Маркийн бичсэн сайн мэдээ
16 Амралтын өдөр дуусахад Магдалын Мариа, Яаковын эх Мариа болон Саломе нар анхилуун үнэртэй ургамал худалдаж авчээ. Тэд Есүсийн булш руу очиж шарилыг нь тослох бодолтой байлаа. 2 Тэд долоо хоногийн эхний өдөр* өглөө маш эрт гарч, булш руу явж очиход нар мандсан байв. 3 «Булшны амыг тагласан чулууг хэн бидэнд өнхрүүлж өгөх вэ?» гэж ярилцаж байлаа. 4 Том чулуу байсан ч хажуу тийш нь өнхрүүлсэн байхыг очоод харлаа. 5 Булшинд ортол цагаан хувцастай залуу баруун талд сууж байхыг хараад гайхаж хоцров. 6 Өнөөх залуу тэдэнд «Гайхах хэрэггүй. Та нар шонд хадуулсан Назарын Есүсийг хайж яваа. Тэр амилсан. Тиймээс тэр энд байхгүй. Шарилыг нь тавьсан газрыг хар даа. 7 Явж Есүсийн шавь нар болон Петрт “Есүс та нараас түрүүлж Галилд очно. Хэлснийх нь дагуу та нар тэнд түүнтэй уулзана” гэж хэлээрэй» хэмээв. 8 Тэгэхэд айж гайхсан эмэгтэйчүүд булшнаас гарч гүйв. Тэд айсан учир хэнд ч юу ч хэлсэнгүй *.