LESON 13
False Religion e Labatania Thatana God
Masa God nia wane e liothau, uria ta na religion oro na kera sorea kera takwe fana God keka ilifania si do na ta’a? Religion eki e a’i si mamana, sulia kera labatania thatana God. Kera labata’i ufita ana thatana God? Ta na mantana God sulia false religion? Bia ta na God kai ilifania ana false religion?
1. Ta na false religion kera to’oa na labatania thatana God?
False religion (to’odoa na a’i si mamana) a’i kesi “fa’amamanea mamana la sulia tha God.” (Romans 1:25) Uria example, Baebol e sorea e le’a uria kuki aruto’ona thatana God. Sui religion oro a’i kesi to’oa thatana God sana imole kera ki. (Romans 10:13, 14) Tei wane baita ana religion kera sorea si manga na imole kera fulato’ona afeta’ia nia kwakwa’ea fasia tha God. Sui si do eri a’i si mamana, sula’ania God si manga ki sui e ilifania si do na kokota. (Te’emania James 1:13.) Si do eki na false religion kera to’oa, e adea imole ki a’i kesi liothau na’a ana tha God.
2. Ta na false religion kera ilifania na labatania thatana God?
False religion a’i kesi ilifania si do Jehovah e thathamia. Baebol sorea “abulata’ala kera false religion e oro asia na’a.” (Revelation 18:5) La fa ngali oro na tatha na’a false religion kera to bia gavman, lae ana firua, bia keka ilifania si do na adea imole oro keka mae. Bia la’u bo’o tei wane baita ana religion kera thathamia keki inoto, keka gania seleni sana imole kera ki uria si do na kera ilifania. Si do eki na kera ilifania e fatania a’i kesi thaito’omana tha God, bia a’i si tala’ana uria keki sorea kera imole tha God.—Te’emania 1 John 4:8.
3. Ta na mantana God sulia false religion?
Masa si do na false religion kera ilifania e adea osi se’ethathala, ma mantana Jehovah kai ufita? Jehovah wane e liothau ana imole ki, sui nia a’i si se’ethathala si manga na nia e rikia wane baita ana religion kera ilifania si do na labatania thatana, bia keka tole garo ana imole ki. Jehovah e alangania kai fa’adanga false religion ma “a’i kesi rikia la’u.” (Revelation 18:21) E kwaikarangi na’a uria God kai fa’adanga false religion ki sui bana.—Revelation 18:8.
TO’OA LA’U TEI SI DO
Kuki to’oa la’u ta na mantana Jehovah sula’ania false religion, si ta na false religion kera ilifania sui na’a, bia uria ta si do eki a’i si su’usi kulu uria kuki to’odo sula’ania Jehovah.
4. God a’i si alafafia religion ki sui bana
Imole oro kera fa’amamanea religion ki, e uria tala e’eta oro na lae bana sana te’e God. Ufita si do eri e mamana? Te’emania Matthew 7:13, 14, sui u’unu kalia soeto’ona la
Ta na Baebol e sorea sula’ania tala na lae uria marukia?
Fatania VIDEO, sui u’unu kalia soeto’ona la.
Ufita, Baebol sorea God e alafafia religion ki sui bana?
5. False religion a’i kesi fatania liothaua uria tha God
Si do oro ni bana na false religion kera ilifania na labatania thatana God. Te’e si do na’a an si do eki, nia na kera lae ana firua. Fasia oko rikia te’e example, fatania VIDEO. Sui u’unu kalia soeto’ona la ki.
Ta na religion oro kera ilifania si manga ana World War II?
Mantaa oe ufita sulia si do eki na kera ilifania?
Te’emania John 13:34, 35 bia 17:16. Sui u’unu kalia soeto’ona la ki:
To’omatafana la Jehovah kai ufita si manga nia e rikia religion ki kera lae ana firua?
False religion kera ilifania si do oro na a’i si le’a. Ta na tei si do na false religion kera ilifania na fatania a’i kesi to ana liothaua uria God?
False religion a’i kesi fatania liothaua uria tha God
6. God thathamia kai adomia imole ki fasia keka lae fasia false religion
Te’emania Revelation 18:4,a sui u’unu kalia soeto’ona la:
Si manga na o thaito’omana God thathamia kai adomia imole ki uria keki lae fasia false religion, to’omatafana la oe ka ufita?
7. To’odo sulia God mamana
Si manga na o rikia si do na false religion kera ilifania na a’i si le’a, ufita si do eri adea oko lalakwa to’odo sulia God? Manto’ona fesi te’e wela na e lalakwa rongoa si do maka nia e sorea. Nia ka akwasia ma’afera ka lae ana sulia mantana ka ilifania si do na a’i si le’a. Maka eri ka a’i si se’ethathala sulia si do na wela nia e ilifania. Ufita, e tala’ana uria kuki alua ta’a la eri fafia maka nia?
Si manga na kulu rikia false religion kera ilifania si do na a’i si le’a, ufita e tala’ana uria kuki alua fafia Jehovah bia kuki to nakalu’a fasia to’odo la suli nia?
SI BA’EA TEI IMOLE KEKI SOREA: “Nau a’i kwesi thathami to’odo bo’o sulia tha God, sula’ania religion kera ilifania si do oro na a’i si le’a.”
Ufita, o manta una’eri la’u bo’o?
Uria ta a’i kusi to fasia to’odo la sulia Jehovah, do anta kuka rikia mena false religion kera ilifania si do oro na a’i si le’a?
SI DO NA KULU TO’OA
False religion kera labatania thatana God ana si do na kera to’oa bia si do na kera ilifania. God kai fa’adanga false religion.
Reviu
Ta na mantaa oe sula’ania si do na false religion kera sorea bia keka ilifania?
Ta na mantana Jehovah sula’ania false religion?
Ta na God kai ilifania ana false religion?
TEI SI DO KI LA’U
Te’emai sulia roosi do na religion oro kera ilifania na God a’i si se’ethathala sulia.
“Hao, Evri Religion Semsem? Hao, Evriwan Worshipim Sem God Nomoa?” (Article la jw.org)
Uria ta Jehovah ka thathamia kuki ofu bia ta ruana imole ura faarabaita la?
“Hao, Hem Important for Joinim Religion wea Organize?” (Article la jw.org)
Te’e priest e riki thaito’omana si do na religion nia e to’oa e a’i si mamana, sui ka una’eri mena si do eri a’i si su’usi nia uria kai to’oa mamana la sula’ania tha God.
La fa ngali oro na tatha na’a, religion kera to’oa si do na a’i si mamana sula’ania tha God. Te’emai sulia 3-fala lolea eri na kera to’oa.
“Olketa Laea Teaching Wea Mekem Hard for Pipol Lovem God” (Wastaoa, January 1, 2024)