Ta na Baebol e Sorea Sula’ania Jehovah?

Ta na manta la oe sula’ania Jehovah God? Ufita nia te’e God ne abu ka ni daa i’a, uria bubulu na e to lofothalo? Mada ana mantaa oe, God e to ana sukwa’ia sui a’i si manto’ona imole ki, uria kuburu? Jehovah kwa’i God ufita neri? Baebol e u’unu sulia si biiranga na Jehovah e to ania, bia ka u’unu la’u bo’o sulia Jehovah e manto’okalu’a imole ki.

1. Uria ta na a’i kusi rikia God?

“God nia te’e Spirit.” (John 4:​24) Jehovah a’i si to ana se’edo uria kulu imole. Nia te’e spirit na to i heven, si kula na a’i kusi rikia.

2. Ta na tei si biiranga na Jehovah e to ania?

Do anta a’i kusi rikia mena Jehovah, si manga na kulu thaito’omana, kulu kuki liothau an nia sulia nia te’e God na e to ana si biiranga le’a ki. Baebol sorea: “Jehovah e thathamia kokota la, bia nia afeta’i ka luka ana imole na kera faarabaita an nia.” (Psalm 37:28) Jehovah e “liothau ana imole bia ka fatania tatakomia,” i fana imole na kera fulato’ona afeta’ia. (James 5:​11) “Jehovah e to karangia imole na kera liodila; bia ka adomia imole na kera manta fedaa.” (Psalm 34:​18, footnote) Ufita o thaito’omana si do na kulu ilifania kai adea Jehovah kai se’ethathala mada ka liodila? Si manga na Jehovah e lio ka rikia imole kera ilifania si do na a’i si kokota, nia ka liodila. (Psalm 78:​40, 41) Ma si manga nia e rikia imole kera ilifania si do na kokota nia ka se’ethathala.​—Te’emania Proverbs 27:11.

3. Ta na Jehovah e ilifania na fatania nia e liothau ana kulu?

Te’e si biiranga na Jehovah e to ania, nia na liothaua. Baebol sorea, “God e liothau.” (1 John 4:8) Liothaua na Jehovah e to ania, kuki te’emai sulia la Baebol bia kuki rikia fasia si do na nia e thaungania. (Te’emania Acts 14:17.) Uria example, Jehovah e thaunga’i kulu ana thaunga’ia na kulu thaito’omana kuki rikia kala e’eta oro, rongoa music, bia kuki testim fanga e’eta ki. Nia e thathamia uria kuki se’ethathala sulia marukia kulu.

TO’OA LA’U TEI SI DO

4. Holi spirit​—nia Sukwa’ia tha God

Uria kulu imole kulu aruto’ona abakalu’a ura ilifa’i lana si raa, Jehovah e aruto’ona holi spirit nia. Baebol u’unu sulia holi spirit nia a’i la’u te’e wane, nia sukwa’ia na God aruto’ona ura ilifa’i lana si do. Te’emania Luke 11:13 bia Acts 2:​17, sui u’unu kalia soeto’ona la:

• God “kai falea” holi spirit nia fana imole na kera gani uria, ana mantaa oe holi spirit nia te’e wane mada nia sukwa’ia tha God? Uria ta na oko manta una’eri?

Jehovah aruto’ona holi spirit nia uria kai thaungania si do na baita ki. Te’emania Psalm 33:6 bia 2 Peter 1:​20, 21, sui u’unu kalia soeto’ona la:

• Ta na tei si do na Jehovah aruto’ona holi spirit nia uria kai thaungania?

5. Jehovah to ana biiranga le’a ki

Moses te’e wane e mamana ura faarabaita la ana tha God, Sui nia ka thathami thaito’omana le’a la’u ana wane na thaunga’i nia. Moses ka sorea sana Jehovah: “Fatania biiranga oe ki saku, fasia nau kwa thaito’omamu le’a.” (Exodus 33:13) Jehovah ka fa’arongoa tei si biiranga nia ki sana Moses. Te’emania Exodus 34:​4-6, sui u’unu kalia soeto’ona la ki:

• Ta bo’o tei si biiranga na Jehovah e to ania, na nia e fa’arongoa sana Moses?

• Si biiranga ta bo’o ana si biiranga eki na o thathamia asia na’a?

6. Jehovah e manto’ona imole ki

Si manga na imole Jehovah kera slave i Egypt, to’omatafana la Jehovah ka ufita? Rongo uria AUDIO mada te’emania Exodus 3:​1-​10. Sui u’unu kalia soeto’ona la.

AUDIO: Jehovah e Manto’ona Imole Nia ki (2:​45)

• Si do na Baebol e u’unu sulia neri, e fatania to’omatafana la Jehovah e ufita bo’o si manga na e rikia imole ki kera fulato’ona afeta’ia?​—rikia verse 7 bia 8.

• Ana mantaa oe, ufita Jehovah e tala’ana kai ilifania si do ura adomi lana imole ki? Uria ta na oko manta una’eri?

7. Biiranga Jehovah e fata’i ana si do na e thaungania ki

Kulu kuki to’oa si biiranga le’a Jehovah fasia si do na nia e thaungania. Fatania VIDEO. Sui te’emania Romans 1:​20, sui u’unu kalia soeto’ona la.

VIDEO: Liothaua Jehovah Fata’i ana Creation​—Imole (1:​57)

• Ta bo’o tei si biiranga Jehovah na o rikia e fata’i ana si do na nia e thaungania ki?

SI DO NA KULU TO’OA

Jehovah nia te’e spirit na a’i kusi riki nia, bia nia ka to ana biiranga le’a ki, uria liothaua.

Reviu

• Uria ta na a’i kusi rikia Jehovah?

• Ta na holi spirit?

• Ta na tei si biiranga le’a na Jehovah e to ania?

TEI SI DO KI LA’U

Te’emai sulia 4-fala si biiranga Jehovah fasia oko thaito’omana le’a la’u an nia.

“Hem wanem kaen God?” (Wastaoa No. 1 2019)

Te’emai sulia si do na fatania Jehovah a’i si to si kula ki sui bo’o.

“Waswe, God Stap Evriwea?” (Article la jw.org)

Rikia uria ta Baebol ka sorea holi spirit nia uria abana God.

“Wanem Nao Holy Spirit?” (Article la jw.org)

Te’e wane maana boko e a’i si fa’amamanea God e manto’ona. Rikia si do na talaa mantana.

“Distaem Nao Mi Fit for Helpem Olketa Narawan” (Wastaoa, October 1, 2015)