LESON 14
Faarabaita la Ufita na God e Alafafia?
Uria na kulu u’unu sulia la leson 13, God a’i si alafafia religion ki sui bana. Sui mena ana, God kai alafafia faarabaita la kulu si manga na kulu ilifania si do na nia e se’ethathala sulia. Sui “kwa’i faarabaita la [mada religion]” ufita na God e alafafia? (James 1:27, footnote) Rikia si do na Baebol e u’unu sulia.
1. Faarabaita la kulu kai ngado ana ta?
Faarabaita la kulu kai ngado ana si do na Baebol e to’oa. Jesus e faarongo ana tha God: “Ba’elamu e mamana.” (John 17:17) Tei religion a’i kesi lae sulia mamana la na to la Baebol, kera lae bada sulia mantana wane ni bana. Adelana Jehovah ka a’i si alafafia faarabaita la imole na “a’i kesi lae sulia law nia.” (Te’emania Mark 7:9.) Sui mena ana, Jehovah e se’ethathala asia na’a si manga na faarabaita la kulu e ngado ana Baebol bia kuka lae sulia advaes nia ki.
2. Faarabaita la kulu fana Jehovah kai ufita?
Jehovah bona’a e tala’ana kuki faarabaita ani nia sulia nia na thaungania si do ki sui bo’o. (Revelation 4:11) Si do eri e to’olangania si manga na kulu faarabaita ana Jehovah a’i kusi aruto’ona la’u ta idol.—Te’emania Isaiah 42:8.
Faarabaita la kulu kai “faalu bia ka kokota” maana Jehovah. (Romans 12:1) Si do eri e to’olangania kuki adesulia law nia ki. Uria example, imole na kera faarabaita an Jehovah kera adesulia law nia bali ana marit. Bia la’u bo’o keka to fasia ilifa’i lana si do na a’i si faalu uria bibi’ala la bia ku’u kwaso la.a
3. Uria ta ka le’a kuki faarabaita ana Jehovah bia imole na kera faarabaita la’u bo’o an nia?
Meeting ki na tatha la fa week ki sui bana, nia si manga uria kuki “tangoa Jehovah . . . i la kongregeson.” (Psalm 111:1, 2) Kulu tangoa Jehovah si manga na kulu ngulia fa nguu ki. (Te’emania Psalm 104:33.) Jehovah e liothau an kulu adelana nia ka thathamia kuki lae ana meeting, bia nia ka thaito’omana si manga na kulu lae ana meeting kuki fulato’ona kwai’adomia fasia kuka todaa marukia le’a na toto si sui. Si manga na kulu ofu kwaimani bia imole na kera faarabaita ana Jehovah si do eri kai fa’asukwa’i kulu kwailiu.
TO’OA LA’U TEI SI DO
Kuki to’oa uria ta Jehovah a’i si alafafia aruto’ona lana idol la faarabaita la. Bia kuki to’oa la’u bo’o si do gwaunga’i na kuki ilifania fasia ka fatania kulu tangoa God.
4. A’i kusi aruto’ona idol la faarabaita la kulu
Ufita na kuka thaito’omana God a’i si alafafia faarabaita la kulu si manga na kulu aruto’ona idol? Fatania VIDEO, sui u’unu kalia soeto’ona la.
Si manga na imole God la si manga na sui kera aruto’ona idol la faarabaita la kera, si ta bo’o na fuli?
Tei imole kera sorea si manga na kera aruto’ona idol la faarabaita la, si do eri kai adomi kera uria keki kwaimani le’a bia God. Sui ufita, si do eri e mamana? Te’emania Exodus 20:4-6 bia Psalm 106:35, 36, sui u’unu kalia soeto’ona la ki:
Ta bo’o tei nunuido na o rikia imole kera aruto’ona i la faarabaita la kera?
To’omatafana la Jehovah e ufita bo’o, si manga na e rikia imole kera aruto’ona nunuido la faarabaita la kera?
Mani oe, to’omatafana la oe e ufita si manga na imole kera aruto’ona nunuido la faarabaita la?
5. Si manga na kulu faarabaita ana Jehovah kuki tofe’eto fasia to’odoa na a’i si mamana
Rikia fesi te’e wane na e tofe’eto fasia to’odoa na a’i si mamana si manga na nia e faarabaita an Jehovah. Fatania VIDEO.
Te’emania Psalm 91:14, sui u’unu kalia soeto’ona la:
Si manga na kulu faarabaita an Jehovah, si ta na nia e alangania kai ilifania fakalu’a?
6. Kulu faarabaita ana God si manga ana meeting
Kulu tangoa Jehovah bia kuka fa’asukwa’i kulu kwailiu si manga na kulu ngulia fa nguu bia si manga na kulu falea koment la meeting. Te’emania Psalm 22:22, sui u’unu kalia soeto’ona la ki:
Ufita, koment na o rongoa la meeting e adomi oe?
Ufita, oe o thathami kwaima’akwali la’u bo’o an ta koment fasia oko falea la meeting?
7. Jehovah e se’ethathala si manga na kulu u’unu tania si do na kulu to’oa
Tatha la e’eta oro e to uria kuki u’unu tania mamana la na kulu to’oa i la Baebol sana ta ruana imole. Te’emania Psalms 9:1 bia 34:1, sui u’unu kalia soeto’ona la:
Ta bo’o na o to’oa la Baebol na o thathamia oki u’unu sulia sana ta ruana imole?
SI BA’EA TEI IMOLE KEKI SOREA: “E a’i si kwai’akura uria kuki ilifania si do na God e se’ethathala sulia.”
Mantaa oe ufita?
SI DO NA KULU TO’OA
Jehovah e se’ethathala si manga na kulu faarabaita an nia, kuka tango nia la meeting, bia kuka u’unu sulia si do na kulu to’oa sana ta ruana imole.
Reviu
Ufita fasia God ka alafafia faarabaita la kulu?
Uria ta ka le’a kuki faarabaita an Jehovah?
Uria ta ka le’a kuki faarabaita an Jehovah bia imole na kera faarabaita la’u bo’o an nia?
TEI SI DO KI LA’U
Te’emai sulia te’e kini na to fasia faarabaita la ana idol.
Te’emai sulia si do na kai adomi oe fasia oko falea koment la kongregeson meeting ki.
“Praisem Jehovah Insaed Kongregeson” (Wastaoa, January 2019)
Rikia si do le’a na te’e wela bi’i baita e todaa si manga nia e lae ana meeting do anta ka a’i si kwai’akura mena fana.
Imole oro kera fa’amamanea cross nia simpol kera Christian, sui ufita e tala’ana uria kuki aruto’ona cross la faarabaita la kulu?
“Why Nao Olketa Jehovah’s Witness No Iusim Cross Long Worship Bilong Olketa?” (Article la jw.org)
a Kuki u’unu sulia topic eki la leson na ni u kau.