Ufita Fasia Fa’arongoa Le’a ka Fula Ana si Kula ki Sui Bo’o?

Karangia na’a Jehovah kai aruto’ona Kingdom nia uria kai fa’asuia afeta’ia ki na fulato’okalu’a. Nia te’e si fa’arongoa le’a fakalu’a. Jesus e thathamia disaepol nia ki uria keki u’unu tania si fa’arongoa le’a eri sana imole ki sui bana! (Matthew 28:​19, 20) Ta na Jehovah’s Witness kera ilifania na fatania kera adesulia komand eri na Jesus e sorea?

1. Ta na fatania si do na Matthew 24:14 e sorea, e mamana na’a tara’ena?

Jesus e sorea: “Fa’arongoa le’a ne’e sula’ania kingdom keki u’unu tania si kula ki sui bo’o fafona fanua ne iano.” (Matthew 24:14) Jehovah’s Witness kera se’ethathala asia na’a uria keki ilifania si raa gwaunga’i eri. Kamali’a mili u’unu tania si fa’arongoa le’a eri ana si kula ki sui bana kakalia fanua ne iano, talua 1,000-fala fa languis! Sulia si raa eri e baita asia na’a, kamali’a mili organize le’a fasia miki ilifania. Bia Jehovah na adomi kamali’a uria miki ilifania si raa eri.

2. Ta na mili ilifania fasia miki u’unu tania fa’arongoa le’a eri sana imole ki?

Kamali’a mili lae uria si kula na imole kera to iei uria miki u’unu tania fa’arongoa le’a eri. Uria Christian ki la first century, kamali’a mili “lae maana luma ki” uria miki u’unu bia imole ki. (Acts 5:​42) Si abula la eri e adea miki u’unu tania si fa’arongoa le’a eri sana imole oro. Sulia tei si manga imole ki a’i kesi to ma’afera, kamali’a miki lae uria tesi kula bana na imole kera to iei, fasia miki u’unu tania si fa’arongoa le’a eri. Bia la’u bo’o, si manga ki sui bana kamali’a mili lio uria si tatha la fasia miki u’unu sulia Jehovah bia Kingdom nia sana imole ki.

3. Tei na tala’ana uria kai u’unu tania si fa’arongoa le’a eri?

Christian mamana ki na kera tala’ana uria keki ilifania si raa eri, ura u’unuta’i lana si fa’arongoa le’a sana imole ki. Kamali’a mili manta baita ura ilifa’i lana si raa eri. Kamali’a mili u’unu tania si fa’arongoa le’a eri sana imole ki sui bana, sulia mili thaito’omana si do eri kai adomia imole ki fasia keka fulato’ona marukia tatha. (Te’emania 1 Timothy 4:​16.) Kamali’a a’i misi todaa ta usi la uria si raa eri na mili ilifania, sulia Baebol e sorea: “Si do na mulu todaa e free bana, adelana a’i musi gania ta seleni uria si do na mulu ilifania.” (Matthew 10:​7, 8) Tei imole a’i kesi alafafia si fa’arongoa le’a eri. Do anta ka una’eri mena ana, kamali’a miki ilifania bona’a si raa eri, sulia nia te’e si do gwaunga’i la faarabaita la kamali’a bia si do eri na Jehovah e se’ethathala sulia.

TO’OA LA’U TEI SI DO

4. Kamali’a mili ilifania si do fasia miki preach sana imole ki sui bana

VIDEO: Duim Preaching Waka Long “Evri Farawe Ples Long Earth” (7:​33)

• O manta ufita sulia si do na Jehovah’s Witness kera ilifania, uria keki u’unu tania si fa’arongoa le’a eri sana imole ki sui bo’o kakalia fanua ne iano?

Te’emania Matthew 22:39 bia Romans 10:​13-​15, sui u’unu kalia soeto’ona la ki:

• Uria ta si raa ne’e ura u’unuta’i lana si fa’arongoa le’a e fatania kulu liothau ana imole ki?

• Jehovah e manta ufita bo’o sulia imole ki na kera u’unu tania si fa’arongoa le’a eri?​—Rikia verse 15.

5. Kamali’a mili raa ofu bia God

Imole oro kera riki thaito’omana Jehovah na talaia raa ne’e ura u’unuta’i lana fa’arongoa le’a. Uria example, te’e do’ora thatana tha Paul na e to i New Zealand, nia e fulato’ona te’e kini si manga nia e lae ana preaching. Kini eri e fo’a u’usuwedi ka aruto’ona thatana God, Jehovah, nia e fa’arongo ana Jehovah nia e thathamia ta imole kai fula sana. Trifala hour buira nia e fo’a sui, Paul ka fula bona’a ma’afera nia.

Te’emania 1 Corinthians 3:​9, sui u’unu kalia soeto’ona la:

• Si do na do’ora ne’e New Zealand e fulato’ona, e fata’i ufita ana Jehovah na talaia raa ne’e ura u’unuta’i lana fa’arongoa le’a?

Te’emania Acts 1:​8, sui u’unu kalia soeto’ona la:

• Uria ta kuka ato’ia kwai’adomia fasia Jehovah si manga na kulu ilifania raa ne’e ura u’unuta’i lana si fa’arongoa le’a?

Ufita oe o thathami thaito’omana?

La meeting kamali’a na kai tatha la fa week, kamali’a mili to’oa abula la na miki ilfania si manga mili lae ura u’unuta’i lana fa’arongoa le’a sana imole ki. Masa oko lae na’a ana ta meeting, o manta ufita sulia abula la eki na mili to’oa?

6. Kamali’a mili adesulia komand tha God ura u’unuta’i lana fa’arongoa le’a

La first century, to’a na kera lalakwa rongoa fa’arongoa le’a eri kera ili uria keki lufia disaepol tha Jesus ki fasia a’i kesi u’unu sulia. Christian eki la first century “kera aruto’ona law uria keki su’usia ta wane bana a’i si tala’ana uria kai lufia raa ne’e ura u’unuta’i lana fa’arongoa le’a.” (Philippians 1:7) Jehovah’s Witness tara’ena mena kera ilifania la’u bo’o si do eri.a

VIDEO: Aruto’ona law Fasia A’i Kesi Lufia Fa’arongoa Le’a (2:​28)

Te’emania Acts 5:​27-​42, sui u’unu kalia soeto’ona la:

• Uria ta a’i misi to fasia raa ne’e ura u’unuta’i lana fa’arongoa le’a?—Rikia verse 29, 38, bia 39.

SI DO NA KULU TO’OA

Jesus e fa’arongoa ana disaepol nia ki uria keki u’unu tania si fa’arongoa le’a eri si kula ki sui bo’o kakalia fanua ne iano. Jehovah e adomia imole nia ki uria keki ilifania si raa eri.

Reviu

• Ufita fasia fa’arongoa le’a eri ka fula ana si kula ki sui bo’o kakalia fanua ne iano?

• Uria ta si raa ne’e ura u’unuta’i lana fa’arongoa le’a e fatania kulu liothau ana imole ki?

• Ana mantaa oe, si raa ne’e ura u’unuta’i lana fa’arongoa le’a e adea kuka se’ethathala? Uria ta na oko manta una’eri?

TEI SI DO KI LA’U

Rikia si do na Jehovah’s Witness kera ilifania uria keki preach sana imole ki la town.

Special Metropolitan Public Witnessing in Paris (5:​11)

Rikia si do na Jehovah’s Witness kera ilifania uria keki adomia imole na kera fulato’ona afeta’ia?

Helpem Olketa Refugee wea Thirsty Long Spiritual Wei (5:​59)

Rikia te’e kini e u’unu sulia si do le’a na nia e fulato’ona, si manga nia e ilifania raa ura u’unuta’i lana fa’arongoa le’a.

Glad I Chose This Career (6:​29)

Te’emai sulia tei decision na kot e falea na adomia raa ura u’unuta’i lana fa’arongoa le’a ka fula ana si kula ki sui bana.

“Olketa wea Preach Abaotem Kingdom Tekem Case blo Olketa lo Kot” (Kingdom blo God Hem Rul! chapter 13)