, January 1, 2015)

Kingdom tha God e kwaitalai sui na’a i heven. Sui ta na Kingdom eri kai ilifania fafona fanua ne iano? La leson ne’e, kuki to’oa si do le’a ki na Kingdom eri kai ilifania fafona fanua ne iano.

1. Ta na Kingdom tha God kai ilifania fasia enenoa bia kokota la ka to fafona fanua ne iano?

Jesus wane na King la Kingdom tha God, kai fa’asuia imole ki na a’i kesi ilifania si do na Jehovah e se’ethathala sulia bia gavman wane ki, si manga ana omea tha God na Baebol alangia ana Armageddon. (Revelation 16:​14, 16) Buira Armageddon alanga’ia ki na Baebol e u’unu sulia kai mamana. Baebol e sorea, “Kasi manga na’a e to, sui imole ki na biirangada e ta’a keki sui.” (Psalm 37:10) Faara kwaitalai lana Kingdom tha God enenoa bia kokota la kai to fafona fanua ne iano.​—Te’emania Isaiah 11:4.

2. Si manga na Kingdom tha God kai kwaitalai fafia fanua ne iano, marukia kai ufita?

Faara kwaitalai lana Kingdom tha God “imole na kera kokota keki to fafona fanua ne iano, bia keki to tatha bona’a iei.” (Psalm 37:29) Manto’ona fesi, masa imole kokota ki sui bo’o keka to fafona fanua ne iano, keka liothau ana kera kwailiu, a’i kesi mata’i na’a, bia keka to ana marukia le’a na toto si sui.

3. Ta na Kingdom tha God kai ilifania, buira e fa’asuia imole ki na biirangada e ta’a?

Si manga Jesus e fa’asuia imole ta’a ki sui, nia kai kwaitalai sulia 1,000-fala fa ngali. La si manga eri, Jesus bia 144,000 na kera kwaitalai bi nia, keki adomia imole ki na kera to fafona fanua ne iano fasia keka to la’u ana marukia na e laula’u. Susui lana 1,000-fala fa ngali eri, fanua ne iano laula’u kai tata’e mai te’e paradaes, ma talito’ona imole ki na kera adesulia law Jehovah kera na keki to iei. Sui Jesus ka olitania la’u bana sukwa’ia ura kwaitalai la fana maka nia tha Jehovah. Si manga eri Jehovah kai fa’asuia Satan, demon nia ki, bia imole na kera adefasia. (Revelation 20:​7-​10) Si do eri kai fatania Jehovah bona’a tala’ana kai kwaitalai sulia nia e manto’ona imole ki. Sula’ania si do eki na Jehovah kai ilifania, “thatana kai abu.” (Matthew 6:​9, 10) Marukia le’a na kuki todaa faara kwaitalai lana Kingdom tha God e toto si sui.

TO’OA LA’U TEI SI DO

4. Kingdom tha God kai fa’asuia gavman wane

Si manga “wane e kwaitalai, imole keka fulato’ona afeta’ia.” (Ecclesiastes 8:9) Sui mena ana, Jehovah kai aruto’ona Kingdom nia uria kai fa’asuia, afeta’ia ki na fuli nunufana kwaitalai lana gavman wane.

Te’emania Daniel 2:​44 bia 2 Thessalonians 1:​6-8, sui u’unu kalia soeto’ona la ki:

• Ta na Jehovah bia Jesus keki ilifania ana gavman wane bia to’a nia ki?

• Ta na o to’oa sula’ania Jehovah bia Jesus, na adea oko fa’amamanea kero’a keki ilifania si do sulia kokota la?

5. Jesus nia te’e King na kwaitalai lana e le’a

Jesus wane na e King la Kingdom tha God kai ilifania si do le’a oro fana imole nia ki na kera to fafona fanua ne iano. Fatania VIDEO fasia oko rikia si do na Jesus e ilifania si manga nia e to fafona fanua ne iano, e fatania God e falea sukwa’ia fana uria kai adomia imole ki na nia kai kwaitalai fafi kera.

VIDEO: Jesus e Fatania si Do na Kingdom Kai Ilifania (1:​13)

Si do na Jesus e ilifania ki si manga nia e to fafona fanua ne iano, e fatania si do na nia kai ilifania la si manga na ni u mai. Blessing ta na oe o thathamia asia na’a uria oki todaa? Te’emania scripture ki na e u’unu sulia blessing eki.

6. Kingdom tha God kai falea marukia le’a fana imole ki

VIDEO: Si Do Le’a ki na Kuki Todaa Faara Kwaitalai lana Kingdom tha God (4:​38)

Te’emania Psalm 145:​16, sui u’unu kalia soeto’ona la:

• Si manga na o thaito’omana Jehovah kai “falea fana si do maruki ki sui bo’o, si do na kera thathamia,” to’omatafana la oe ka ufita?

SI DO NA KULU TO’OA

Kingdom tha God kai fa’asuia afeta’ia ki na fuli fafona fanua ne iano. Sui fanua ne iano laula’u kai tata’e mai te’e paradaes, ma talito’ona imole ki na kera adesulia law Jehovah kera na keki to iei, bia keki to ana marukia le’a na toto si sui.

Reviu

• Ta na Kingdom tha God kai ilifania fasia thatana Jehovah ka abu?

• Uria ta kuka fa’amamanea alanga’ia ki na Baebol e u’unu sulia kai mamana faara kwaitalai lana Kingdom tha God?

• Ta na o lio ma’akwali uria oki todaa si manga Kingdom tha God kai kwaitalai fafia fanua ne iano?

TEI SI DO KI LA’U

Te’emai sulia ta na Armageddon e to’olangania.

“Wat Nao War blo Armageddon?” (Article la jw.org)

Te’emai sulia si do na kai fuli la si manga na Baebol e alangia ana “afeta’ia baita.”​—Matthew 24:21.

“What Is the Great Tribulation?” (Web article)

Rikia si do na famili ki keki ilifania, si manga na kera manta sulia marukia la paradaes.

Tingim Iuseleva Long Paradaes (1:​50)

Te’emai sulia te’e wane na e lalakwa tania gavman, e todaa lu’u la fana soeto’ona la nia ki.

“The Bible Changes Lives” (The Watchtower, January 1, 2012)