LESON 26
Uria ta Kuka Fulato’ona Afeta’ia?
Si manga na kulu fulato’ona afeta’ia, kuka to ana soeto’ona la, uria ta na afeta’ia ne’e ka fulato’oku. Kuki se’ethathala asia na’a si manga na kulu todaa lu’u la ana soeto’ona la eri fasia Baebol!
1. Ta na Satan e ilifania na adea afeta’ia ka fulato’okalu’a?
Satan e adefasia God, sulia nia e thathamia kai kwaitalai fafia imole ki. Do na adea nia ka lolea roo imole totolo na’o, Adam bia Eve, fasia keka ilifania si do na God e a’i si thathamia. (Genesis 3:1-5) Lolea na Satan e ilifania, e adea Eve ka to ana mante’edo na sorea, Jehovah a’i si thathamia uria nia kai todaa si do le’a. Bia Satan ka sorea, imole keki se’ethathala si manga na kera adefasia God. Satan e lolea Eve si manga na nia e sorea, masa oko ania foana ai ne’e afeta’i oko mae. Adelana Baebol ka sorea, Satan nia “maka ana lolea.”—John 8:44.
2. Ta na Adam bia Eve kero’a ilifania?
Jehovah e liothau ana Adam bia Eve. Adelana nia ka sorea, moki ania foana ai ne’e ki sui bo’o la o’ole’e ai ne’e, te’e ai bo’o na a’i mosi ania foana. (Genesis 2:15-17) Sui mena ana, kero’a keka ilifania bada si do na God a’i si thathamia. Eve “e ngalia foana ai eri ka ania.” Sui buira, Adam “ka ania la’u bo’o.” (Genesis 3:6) Kero’a adefasia God si manga na kero’a ania foana ai eri. E kwai’akura bana uria Adam bia Eve keki ilifania si do na God e thathamia, sulia kero’a kero laula’u. Sui si manga na Adam bia Eve kero’a adefasia God, si do eri fatania kero’a lalakwa ana God uria kai kwaitalai fadaro’a. Si do na Adam bia Eve kero’a ilifania e adea keka fulato’ona afeta’ia.—Genesis 3:16-19.
3. Ta na kulu fulato’ona nunufana si do na Adam bia Eve kero’a ilifania?
Si manga na Adam bia Eve kero’a adefasia God, kero’a a’i kesi laula’u, bia si do eri adea wela kero’a ki mena a’i kesi laula’u la’u bo’o. Sula’ania tha Adam, Baebol ka sorea: “Abula ta’a la e fulato’ona imole ki sui bana fafona fanua ne iano nunufana te’e wane bo’o, sula’ania kera abula ta’a keka mae. Adelana imole ki sui bana keka mae sula’ania kera abula ta’a”—Romans 5:12.
Si do oro ni bana na adea kuka fulato’ona afeta’ia. Tei si manga kulu fulato’ona afeta’ia sula’ania si do na kulu ilifania. Tei si manga kulu fulato’ona afeta’ia nunufana si do na tei imole kera ilifania. Tei si manga kulu fulato’ona afeta’ia sula’ania kulu ilifania si do ana si manga na a’i si tala’ana.—Te’emania Ecclesiastes 9:11.
TO’OA LA’U TEI SI DO
Kuki to’oa si do na fatania a’i la’u God na to mai buira afeta’ia ki na kulu fulato’ona tara’ena, bia to’omatafana la God e ufita si manga e rikia kulu fulato’ona afeta’ia.
4. Tei na to buira afeta’ia ki na kulu fulato’ona tara’ena
Imole oro kera fa’amamanea God na kwaitalai fafia fanua ne iano. Ufita, si do eri e mamana? Fatania VIDEO.
Te’emania James 1:13 bia 1 John 5:19, sui u’unu kalia soeto’ona la:
Ufita, God na to buira afeta’ia ki na imole kera fulato’ona?
5. Rikia si do na fuli nunufana kwaitalai la tha Satan
Te’emania Genesis 3:1-6, sui u’unu kalia soeto’ona la ki:
Lolea ta na Satan e sorea?—Rikia verse 4 bia 5.
Ta na Satan e sorea na adea imole ki keka to ana mante’edo sorea God a’i si thathamia keki todaa si do le’a?
Sula’ania si do na Satan e ilifania, ufita imole ki kera ato’ia Jehovah uria kai kwaitalai fasia keka todaa se’ethathala la?
Te’emania Ecclesiastes 8:9, sui u’unu kalia soeto’ona la:
Si manga na Jehovah a’i si kwaitalai fafia fanua ne iano, si ta na fuli?
Totolo na’o Adam bia Eve kero’a kera laula’u, bia kero’a keka to la paradise. Sui kero’a keka adefasia Jehovah
Buira Adam bia Eve kero’a adefasia Jehovah imole ki keka abula ta’a, fulato’ona afeta’ia, bia keka mae
Jehovah kai fa’asuia abula ta’a la, afeta’ia, bia maea. Sui imole ki keka to la’u ana marukia le’a i la paradise
6. Si manga na kulu fulato’ona afeta’ia Jehovah e manto’okalu’a
Ufita, God e manto’okalu’a si manga na kulu fulato’ona afeta’ia? Rikia si do na King David bia tha aposol Paul kero’a kedaa. Te’emania Psalm 31:7 bia 1 Peter 5:7, sui u’unu kalia soeto’ona la:
Si manga na o thaito’omana Jehovah e manto’okalu’a si manga na kulu fulato’ona afeta’ia, to’omatafana la oe ka ufita?
7. God kai fa’asuia afeta’ia ki na imole kera fulato’ona
Te’emania Isaiah 65:17 bia Revelation 21:3, 4, sui u’unu kalia soeto’ona la:
Si manga na o thaito’omana Jehovah kai fa’asuia afeta’ia ki na imole kera fulato’ona, ufita si do eri adea oko se’ethathala?
Ufita oe o thathami thaito’omana?
Lolea na Satan ilifania e labatania thatana Jehovah. Si do eri adea imole keka sorea Jehovah a’i si manto’okalu’a imole ki. Sui mena ana, la si manga na ni u mai Jehovah e alangania kai fa’asuia afeta’ia ki na fulato’ona imole ki. Si do eri kai fatania Jehovah bona’a na tala’ana kai kwaitalai. Adelana ka gwaunga’i uria kuki tangoa thatana Jehovah.—Matthew 6:9, 10.
SI BA’EA TEI IMOLE KEKI SOREA: “God na to buira afeta’ia ki na kulu fulato’ona.”
Ta na oki sorea?
SI DO NA KULU TO’OA
Satan, Adam, bia Eve kera adea imole ki keka fulato’ona afeta’ia fafona fanua ne iano. Jehovah e manto’ona imole ki si manga na kera fulato’ona afeta’ia, bia kwaikarangi na’a nia kai fa’asuia afeta’ia ki na imole ki kera fulato’ona.
Reviu
Lolea ta na Satan e fa’arongoa ani Eve?
Ta na kulu fulato’ona nunufana si do na Adam bia Eve kero’a ilifania?
Ta na adea kuka thaito’omana Jehovah e manto’okalu’a si manga na kulu fulato’ona afeta’ia ki?
TEI SI DO KI LA’U
Te’emai sulia ta na to’olangania abula ta’a la.
Te’emai sulia si do na Satan e ilifania la o’ole ai ba i Eden.
“Why Does God Allow Suffering?” (The Watchtower, January 1, 2014)
Te’emai sulia soeto’ona la na imole ki a’i kesi thaito’omana lu’u la ania.
“Why Did the Holocaust Happen? Why Didn’t God Stop It?” (Web article)
Rikia te’e wane na riki thaito’omana, uria ta na si do ta’a ki ka fuli.