LESON 23
E Le’a Uria Oki Alua Goal Uria Oko Baptaes!
Jesus e sorea fasia imole ka tata’e mai te’e Christian nia kai baptaes. (Te’emania Matthew 28:19, 20.) Sui ta na to’olangania baptaes la? Bia ta na te’e imole kai ilifania fasia ka tala’ana uria kai baptaes?
1. Ta na si ba’ea ne’e baptaes e to’olangania?
Si ba’ea ne’e “baptaes” nia te’e si ma’e ngataa i Greek na to’olangania “thuthu te’efau” la kafo. Si manga na Jesus e baptaes la Jordan River nia e thuthu te’efau, sui nia ka “tata’e mai fasia kafo.” (Mark 1:9, 10) Christian mamana ki tara’ena mena, si manga na kera baptaes kera thuthu te’efau la kafo.
2. Si manga na te’e imole e baptaes, si do eri fatania ta?
Si manga na te’e imole e baptaes, si do eri fatania nia e fale nia sui na’a fana Jehovah God. Ta na te’e imole kai ilifania fasia ka fatania nia e fale nia fana tha Jehovah? La te’e fo’a la, nia e alanga’i sana Jehovah uria kai ilifania si do na Jehovah e thathamia la marukia nia te’efau. Bia ka fa’arongoa talito’ona Jehovah bona’a nia kai faarabaita ania. Nia e thaunga’i manta uria kai “fale nia fana tha God bia si manga ki sui bana nia kai lae sulia” to’odoa bia example tha Jesus. (Matthew 16:24) Si manga te’e imole e fale nia fana Jehovah bia ka baptaes si do eri adea nia ka kwaimani le’a bia Jehovah, bia imole ki na kera faarabaita la’u bo’o ana Jehovah.
3. Sui fete’i te’e imole ka baptaes, ta na kai ilifania?
Sui fete’i te’e imole ka baptaes nia kai to’odo fesi sula’ania Jehovah bia ka fa’asukwa’ia fito’oa nia ana Jehovah. (Te’emania Hebrews 11:6.) Si manga na o thaito’omana le’a ana Jehovah bia fito’oa oe ka ngado an nia, si do eri adea oko liothau ana Jehovah. Si manga na o liothau ana Jehovah si do eri adea oko thathami u’unu sulia thatana sana imole ki bia oko abula sulia olto’oa nia ki. (2 Timothy 4:2; 1 John 5:3) Si manga na te’e imole e “ilifania si do na faarana imole na faarabaita ana Jehovah,” nia e tala’ana kai falea marukia nia fana tha God bia ka baptaes.—Colossians 1:9, 10.a
TO’OA LA’U TEI SI DO
Kuki u’unu la’u sulia ta na kulu to’oa fasia baptaes la na Jesus e ilifania, bia ta na te’e imole kai ilifania fasia ka tala’ana uria kai baptaes.
4. Kuki to’oa si do fasia baptaes la na Jesus e ilifania
Te’emania Matthew 3:13-17 fasia oko to’o la’u sulia baptaes la na Jesus e ilifania. Sui u’unu kalia soeto’ona la ki:
Ufita, Jesus e baptaes si manga nia e fa’ekwa ubo’o?
Jesus e baptaes ufita? Kera ikia bada gwauna ana kafo mada nia e thuthu te’efau la kafo?
Buira Jesus e baptaes nia ka ilifania raa na God e fale nia mai uria kai ilifania. Te’emania Luke 3:21-23 bia John 6:38, sui u’unu kalia soeto’ona la:
Buira Jesus e baptaes, raa ta bo’o na gwaunga’i asia na’a an nia?
5. E faarana bana uria oki baptaes
Totolo na’o si manga na o manta sulia oki fale oe fana Jehovah bia oko baptaes mada oko manta sulia e afeta’i asia na’a uria oki ilifania. Sui mena ana, si manga o to’odo sulia Jehovah lalae oko thaito’omana le’a an nia, si do eri kai adomi oe fasia oko thaunga’i manta uria oki baptaes. Fasia oko rikia tei imole na kera ilifania si do eri, fatania VIDEO.
Te’emania John 17:3 bia James 1:5, sui u’unu kalia soeto’ona la:
Ta na te’e imole kai ilifania fasia ka tala’ana uria kai baptaes?
Kulu fale kulu fana Jehovah si manga kulu alanga’i sana Jehovah la te’e fo’a la, uria kuki ilifania si do na nia e thathamia la marukia kulu te’efau
Si manga kulu baptaes kulu fatania sana imole ki kulu fale kulu sui na’a fana Jehovah
6. Si manga na imole e baptaes nia e to na’a bia famili Jehovah
Si manga na kulu baptaes kulu to na’a bia famili Jehovah kakalia fanua ne iano na kera to ana te’e mantale’edo. Do anta kuka to mena ana si kula e’eta kwaliu bia to la kulu a’i si toto’o, kulu to ana te’e fa’amamana la bia kuka lae sulia olto’oa Jehovah na to la Baebol. Te’emania Psalm 25:14 bia 1 Peter 2:17, sui u’unu kalia soeto’ona la:
Uria na kulu te’emania la scripture eki, ta le’a ni bo’o na imole kai fulato’ona si manga e baptaes?
SI BA’EA TEI IMOLE KEKI SOREA: “Nau a’i kwesi tala’ana u kwai baptaes.”
Ufita, o manta una’eri la’u bo’o? Uria ta ka le’a uria oki to ana goal fasia oko baptaes?
SI DO NA KULU TO’OA
Fasia te’e imole ka tata’e mai te’e Christian nia kai baptaes. Sui fete’i te’e imole ka baptaes, nia kai fa’asukwa’ia fito’oa nia ana Jehovah, abula sulia olto’oa nia ki bia ka fale nia fana tha Jehovah.
Reviu
Ta na si ba’ea ne’e baptaes e to’olangania, bia uria ta ka gwaunga’i uria kuki baptaes?
Si manga na te’e imole e baptaes, si do eri fatania ta?
Ta na te’e imole kai ilifania sui fete’i nia ka fale nia fana Jehovah bia ka baptaes?
TEI SI DO KI LA’U
Te’emai sulia baptaes la na e kokota bia baptaes la na a’i si kokota.
Te’emai sulia si do na imole kai ilifania fasia ka tala’ana uria kai baptaes.
“Love and Wei for Tinghae lo Jehovah Bae Muvim Iu for Baptaes” (Wastaoa, March 2020)
Te’emai sulia uria ta te’e wane ka thaunga’i mantaa uria kai baptaes.
“Tufala Laekem Mi for Faendemaot Wanem Bible hem Teachim” (Wastaoa, March 1, 2013)
Te’emai sulia uria ta ka le’a uria oko alua goal fasia oko baptaes, bia ta na oko ilifania fasia ka tala’ana uria oki baptaes.
“Should I Get Baptized?” (Questions Young People Ask —Answers That Work, Volume 2, chapter 37)