Хосеа

10 «Израйл бол жимс өгдөг боловч усан үзмийн муу* мод юм.

Жимс нь олшрох тусам тэрбээр тахилын ширээгээ нэмдэг.

Арвин ургац авах тусам тэрбээр ариун багануудаа сүрлэг болгодог.

 2 Тэд* хоёр нүүртэй болсон.

Одоо тэдний буруутайг тогтооно.

Бурхан тахилын ширээнүүдийг нь нурааж, багануудыг нь эвдэнэ.

 3 Тэгэхэд тэд: “Бид Еховагаас эмээгээгүй болохоор хаангүй байна.

Тэгээд ч бидний төлөө хаан юу хийж чадах билээ?” гэж хэлнэ.

 5 Самарийн оршин суугчид Бет-авен дахь шүтээн болсон тугалынхаа төлөө санаа зовно.

Ард түмэн түүнийхээ төлөө гашуудна.

Тэр шүтээндээ баярлаж, түүнийхээ суу алдарт баясаж байсан хуурамч бурхны тахилчид бас гашуудна.

Учир нь үүнийг олзлон авч явах юм.

 6 Тэгээд Ассирид аваачин, их хаанд бэлэг болгон барина.

Ефраим шившиг болно.

Израйл мунхаг зөвлөгөөг дагасныхаа гайгаар ичгэвтэр байдалд орно.

 8 Израйлын нүгэл болсон Бет-авены өндөрлөгүүд устгагдана.

Тахилын ширээн дээр нь өргөст ургамал, азаргана ургана.

 9 Израйл аа, чи Гибеагийн үеэс нүгэл үйлдэж эхэлсэн.

Тэгээд огтхон ч өөрчлөгдсөнгүй.

Гибеад болсон дайнаар зөв бус хүмүүс бүгд устгагдаагүй.

10 Би хүссэн цагтаа тэднийг шийтгэнэ.

11 Ефраим тариа цайруулахаар сургагдсан бөгөөд энэ ажилдаа дуртай сувай үнээ байсан юм.

Тиймээс би сайхан хүзүүг нь гамнадаг байв.

Харин одоо түүнийг уналгад ашиглана*.

Иуда газар хагалж, Иаков борнойдож өгнө.

Атар газрыг хагал.

Эцэст нь би ирж зөв шударгыг заана.

Худал хуурмагийн жимс идсэн.

14 Дайснууд ард түмний чинь өөдөөс дайны уухай хадаана.

Бэхлэгдсэн бүх хотыг чинь сүйрүүлнэ.

Шалман Бет-арбелыг сүйрүүлсэнтэй адил болгоно.

Тэр өдөр эхчүүдийг хүүхдүүдтэй нь хэрцгийлэн хөнөөсөн юм.

15 Бетел ээ, чи их бузар хэрэг үйлдсэн учраас чамд үүнтэй адил зүйл тохиолдоно.

Үүрээр Израйлын хаан гарцаагүй алагдана*».