Endnote ki

1. Ta na Babylon Baita?

2. Si manga ta na Messiah kai fula?

1. Ta na Babylon Baita?

Ta na adea kuka thaito’omana “Babylon Baita” e to’olangania false religion? (Revelation 17:5) Rikia trifala si do na fatania:

• Nia e to si kula ki sui bo’o fafona fanua ne iano. Baebol e sorea Babylon Baita e ono fafona “figua bia nation ki.” Nia e “to ana sukwa’ia fafia king ki sui bo’o fafona fanua ne iano.”—Revelation 17:15, 18.

• Nia a’i la’u te’e organization ana politik mada bisnis. “King ki fafona fanua ne iano” bia “bisnisman ki” keki rikia si manga nia kai mae.—Revelation 18:9, 15.

• Nia e labatania thatana God. Baebol e alangia kini eri ana sesele, sulia nia e alafafia si do na a’i si kokota ki na gavman e ilifania. (Revelation 17:1, 2) Nia e talai garo ana imole ki bia mae lana imole oro e to la abana.—Revelation 18:23, 24.

Oli la leson 13 point 6

2. Si manga ta na Messiah kai fula?

Baebol e profesi sulia 69 week kai tatha sui fete’i Messiah ka fula.—Te’emania Daniel 9:25.

• Si manga ta na 69 week e thafali? La fa ngali 455 B.C.E. Si manga Governor Nehemiah e fula i Jerusalem ura kai “thaunga’i faalu la’u” ana taon i Jerusalem.—Daniel 9:25; Nehemiah 2:1, 5-8.

• Fitasi manga na 69 week e lae sulia? Tei Baebol profesi e u’unu sulia fa thato e to’olangania fa ngali. (Numbers 14:34; Ezekiel 4:6) Si do eri fatania te’e week e to’olangania sevenfala fa ngali. La profesi ne’e 69 week, e to’olangania 483-fala fa ngali (69 week x 7-fala fa thato).

• Si manga ta na 69 week e sui? Masa kuka te’emania 483-fala fa ngali thafali ana 455 B.C.E. nia kai lae ka fula ana 29 C.E.a Fa ngali eri na Jesus e baptaes ka tata’e mai te’e Messiah!—Luke 3:1, 2, 21, 22.

Oli la leson 15 point 5