LESON 06
Marukia e Thafali Ufita?
“Baebol sorea [God] na falea marukia.” (Psalm 36:9) Ufita oe o fa’amamanea? Tei imole kera sorea marukia e thafali bana talifili nia. Masa si do eri ka mamana, kulu maruki ura ta ne’e? Sui masa Jehovah God na falea marukia, ta na mantana sula’ania marukia?a Kuki to’oa Baebol e u’unu sulia marukia e thafali ufita, bia si ta na adea kuka fa’amamanea.
1. Universe e thafali ufita?
Baebol sorea: “Ana thathafalia God thaungania heven bia fanua ne iano.” (Genesis 1:1) Scientist oro kera fa’amamanea universe e to ana thathafalia. God e thaunga’i ufita ana universe? God e aruto’ona “sukwa’ia” nia—nia na holi spirit—uria kai thaungania si do ki sui bo’o na to la universe, uria galaxy ki, bubulu ki, bia planet ki.—Genesis 1:2.
2. Uria ta na God ka thaungania fanua ne iano?
Jehovah “e thaungania fanua ne iano fasia imole keka to iei.” (Isaiah 45:18) Fanua ne iano nia si kula le’a ni to, na Jehovah e thaungania fana imole ki uria keki to iei. (Te’emania Isaiah 40:28; 42:5.) Scientist ki kera sorea fanua ne iano nia te’e planet na e’eta fasia planet ki sui bana. Nia bona’a te’e planet na to ana si do na imole ki kera ato’ia fasia keka maruki.
3. Ta na adea imole keka e’eta fasia animal?
Buira Jehovah e thaungania fanua ne iano, nia ka thaungania si do na maruki iei. Totolo na’o, nia e thaungania plant bia animal ki. Sui fete’i, “God ka bi’i thaungania wane ana nuuna i tala’ana.” (Te’emania Genesis 1:27.) Ta na adea imole ki keka e’eta fasia animal? Sulia God e thaunga’i kulu ana nuuna i tala’ana, kulu thaito’omana kuki to ana si biiranga le’a nia ki, uria liothaua bia kokota la. Nia e thaunga’i kulu la’u bo’o bia si biiranga ura se’ethathala la sulia si do na kulu rikia bia kuka rongoa, bia kuki to’oa la’u bo’o tei languis e’eta ki. Bia si do na adea kuka e’eta bona’a fasia animal ki, kulu thaito’omana kuki faarabaita ana wane na thaunga’i kulu.
TO’OA LA’U TEI SI DO
Kuki to’oa si do na fatania te’e wane, nia na e thaungania si do ki sui bana na e maruki, bia si ta na adea kuka fa’amamanea u’unua na to la Baebol sula’ania creation nia e kokota. Bia kuki to’oa, kulu thaito’omana kuki to’odo sulia God fasia si biiranga le’a na kulu to ania.
4. Si do na maruki te’e wane na thaungania
Imole oro kera manta baita nada ana wane ki na kera copyim thaunga’ia fasia creation, a’i kesi manta baita na’a ana wane na thaungania original creation. Una’eri tei na fulingana kuki manta baita ania? Fatania VIDEO, sui u’unu kalia soeto’ona la.
Ta na tei si do na wane kera thaungania na kera copyim fasia creation?
Luma ki sui bana wane na thaungania. Sui tei na thaungania creation? Te’emania Hebrews 3:4, sui u’unu kalia soeto’ona la ki:
Thaunga’ia ta bo’o ana creation na oe o thathamia asia na’a?
Ufita nia e tala’ana kuki fa’amamanea universe bia si do ki sui bo’o ne to iei te’e wane na thaungania? Uria ta na oko manta una’eri?
Ufita oe o thathami thaito’omana?
Oe oko rikia article ki bia video ki sulia topic ne’e la jw.org faara sekson ne’e “Waswe samwan designim?” bia “Tingting bilong samfala abaotim hao laef hem start.”
“Kulu thaito’omana, luma ki sui bo’o wane na thaungania, sui wane na thaungania si do ki sui bo’o nia na God”
5. U’unua na to la Baebol sulia creation e mamana
La Genesis chapter 1, Baebol e u’unu sulia thafali lana fanua ne iano bia si do ki sui bo’o na maruki iei. Ufita oe o fa’amamanea, mada a’i? Fatania VIDEO, sui u’unu kalia soeto’ona la ki.
Ufita Baebol e u’unu sulia God e thaungania fanua ne iano bia si do ki sui bo’o na maruki iei la sixfala 24-hour day?
Ana mantaa oe, u’unua na to la Baebol sula’ania creation e kokota? Uria ta oko manta una’eri?
Te’emania Genesis 1:1, sui u’unu kalia soeto’ona la:
Scientist oro kera sorea universe e to ana thathafalia. Ufita si do na kera sorea e kokota bia si do na Baebol e u’unu sulia?
Tei imole kera sorea God e aruto’ona evolution uria kai thaungania si do ki sui bo’o na maruki. Si do eri to’olangania God e thaungania te’e fa cell bo’o, sui cell eri ka tatala ana si do e’eta oro ki na e maruki. Te’emania Genesis 1:21, 25, 27, sui u’unu kalia soeto’ona la:
Ufita Baebol e u’unu sulia God e aruto’ona evolution uria kai thaungania animal bia imole ki? Mada nia e thaungania “tete’e si do” na maruki?b
6. God e thaungania imole ka e’eta fasia si do ki sui bo’o na nia e thaungania
Imole ki kera e’eta fasia animal ki na Jehovah e thaungania. Te’emania Genesis 1:26, sui u’unu kalia soeto’ona la:
Sulia God e thaunga’i kulu kuka to ana biiranga nia ki, uria liothaua bia mantai lana ta ruana imole, ta na si do eri e to’oa sakalu’a sula’ania Jehovah?
SI BA’EA TEI IMOLE KEKI SOREA: “Si do na Baebol e u’unu sulia, sula’ania creation e a’i si mamana.”
Mantaa oe ufita? Uria ta na oko manta una’eri?
SI DO NA KULU TO’OA
Jehovah na thaungania universe bia si do ki sui bo’o na maruki fafona fanua ne iano.
Reviu
Baebol e u’unu sulia universe e thafali ufita?
Ufita God e aruto’ona evolution mada nia e thaungania si do ki sui bo’o na e maruki?
Ta na adea imole keka e’eta fasia si do ki sui bo’o na God e thaungania?
TEI SI DO KI LA’U
Rikia te’e example ana creation na fatania te’e wane na thaungania si do ki sui bo’o.
Rikia te’e maka e inifita ufita ana u’unua na to la Baebol sula’ania creation sana wela nia.
Te’emai sulia masa evolution e kokota bia si do na Baebol e u’unu sulia.
“Waswe, God Iusim Evolution for Creatim Olketa Difren Kaen Samting wea Laef?” (Article la jw.org)
Te’emai sulia si do na scientist ki kera study lalae keka rikia, na fatania masa te’e wane na thaungania si do ki sui bo’o ne maruki mada e a’i.
b La Baebol si ba’ea ne’e “tete’e si do” e to’olangania si do maruki e’eta kwailiu.