ИСАИА

1 Иудагийн хаад Уззиа, Иотам, Ахаз, Хезекиагийн үед Иуда болон Иерусалимын талаар Амозын хүү Исаиа* ийм үзэгдэл үзжээ.

 2 Тэнгэр ээ, сонс. Газар аа, анхаар.

Ехова ийн айлдав.

 3 Бух эзнээ таньдаг.

Илжиг эзнийхээ тэвшийг мэддэг.

Харин Израйл намайг мэддэггүй.

Миний ард түмэн ухаангүй авирладаг».

Тэд Еховаг орхисон.

Тэд Израйлын Ариун Нэгэнд хүндэтгэлгүй хандсан.

Тэд түүнээс нүүр буруулсан.

 5 Цохиулах газар биед чинь үлдээгүй байхад юунд чи дахин дахин тэрсэлнэ вэ?

 6 Хөлийн улнаас толгойн орой хүртэл эрүүл газар гэж үгүй.

Энд тэндгүй хөх няц, ил далд шархнууд.

Эмчилж*, боож, тосоор зөөллөсөн юм алга.

Газар нутаг чинь та нарын нүдэн дээр харийнханд цөлмүүлж байна.

Дайсны довтолгоонд өртсөн мэт эзгүйрэн хоосорчээ.

10 Содомын дарангуйлагчид аа, Еховагийн үгийг сонс.

Гоморрагийн ард түмэн ээ, манай Бурхны хуулийг анхаар.

11 Ехова ийн айлдаж байна. «Та нарын өргөдөг өч төчнөөн тахил надад ямар хэрэгтэй юм бэ?

Шатаалт тахил болгон өргөдөг хуц, бордсон малын чинь өөхнөөс би залхаж байна.

Залуу бух, хурга, ямааны чинь цусанд би баярлахгүй.

13 Хэнд ч хэрэггүй идээн өргөлөө авчрахаа боль.

Утлагыг чинь би жигшиж байна.

Та нар шинэ сарын баяр, амралтын өдрийг тэмдэглэж, чуулган зохиодог.

Гэвч чуулганы үеэр ид шидийн хүч ашигладгийг чинь би тэвчихгүй.

14 Би та нарын шинэ сарын баяр, найр наадмыг үзэн ядаж байна.

Тэдгээр нь надад дарамт болж байна.

Би тэдгээрийг чинь үүрээд ядарч байна.

Та нарын гар цусанд будагджээ.

16 Биеэ угааж өөрсдийгөө цэвэрлэ.

Бузар явдлаа нүдэнд минь бүү үзүүл.

Мууг үйлдэхээ боль.

17 Сайныг үйлдэж сур, шударга ёсыг сахь.

Дарлагчдыг засаж залруул.

Өнчин хүүхдийн эрх ашгийг хамгаал.

Бэлэвсэн эмэгтэйг өмгөөл».

18 Ехова айлдаж байна. «Нааш ир, учир зүйгээ ололцъё.

Учир нь Ехова үүнийг айлдсан юм».

21 Үнэнч хот яаж яваад янхан болчхов оо!

23 Ноёд чинь зөрүүд бөгөөд хулгайчийн хамсаатан.

Тэд бүгдээрээ хахуульд дурлаж, шан харамж хүсдэг.

Өнчин хүүхдийг шударгаар шүүдэггүй.

Бэлэвсэн эмэгтэйн заргыг хүлээж авдаггүй.

«Яршиг! Дайснуудаасаа салж амаръя.

Өстнүүдээсээ өшөө авъя.

26 Би та нарт урьдын адил шүүгчдийг өгнө.

Өмнө нь байсан шиг, зөвлөгчдийг томилно.

Үүний дараа чамайг Зөв шударгын хот, Үнэнч хот гэх болно.

27 Би шударга үйлсээр Сионыг худалдаж авна.

Зөв шударга үйлсээр оршин суугчдыг нь буцааж авчирна.

29 Та нар хүсээд байсан хүчирхэг моддынхоо улмаас ичнэ.

Дурлаад байсан цэцэрлэгийнхээ* улмаас гутамшиг болно.

31 Хүчит эр мяндас болно.

Ажил үйлс нь оч болно.

Хоёулаа нийлээд галд шатна.

Тэднийг унтраах хэн ч үгүй».

2 Иуда болон Иерусалимд болох үйл явдлын тухай Амозын хүү Исаиагийн үзсэн үзэгдэл.

Дов толгодоос өндөр болно.

Үндэстэн бүхэн тийшээ цувна.

Нэг үндэстэн нөгөө үндэстний өөдөөс илд далайхгүй.

Тэд дахин хэзээ ч дайтахад суралцахгүй.

 5 Иаковын үр удам аа, ирэгтүн.

Еховагийн гэрэлд алхацгаая.

 6 Та өөрийн ард түмэн Израйлын үр удмыг орхисон.

Тэдний дунд харийнхны хүүхдүүд олон.

 7 Нутаг орон нь алт мөнгөөр дүүрэн.

Эрдэнэс нь шавхагдашгүй арвин.

Хүлэг морьд нь багширсан олон.

Дайны тэрэг нь тоолж баршгүй.

 8 Газар нутаг нь хэрэгцээгүй бурхдаар дүүрсэн.

 9 Тийн мөргөдөг хүн өөрийгөө гутаадаг.

Тэднийг та хэрхэн уучлах билээ?

10 Хадны ан цавд хоргодож, газар доор нуугд.

Учир нь Еховагийн уур хилэн аймшигтай.

Түүний сүр жавхлан агуу.

Тэр өдөр Ехова л ганцаараа өргөмжлөгдөнө.

12 Энэ бол тэнгэрийн цэргийн жанжин Еховагийн өдөр юм.

15 Өндөр цамхаг, бэхлэгдсэн хэрэм бүрийг шүүнэ.

Тэр өдөр Ехова л ганцаараа өргөмжлөгдөнө.

18 Хэрэгцээгүй бурхад бүрмөсөн үгүй болно.

Учир нь Еховагийн уур хилэн аймшигтай.

Түүний сүр жавхлан агуу.

Түүнийг босоход дэлхий айн чичирдэг.

Учир нь Еховагийн уур хилэн аймшигтай.

Түүний сүр жавхлан агуу.

Түүнийг босоход дэлхий айн чичирдэг.

22 Хүнд найдахаа боль.

Хүн гэдэг чинь амьсгалж байхдаа л амьд байдаг* юм.

Найдлаа гээд ямар ашиг байх билээ?

Энэ балгасыг чи захир» гэж хэлнэ.

Гэрт минь хоол ч, хувцас ч байхгүй.

Намайг битгий ард түмний захирагч болгооч» гэнэ.

 8 Иерусалим бүдэрсэн.

Иуда унасан.

Учир нь тэд үг яриа, үйл хэргээрээ Еховаг эсэргүүцсэн.

Цог жавхлант Бурхныг эсэргүүцсэн.

 9 Тэдний гэм буруутайг нүүр царай нь илтгэдэг.

Тэд нүглээ Содом шиг зарлан тунхагладаг.

Тэд нүглээ нуухыг оролддоггүй.

Өөрсөд дээрээ гамшиг авчрагч тэд золгүй еэ!

10 Сайн юм тохиолдохыг зөв хүмүүст хэл.

Тэд сайн үйлсийнхээ төлөө шагнал хүртэнэ.

11 Хорон санаатан золгүй еэ!

Түүнд гай зовлон тохиолдоно.

Бусдад яаж ханддаг байсан, өөрт нь тэгж л хандах болно.

12 Миний ард түмэн хэрцгий харгалзагчдад захирагддаг.

Эмс хүүхнүүдэд толгойгоо мэдүүлдэг.

Ард түмэн минь ээ, та нар удирдагчдаасаа болж хэрэн тэнүүчилдэг.

Замаасаа төөрч будилдаг.

13 Ехова зарга мэдүүлэхээр байраа эзэлжээ.

Ард түмнүүдэд ял оноохоор зогсож байна.

14 Ехова ард түмнийхээ ахлагчид, ноёдыг шүүнэ.

«Та нар усан үзмийн талбайг галдан шатаасан.

Ядуусаас хулгайлсан юм гэрт чинь байгаа.

16 Ехова ийн айлдаж байна. «Сионы охид бардам.

Тэд харц дээгүүр алхдаг.

17 Ехова Сионы охидын толгойг шархдуулна.

Ехова тэдний толгойг халзан болгоно.

18 Тэр өдөр Ехова тэдний гоёл чимгийг авч хаяна.

25 Эрчүүд чинь илдэнд унана.

Дайчид чинь дайнд алагдана.

26 Оршин суугчид нь хотын хаалганы дэргэд гашуудан уйлна.

Хот өөрөө эд хөрөнгөөсөө хагацаад газар сууж буй эмэгтэй шиг болно».

2 Тэр өдөр Еховагийн ургуулах нахиа сүр жавхлан, суу алдар болж, тэндхийн үр жимс амьд үлдсэн израйлчуудын бахархал, гоо үзэсгэлэн болно. 3 Сионд амьд үлдсэн, Иерусалимд үлдэж хоцорсон хэн боловч ариун хэмээгдэнэ. Иерусалимд байгаа тэд бүгдээрээ амийн номд бичигдсэн хүмүүс юм.

4 Ехова Сионы охидын хир буртгийг* угаан, Иерусалимын урсгасан цусыг цэвэрлэнэ. Тэрбээр Иерусалимыг шүүж, түүнд уур хилэнгээ гаргана. 5 Тэр үед Ехова Сион уул ба түүн дээр цугларах газрыг өдөр нь үүл, утаагаар бүрхэж, шөнө нь дүрэлзсэн галаар гэрэлтүүлнэ. Яруу алдарт газрыг бүхэлд нь хамгаалалтын бүрхүүл бүрхэнэ. 6 Тэнд сүүдрэвч бий болж өдрийн халуунаас халхалж, салхи борооноос хамгаалах хоргодох газар болно.

5 Хайртдаа дуулъя.

Хайртынхаа тухай, усан үзмийн талбайнх нь тухай дуулъя.

Миний хайрт үржил шимтэй гүвээн дээр усан үзмийн талбайтай байсан юм.

 4 Усан үзмийн талбайдаа би өөр юу хийх ёстой байсан юм бэ?

Юуг нь орхигдуулсан юм бэ?

 6 Би энэ газрыг эзгүйрүүлж хаяна.

Үүнийг арчлахгүй, зээтүүдэхгүй.

Энэ нь өргөст бут, зэрлэгт баригдана.

Бороо бүү оруул гэж би үүлэнд тушаана.

 9 Тэнгэрийн цэргийн жанжин Ехова ийн тангараглахыг би сонсов.

10 Арван акр* усан үзмийн талбайгаас ганцхан бат* дарс гарна.

Нэг хомер* үр цацахад ганцхан ефа* улаан буудай хураана.

Гэсэн ч тэд Еховагийн үйлсийг тоодоггүй.

Мутрынх нь бүтээлийг анхаардаггүй.

Бардам хүний харц номхорно.

16 Тэнгэрийн цэргийн жанжин Ехова шүүх ажиллагаа явуулан* өргөмжлөгдөнө.

Жинхэнэ Бурхан, Ариун Нэгэн зөв шударгыг үйлдэн ариун гэдгээ харуулна.

17 Хурганууд бэлчээртээ байгаа мэт идээшилнэ.

Цагтаа тарга тэвээрэгтэй мал бэлчдэг байсан ч эдүгээ эзгүйрч хоосорсон газар цагаачид хооллоно.

19 «Израйлын Ариун Нэгэн ажлаа хурдан хийх болтугай.

Тэгвэл бид түүнийг нь харна.

Санаа зорилгоо хэрэгжүүлэх болтугай.

Тэгвэл бид түүнийг нь мэднэ» гэж хэлэгчид золгүй еэ!

Энэ бүхний* улмаас Бурхны уур хилэн намдахгүй.

Тэрбээр тэднийг цохихоор далайсан мутраа буулгахгүй.

27 Тэдний нэг нь ч ядраагүй, бүдрээгүй.

Нойрмоглоогүй, унтаагүй.

28 Сум нь хурц.

Нум нь хөвчлөөстэй.

Мориных нь туурай цахиур.

Тэрэгнийх нь дугуй хуй салхи.

29 Архирах нь арслан адил.

Тэд залуу арслан адил архирдаг.

Энэ нутгийг харсан хэн боловч аймшигт харанхуйг үзнэ.

Үүл бүрхсэний улмаас гэгээн цагаан өдөр ч харанхуй болжээ.

6 Уззиа хааны таалал төгссөн жил би Еховаг өндөр дээд сэнтийдээ заларч байхыг харав. Хувцасных нь хормой сүмийг бүрхэж байлаа. 2 Дээд талд нь серафууд зогсоно. Тус бүр зургаан жигүүртэй ажээ. Хоёроор нь нүүрээ бүтээж, хоёроор нь хөлөө хучиж, хоёроор нь нисэж байлаа.

Дэлхийг дүүргэдэг бүхнээс цог жавхлан нь харагддаг» гэж хэлж байв.

4 Тэдний дуунд хаалганы хатавч доргиж, өргөө утаагаар дүүрэв.

 5 «Би золгүй еэ!

Үхэх минь гарцаагүй боллоо.

Би бузар уруултай хүн.

Бузар уруултай ард түмний дунд амьдардаг.

Хааныгаа, тэнгэрийн цэргийн жанжин Еховагаа харлаа!» гэж би хэллээ.

8 Дараа нь би Еховагийн дууг сонслоо. «Хэнийг би явуулах вэ? Хэн бидний төлөө явах вэ?» гэхэд нь «Би явъя! Намайг явуулаач!» гэж би хэлэв.

11 Тэгэхэд би: «Ехова, хэдий болтол ийм байх вэ?» гэж асуув.

13 Гэвч Израйлын ард түмний аравны нэг нь үлдэнэ. Тэднийг ч дахин шатаана. Израйлын ард түмэн бол том мод, царс мод адил юм. Тэдгээр модыг тайрахад хожуул нь үлддэг. Тэр хожуулаас ариун нахиа* ургана».

7 Уззиагийн ач, Иотамын хүү, Иудагийн хаан Ахазын үед Сирийн хаан Резин болон Ремалиагийн хүү, Израйлын хаан Пека дайтахаар ирсэн боловч Иерусалимыг эзлэн авч чадсангүй. 2 «Сири Ефраимтай хүчээ нэгтгэлээ» гэсэн мэдээ Давидын өргөөнд иржээ.

Тэгэхэд Ахаз болон ард түмний зүрх чичирсэн нь ойн модод салхинд найгахтай адил байв.

3 Ехова Исаиад «Чи өөрийн хүү Шеар-иашубаа дагуулж яваад угаагчийн талбай руу явдаг төв замын хажууд байдаг дээд цөөрмийн усны шугамын үзүүрт Ахазтай уулзаарай. 4 Тэгээд ингэж хэл. “Тайван бай. Шатаж дуусаж байгаа хоёр тайрдас шиг Сирийн хаан Резин болон Ремалиагийн хүүгээс бүү ай, бүү зүрх алд. 5 Учир нь Сири улс Ефраимтай, мөн Ремалиагийн хүүтэй нийлж, чиний эсрэг хуйвалдан 6 «Иуда руу явж, түүнийг хэдэн хэсэг болгон тасчиж*, эзлэн аваад* Табеелийн хүүг хаанаар өргөмжилье» гэж хэлсэн.

 7 Хэмжээгүй эрхт Эзэн Ехова айлдаж байна.

«Тэр нь бүтэхгүй.

Тийм юм болохгүй.

10 Ехова Ахазад цааш нь ийн хэлэв. 11 «Ехова Бурхнаасаа тэмдэг гуй. Тэр нь Булш* шиг гүн, тэнгэр шиг өндөр байлаа ч гуй». 12 Гэвч Ахаз: «Би гуйхгүй, Еховаг сорихгүй» гэж хэлэв.

13 Тэгэхэд нь Исаиа ийн хариуллаа. «Давидын үр удам аа, та нар сонс. Хүний тэвчээрийг барсан чинь багадаад Бурхны тэвчээрийг барах нь уу? 14 Тиймээс Ехова өөрөө та нарт тэмдэг үзүүлнэ. Юу гэвэл, залуу эмэгтэй жирэмсэлж хүү төрүүлээд Иммануел* гэж нэрлэнэ. 15 Тэр хүү муугаас татгалзаж, сайныг сонгож сурахаараа цөцгийн тос, зэрлэг зөгийн бал иднэ. 16 Хүүг муугаас татгалзаж, сайныг сонгож сурахаас өмнө та нарын айгаад байсан хоёр хааны газар нутаг бүрмөсөн эзгүйрнэ. 17 Ехова Ахаз танд, таны ард түмэнд, эцгийн тань гэр бүлд Ефраимыг Иудагаас салснаас хойш болж байгаагүй цаг үеийг авчирна. Тэрбээр Ассирийн хааныг тан руу довтлуулна.

18 Тэр өдөр Ехова исгэрэн алс холын Египетийн Нил мөрний олон салаанд байдаг ялаануудыг, Ассири нутгийн зөгийнүүдийг дуудаж авчирна. 19 Тэдгээр нь бүгд ирж эгц хавцал, хадны завсар, өргөст бут, устай газруудад үүрлэнэ.

20 Тэр өдөр Ехова Их мөрний* нутгаас зээлсэн тонгорог буюу Ассирийн хаанаар толгой, хөлийн чинь үсийг хусуулж, сахлыг чинь авхуулна.

21 Мал сүрэгтэй байсан хүн тэр өдөр ганц гунжин үнээ, хоёр хоньтой үлдэнэ. 22 Сүү элбэгтэй учир тэрбээр цөцгийн тос иднэ. Тэр нутагт үлдсэн хүн бүр цөцгийн тос, зэрлэг зөгийн бал иднэ.

23 1 000 шекел мөнгөний үнэтэй 1 000 усан үзмийн мод ургаж байсан газрууд тэр өдөр өргөст бут, хогийн ургамалд баригдана. 24 Хүмүүс айж чичирсээр* нум сумтайгаа тийшээ очно. Учир нь тэр газар бүхэлдээ өргөст бут, хогийн ургамалд баригдсан байх юм. 25 Урьд нь зээтүүгээр зэрлэгийг нь авдаг байсан уулс өргөст бут, зэрлэг ургамалд баригдах тул та нар тийш ойртож очихгүй. Тэдгээр нь бух идээшилж, хоньд гишгэчдэг газар болно».

8 Ехова надад хэлсэн нь: «Том хавтан авч дээр нь жирийн үзгээр* “Махер-шалал-хаш-баз*” гэж бич. 2 Би үнэнч гэрчүүдээр буюу тахилч Уриа, Иеберехиагийн хүү Зехариагаар бичүүлж баталгаажуулна*».

3 Дараа нь би зөнч эмэгтэйтэй* унтав. Тэрбээр жирэмсэлж, цаг нь болоход хүү төрүүллээ. Тэгтэл Ехова надад «Хүүг Махер-шалал-хаш-баз гэж нэрлэ. 4 Учир нь түүнийг “аав”, “ээж” гэж хэлд орохоос өмнө Дамаскийн баялаг, Самарийн хөрөнгө Ассирийн хааны гарт орно» гэж хэлэв.

5 Ехова дахин надтай ярьсан нь:

Хүзүүгээр таттал үерлэнэ.

 9 Хор учруул, ард түмнүүд ээ. Гэвч та нар хэдэн хэсэг болон бутарна.

Дэлхийн хязгаараас ирэгсэд ээ, сонсоцгоо!

Тулалдаанд бэлтгэ. Гэвч та нар хэдэн хэсэг болон бутарна!

Тулалдаанд бэлтгэ. Гэвч та нар хэдэн хэсэг болон бутарна!

10 Төлөвлөгөө зохио. Гэсэн ч энэ нь нурна!

Хүслээ хэл. Гэсэн ч энэ нь биелэхгүй.

Учир нь Бурхан бидэнтэй хамт*!

11 Ехова хүчит мутраа над дээр тавьж, энэ ард түмний замаар явахгүй байхыг анхааруулан ийн айлдав.

12 «Чи энэ ард түмний хуйвалдаан гэж нэрлэдэг зүйлийг хуйвалдаан гэж бүү хэл!

Тэдний айдаг юмнаас бүү ай.

Бүү айж чичир.

13 Чи тэнгэрийн цэргийн жанжин Еховаг л ариун гэж үзэх ёстой.

Чи түүнээс л эмээх ёстой.

Зөвхөн түүнээс айж чичрэх ёстой».

15 Тэдний дундах олон хүн бүдэрч унаад гэмтэнэ.

Тэд урхинд орж, баригдана.

17 Иаковын үр удмаас нүүрээ нуусан Еховаг би найдан хүлээнэ. Би түүнд үргэлж найдна.

18 Би болон Еховагийн өгсөн хүүхдүүд минь Израйл дахь тэмдэг, гайхамшиг юм. Сион ууланд оршигч тэнгэрийн цэргийн жанжин Еховагийн тэмдэг, гайхамшиг юм.

19 Хэрэв хүмүүс: «Сүнс дуудагч, шивнэн шившдэг мэргэ төлгөчдөөс асуу» гэж хэлбэл ямар ч ард түмэн Бурхнаасаа асуух ёстой бус уу? Амьд хүний төлөө үхэгсдээс асуухын хэрэг юу байна вэ? 20 Үүнийхээ оронд хууль болон баталгаажуулсан бичгээс лавлах ёстой шүү дээ!

Энэ үгийн дагуу ярихгүй бол тэдэнд гэрэл байхгүй. 21 Энэ нутгаар дайран өнгөрөх хүн бүр өлсөж, зовно. Тэд өлсөж, уурласандаа дээш харан хааныгаа, Бурхнаа хараана. 22 Дараа нь тэднийг газар луу харахад зовлон, харанхуй, тодорхойгүй байдал, хүнд бэрх цаг, уйтгар гуниг, гэрэл гэгээгүй зүйл л байх болно.

9 Гэсэн хэдий ч зовлон нүүрлэж байсан урьдын цаг шиг, Зебулун болон Нафталийн нутаг жигшигдэж байсан үеийнх шиг харанхуй болохгүй. Хожмын цагт Бурхан тэнгис хүрэх зам, Иорданы бүс нутаг, харь үндэстнүүдийн суудаг Галилыг сүр жавхлантай болгоно.

 3 Та энэ үндэстний хүн амыг олшруулсан.

Түүнийг асар ихээр баярлуулсан.

 6 Бидэнд хүүхэд төрсөн.

Бурхан бидэнд хүү өгсөн.

Засаглал түүний гарт байх болно.

Түүнийг Гайхамшигт Зөвлөгч, Хүчит Бурхан, Мөнхийн Эцэг, Энхийн Жонон гэх болно.

 7 Түүний засаглал дэлхий дахиныг хамарна.

Тэнгэрийн цэргийн жанжин Ехова би үүнийг хичээл зүтгэлтэй гүйцэтгэнэ.

Тэд ихэмсэг бардам, эрээ цээргүй загнан ингэж ярьдаг.

Энэ бүхний улмаас Бурхны уур хилэн намдахгүй.

Тэрбээр тэднийг цохихоор далайсан мутраа буулгахгүй.

13 Энэ ард түмэн өөрийг нь шийтгэдэг Нэгэн рүү буцаж очоогүй.

Тэнгэрийн цэргийн жанжин Еховагийн удирдлага зааврыг хайгаагүй.

16 Энэ ард түмнийг удирддаг хүмүүс тэднийг төөрүүлдэг.

Удирдуулж байгаа хүмүүс нь самуурчээ.

17 Тийм учраас Ехова залууст нь баярлахгүй.

Өнчин хүүхдүүд, бэлэвсэн эмэгтэйчүүдийг нь өрөвдөхгүй.

Учир нь тэд бүгдээрээ тэрслэгчид, мууг үйлдэгчид юм.

Бүгд мунхаг юм ярьдаг.

Энэ бүхний улмаас Бурхны уур хилэн намдахгүй.

Тэрбээр тэднийг цохихоор далайсан мутраа буулгахгүй.

Ард түмэн түймэрт шатна.

Хүмүүс төрсөн ах дүүгээ ч өршөөхгүй.

20 Тэд баруун талд байгаагаа огтлон авч иднэ.

Гэвч өлсгөлөн хэвээрээ байна.

Зүүн талд байгаагаа иднэ.

Гэвч цадахгүй.

Хүн бүр гарынхаа шууны махыг иднэ.

Тэд нийлж Иуда руу дайрна.

Энэ бүхний улмаас Бурхны уур хилэн намдахгүй.

Тэрбээр тэднийг цохихоор далайсан мутраа буулгахгүй.

Хэн рүү очиж тусламж гуйх вэ?

Эд хөрөнгөө хаана үлдээх вэ?

Энэ бүхний улмаас Бурхны уур хилэн намдахгүй.

Тэрбээр тэднийг цохихоор далайсан мутраа буулгахгүй.

Би гарт нь буй таягаар шийтгэл буулгана!

 7 Гэвч тэрбээр ингэхийг хүсэхгүй.

Зүрх сэтгэлд нь ийм төлөвлөгөө байхгүй.

 8 Тэрбээр ингэж хэлдэг.

“Миний ноёд бүгд хаад биш гэж үү?

 9 Кално нь Кархемиштай адил биш гэж үү?

Хамат нь Арпадтай адил биш гэж үү?

Самари нь Дамасктай адил биш гэж үү?

10 Би ямар ч хэрэгцээгүй бурхад шүтдэг хаант улсуудыг эзэлсэн!

Тэдгээр нь Иерусалим ба Самарийг бодвол илүү олон сийлмэл шүтээнтэй байсан юм.

12 Ехова Сион уул болон Иерусалимд хийх гэсэн бүх ажлаа дуусгаад Ассирийн хааныг эрээ цээргүй, ихэмсэг бардам авирласных нь хариуд шийтгэнэ. 13 Учир нь тэрбээр ийн хэлсэн.

“Би үүнийг өөрийн хүч, ухаанаар хийнэ.

Учир нь би мэргэн ухаантай.

Би оршин суугчдыг нь хүчит дайчин мэт эзлэн авна.

Далавчаа дэвэн, амаа ангайн, жиргэх хэн ч байхгүй”».

15 Сүх түлээчнээсээ дээр гэж гайхуулах уу?

Хөрөө хөрөөчнөөсөө илүү гэж биеэ магтах уу?

Таяг өөрийг нь өргөж байгаа хүнээр даллаж чадах уу?

Саваа өөрийг нь барьж байгаа хүнийг дээш нь өргөж чадах уу?

18 Тэрбээр ой мод, жимсний цэцэрлэгийнхээ суу алдрыг бүрмөсөн үгүй хийнэ.

Энэ нь өвчтэй хүн улам сульдан доройтдогийн адил юм.

Устгах шийдвэр хэдийнээ гарчээ.

Шударга шийтгэл тэдэн дээр бууна.

24 Тиймээс Хэмжээгүй эрхт Эзэн, тэнгэрийн цэргийн жанжин Ехова ийн айлдаж байна. «Сионд амьдарч байгаа ард түмэн минь ээ, Египет шиг авирлан та нарыг саваагаар цохиж, өөдөөс чинь таягаа далайж байсан Ассириас бүү ай. 25 Тун удахгүй миний уур гарна. Харин би ассиричуудад уурлаж, тэднийг устгана. 26 Тэнгэрийн цэргийн жанжин Ехова би Оребын хадны дэргэд Мидианыг ялсан шигээ тэднийг ташуурдана. Би* Египеттэй тулалдахдаа таягаа сунгасан шигээ тэнгисийн дээгүүр таягаа сунгана.

Тосноос болж тэр буулга хугарна».

28 Тэрбээр Аиатад хүрч ирсэн.

Мигроноор дайран өнгөрсөн.

Михмашт ачаагаа буулгасан.

Рама чичирч, Саулын Гибеа зугтав.

30 Галлимын оршин суугчид аа*, орилж хашхир!

Лаиша, анхаар!

Анатот оо, чи хөөрхий еэ!

31 Мадмена зугтав.

Гебимийн оршин суугчид хоргодох газар хайв.

32 Яг энэ өдөр тэрбээр Нобт саатна.

Хамгийн өндөр моддыг тас цавчина.

Өндөр моддыг буулгана.

34 Тэрбээр өтгөн ойг сүхээр* цавчина.

Ливан хүчит нэгний гарт унана.

11 Иессигийн хожуулаас мөчир ургана.

Үндэснээс нь гарсан нахиа жимс өгнө.

Сайн зөвлөгөө өгч, хүч чадалтай байна.

Их мэдлэг эзэмшиж, Еховагаас эмээх сэтгэлээр бялхана.

 3 Тэрбээр Еховагаас эмээхдээ баярлана.

Харснаараа шүүхгүй.

Сонссоноороо шийдвэр гаргахгүй*.

 6 Чоно хургатай хамт амьдарна.

Ирвэс ишигтэй хамт хэвтэнэ.

Тугал, арслан, тарган мал нэг дор байна*.

Бяцхан хүү тэднийг хөтлөн дагуулна.

Арслан үхэр шиг сүрэл иднэ.

10 Тэр өдөр Иессигийн үндэс ард түмнүүдэд туг болж өргөгдөнө.

Үндэстнүүд түүнээс заавар гуйна.

Түүний амрах газар сүр жавхлантай болно.

11 Тэр өдөр Ехова хоёр дахь удаагаа мутраа сунгаж Ассири, Египет, Патрос, Куш, Елам, Шинар*, Хамат болон далайн арлуудаас өөрийн ард түмний үлдэгсдийг буцааж авчирна. 12 Тэрбээр ард түмнүүдийн төлөө туг босгож, Израйлын тарж бутарсан хүмүүсийг цуглуулна. Иудагийн тарж бутарсан хүмүүсийг дэлхийн өнцөг булан бүрээс цуглуулна.

13 Ефраим атаархахаа болино.

Иудад дайсагнадаг хүмүүс устгагдана.

Ефраим Иудад атаархахгүй.

Иуда ч Ефраимд дайсагнахгүй.

14 Тэд баруун зүг, филистчүүд рүү довтолно.

Тэд хамтдаа зүүн зүгийн хүмүүсийг тонон дээрэмдэнэ.

Тэд Едом, Моабыг эзлэн авна.

Аммончууд эрхшээлд нь орно.

Тэгээд хүмүүсийг сандаалтай нь гатлуулна.

12 Тэр өдөр чи ингэж хэлнэ.

«Ехова минь ээ, тандаа талархъя.

Та надад уурласан.

Гэсэн хэдий ч хилэн тань намжихад та намайг тайвшруулсан.

 2 Бурхан бол миний аврал.

Би түүнд найдна, би айхгүй.

Учир нь Яа* Ехова бол миний хүч, миний чадал.

Тэрбээр намайг аварсан юм».

 4 Тэр өдөр та нар ингэж хэлнэ.

«Еховад талархан нэрийг нь дууд.

Үйлсийг нь ард түмнүүдэд мэдүүл.

Нэр нь өргөмжлөгдсөнийг зарлан тунхагла.

 5 Еховад зориулж магтуу дуул*. Учир нь тэрбээр гайхамшигт үйлсийг бүтээсэн.

Үүнийг дэлхий дахинд мэдүүл.

 6 Сионы оршин суугчид аа*, баярлан хашхир.

Учир нь та нарын дунд байгаа Израйлын Ариун Нэгэн бол агуу юм».

13 Амозын хүү Исаиа үзэгдэл үзэн, Вавилоныг шүүх тухай мэдээ авчээ.

 2 «Нүцгэн уулан дээр туг өргө.

Гараараа даллан тэднийг дууд.

Тэд язгууртнуудын үүдээр орж ирэг.

 3 Би томилсон* хүмүүстээ тушаал буулгасан.

Тэнгэрийн цэргийн жанжин Ехова дайнд мордох цэрэг цуглуулж байна.

 6 Еховагийн өдөр ойртож байгаа тул уйлагтун.

Тэр өдөр Төгс хүчит Нэгэн танай нутгийг устгана.

 8 Ард түмэн үймэн сандарчээ.

 9 Еховагийн өдөр ирж байна.

Уур хилэн буцалсан аймшигт өдөр болох гэж байна.

Мандах нар харанхуйлна.

Сар ч гэрэлтэхгүй.

11 Би дэлхийн оршин суугчдыг дуудаж муу үйлийнх нь тооцоог бодно.

Хорон санаатнуудыг дуудаж гэм нүглийнх нь хариуцлагыг хүлээлгэнэ.

Ихэмсэг хүмүүсийн бардам занг эцэс болгоно.

Эзлэн түрэмгийлэгчдийн аархуу занг номхотгоно.

13 Тиймээс би тэнгэрийг доргионо.

Хүн бүр нутаг руугаа зугтана.

18 Тэд нум сумаараа залуусыг хиаруулна.

Хэвлийд байгаа үрсийг үл өршөөнө.

Балчир хүүхдүүдийг үл энэрнэ.

Түүнийг шийтгэх цаг ойрхон байна. Амьд явах өдрүүд нь тоотой».

14 Ехова Иаковыг өршөөж, Израйлыг дахин сонгоно. Тэрбээр израйлчуудыг нутагт нь суулгана*. Харь элгийнхэн израйлчуудтай нийлж, Иаковын үр удамтай нэгдэнэ. 2 Ард түмнүүд тэднийг нутагт нь буцааж аваачна. Израйлчууд Еховагийн газар нутагт тэдгээр ард түмнийг өмчилж зарц шивэгчнээ болгоно. Өөрсдийг нь олзолсон хүмүүсийг олзолж, өөрсдийг нь албадан ажиллуулж байсан хүмүүсийг захирна.

3 Ехова та нарыг зовлон шаналал, айдас түгшүүр, хүнд бэрх боолчлолоос чөлөөлөх тэр өдөр 4 та нар Вавилоны хааны тухай ийм зүйр үг* хэлнэ.

«Бусдыг албадан ажиллуулдаг байсан нэгний төгсгөл ингэж ирэх гэж!

Дарлагчийн төгсгөл ингэж ирэх гэж!

 7 Дэлхий тэр аяараа үймээн самуунгүй, амар амгалан боллоо.

Хүмүүс баярлан хашхиралдана.

Үндэстнүүдийн бүх хааныг сэнтийгээс нь босгодог.

10 Тэд бүгдээрээ чамд ингэж хэлнэ.

“Чи бидэн шиг хүчгүй болсон юм уу?

Чи бидэнтэй адилхан болсон гэж үү?

13 Чи сэтгэлдээ ингэж шивнэсэн. “Би тэнгэрт гарна.

Бурхны оддын дээгүүр сэнтийгээ засна.

19 Харин чамайг булшинд оршуулахгүй.

Чи жигшигдсэн нахиа шиг хаягдсан.

Чи хөлд гишгэгдэх хүүр адил болсон.

20 Чи хаадтай хамт оршуулагдахгүй.

Мууг үйлдэгчдийн үр удам ахин хэзээ ч дурсагдахгүй.

Ингэснээр тэд хүчирхэгжин дэлхийг эзлэхгүй.

Газар нутгийг өөрсдийнхөө хотуудаар дүүргэхгүй».

22 «Би тэднийг эсэргүүцэн босно» гэж тэнгэрийн цэргийн жанжин Ехова тунхаглаж байна.

«Би Вавилоноос нэрийг нь арчиж, түүнээс үлдсэн бүхнийг, үр хүүхэд, хойч үеийг нь устгана» гэж Ехова тунхаглаж байна.

23 «Би түүнийг үхэр зарааны эзэмшил, намагтай нутаг болгож, устгагч шүүрээр шүүрдэнэ» гэж тэнгэрийн цэргийн жанжин Ехова тунхаглаж байна.

24 Тэнгэрийн цэргийн жанжин Ехова ийн тангараглаж байна.

«Миний санаснаар бүтнэ.

Миний шийдсэнээр болно.

25 Би ассиричуудыг газар нутагтаа хиар цохино.

Уулан дээрээ гишгэчнэ.

Ард түмнээсээ буулгыг нь авч хаяна.

Мөрөн дээрээс нь ачааг нь буулгана».

26 Бурхан дэлхий дахины эсрэг ийм шийдвэр гаргасан юм.

Бүх үндэстний өөдөөс мутраа сунгасан юм.

28 Ахаз хааны таалал төгссөн жил ийм тунхаглал гарав.

Учир нь могойн өндөгнөөс* хорт могой гарна.

Хорт могойноос нисдэг галт могой* гарна.

31 Дааман хаалганы дэргэд суугчид аа уйл! Хотын оршин суугчид аа, орилж хашхир!

Филистчүүд ээ, та нар бүгдээрээ зүрх алдана.

Умард зүгээс их цэрэг утаа шиг ирж байна.

Эгнээнээсээ гарсан цэрэг тэдний дунд үгүй».

32 Үндэстнүүдийн элч нарт тэд юу гэж хариулах вэ?

«Ехова Сионы суурийг тавьсан.

Түүний ард түмний дорд хүмүүс нь тэнд хоргодно» гэж хариулна.

15 Моабыг шүүх тухай мэдээ.

 2 Хүмүүс сүм өөд, Дибон өөд явав.

Уйлж гашуудахаар өндөрлөгүүд рүү явав.

Небо болон Медебагийн хойноос Моаб гашуудаж байна.

Хүн бүр үсээ хусаж, сахлаа авчээ.

 3 Тэд гудамжинд таар нөмөрчээ.

Дээвэр дээр, талбай дээр бүгд уйлалдана.

Тэд доош буухдаа гашуудан уйлна.

 4 Хешбон болон Елеале хашхирна.

Тэдний дуу Иахаз хүртэл сонсогдоно.

Тийм учраас Моабын зэвсэгт дайчид хашхирсаар байна.

Моаб айн чичирч байна.

 5 Миний зүрх Моабын төлөө хашхирна.

Оргодлууд нь Зоар болон Еглат-шелишиа хүртэл зугтсан.

Лухитын энгэрээр авиран явахдаа тэд уйлна.

Хоронаим хүртэл явахдаа гай зовлонгоос болж гашуудна.

 6 Нимримийн ус ширгэжээ.

Ногоон өвс нь хатжээ.

Өвс нь алга болж, ургамал ногоогүй үлджээ.

 8 Моабын нутаг даяар уйлах дуу цуурайтна.

Уйлаан майлаан Еглаимд хүрчээ.

Уйлаан майлаан Беер-елимд хүрчээ.

 9 Димоны ус цус болжээ.

Димонд зориулж бэлдсэн зүйл минь үүгээр тогтохгүй.

16 Энэ нутгийн захирагч руу Селагаас хонь явуул.

 3 «Зөвлөгөө өгч, шийдвэр гарга.

Жин үдийн сүүдэр чинь шөнө мэт харанхуй байг.

Тарж бутарсан хүмүүсийг нуу. Зугтаж яваа хүмүүсийг бүү барьж өг.

 4 Тарж бутарсан хүмүүсийг минь өөртөө аваач Моаб аа.

Устгагчаас нуугдах газар нь болооч.

Дарлагч эцсээ үзнэ.

Сүйрэл дуусна.

Бусдыг гишгэчдэг хүмүүс дэлхийгээс арчигдана.

 5 Тэгэхэд үнэнч хайранд үндэслэн нэгэн сэнтий бат тогтоно.

Давидын майханд байх энэхүү сэнтийд залрагч нь үнэнч байна.

Тэрбээр шударга шүүж, зөв шударгыг цаг алдалгүй тогтооно».

 6 Бид Моабын бардамналын тухай, их бардам гэдгийг нь сонссон.

Ихэмсэг бардам зан, догшин хилэнгийнх нь тухай дуулсан.

Гэвч түүний сайрхал хоосон.

 7 Тиймээс Моаб өөрийгөө хараад уйлна.

Моабчууд бүгд уйлна.

Ялагдсан хүмүүс Кир-харесетийн үзмийн шахмалыг бодож гашуудна.

Үндэстнүүдийн удирдагчид ув улаан* мөчрийг нь гишгэчсэн.

Нахианууд нь тэнгис хүртэл сунасан.

 9 Би Иазерын хойноос гашуудсан шигээ Сибмагийн усан үзмийн хойноос гашуудна.

Хешбон ба Елеале минь ээ, би нулимсаараа та нарыг норгоно.

Яагаад гэвэл зуны жимс, ургацын чинь төлөөх хашхираан намдсан*.

10 Жимсний цэцэрлэгт хойшид баяр хөөр, хөгжөөн баясал үгүй болно.

Усан үзмийн цэцэрлэгт баярын дуу, чимээ шуугиан байхгүй болно.

Усан үзэм гишгэж дарс хийдэг хүн байхгүй болно.

Учир нь би хашхирааныг намжаасан.

Сэтгэл зүрх минь тэр аяараа Кир-харесетийн хойноос гашуудаж байна.

12 Моаб өндөр газар луу ядартлаа явж, өөрийн сүмд залбирахаар орсон ч тусыг эс олно.

13 Энэ бол Моабын талаар Еховагийн хэлж байсан үг юм. 14 Одоо Ехова ийн айлдаж байна. «Яг гурван жил өнгөрөхөд* Моабын суу алдар гутаагдаж, асар их үймээн самуун болно. Үлдсэн хүмүүс нь маш цөөхөн, сул дорой болно».

17 Дамаскийг шүүх тухай мэдээ.

Хэн ч тэднийг айлгахгүй.

 3 Ефраимын бэхлэгдсэн хотууд үгүй болно.

Дамаскт хаант улс гэж байхгүй болно.

7 Тэр өдөр хүн Бүтээгчээсээ тусламж эрж, Израйлын Ариун Нэгэнд найдна. 8 Өөрийн гараар бүтээсэн тахилын ширээнд найдахгүй. Гар хуруугаараа хийсэн ариун шон*, утлагын тавиурыг царайчлахгүй.

 9 Бэхлэгдсэн хотууд нь тэр өдөр ойд хаягдсан суурин мэт болно.

Израйлчуудаас болоод орхиж хаясан мөчир шиг болно.

Эзгүй газар болно.

10 Чи* аврагч Бурхнаа мартсан.

Өөрийн Цайз, өөрийн Хадыг санаагүй.

12 Олон ард түмний шуугилдахыг сонсоцгоо!

Тэд догшрох далай шиг шуугилдаж байна.

Үндэстнүүдийн үймэлдэхийг сонсоцгоо!

Тэдний дуу их усны нүргээн шиг сонсогдоно.

13 Үндэстнүүд их усны нүргээн шиг чимээ гаргана.

Эвэр бүрээн дуу шиг дууг сонсоно.

 4 Ехова надад ингэж айлдав.

«Би тайван байж, орших газар луугаа* харна.

Ороонгыг нь тайрч хаяна.

Махчин шувууд зунжин тэднийг зулгаана.

Газрын бүх араатан ургац хураалтын улиралд тэднээр хооллоно.

Тэнгэрийн цэргийн жанжин Еховагийн нэр байдаг Сион ууланд бэлэг авчирна».

19 Египетийг шүүх тухай мэдээ.

Ехова үүл хөлөглөн Египет рүү хурдлан явж байна.

Египетийн ямар ч хэрэггүй бурхад түүнээс айн чичирнэ.

Египетчүүдийн зүрх үхнэ.

 2 «Би египетчүүдийг өөрсдийнх нь эсрэг турхирна.

Тэд нэг нэгэнтэйгээ тулалдана.

Хүн бүр ах дүүтэйгээ, хөрштэйгөө тэмцэлдэнэ.

Хот нь хоттой, хаант улс нь хаант улстай байлдана.

 3 Египетчүүд үймэлдэн сандарна.

Би тэдний төлөвлөгөөг будилаантуулна.

Тэд ямар ч хэрэггүй бурхдад хандана.

Шидтэн, сүнс дуудагч, мэргэч төлөгч нараас асууна.

 5 Тэнгисийн ус хатна.

Голын ус ширгэнэ.

Зэгс, хулс нь ялзарна.

 7 Нилийн адаг дахь, Нил мөрний эрэг дагуух ургамал хатна.

Нилийн дагуух, үр суулгасан бүх газар хатна.

Тэр бүхэн салхинд хийсэж, үгүй болно.

 8 Загасчид гашуудна.

Нил мөрөнд дэгээ шидэгчид энэлэн шанална.

Усан дээр тор хаягчид цөөрнө.

11 Зоаны ноёд мунхаг.

Фараоны хамгийн мэргэн зөвлөгчид нь буруу зөвлөгөө өгдөг.

12 Тэгвэл мэргэд чинь хаана байна вэ?

Тэнгэрийн цэргийн жанжин Ехова Египетэд юу хийхээр төлөвлөснийг тэд чамд хэлэг л дээ.

13 Зоаны ноёд мунхаг юм хийсэн.

Нофын* ноёд хууртсан.

Овгуудынх нь тэргүүнүүд Египетийг төөрөлдүүлсэн.

Египет бөөлжсөн дээрээ халтирдаг согтуу хүн шиг болов.

16 Тэр өдөр Египет тэнгэрийн цэргийн жанжин Еховагийн занаж далайсан мутраас айн чичирч, эмэгтэй хүн шиг болно. 17 Иудагийн нутаг Египетийг айдаст автуулна. Египетчүүд Иудагийн нэрийг сонсоод л айна. Учир нь тэнгэрийн цэргийн жанжин Ехова өөрсдийнх нь эсрэг шийдвэр гаргасан юм.

18 Тэр өдөр Египетийн таван хотынхон Канааны хэлээр* ярьж, тэнгэрийн цэргийн жанжин Еховад үнэнч байхаа тангараглана. Нэг хотыг нь Сүйрлийн хот гэж нэрлэнэ.

19 Тэр өдөр Египет нутгийн төвд Еховагийн тахилын ширээг, хил дээр нь Еховагийн хүндэтгэлийн баганыг босгоно. 20 Энэ нь Египет нутагт тэнгэрийн цэргийн жанжин Еховагийн тухай гэрчлэл, тэмдэг болно. Хүмүүс дарлагчдаас болж Ехова руу хашхирахад тэрбээр тэдэн рүү аврагчийг, агуу нэгнийг явуулна. 21 Ехова египетчүүдийн дунд алдаршина. Египетчүүд Еховаг тэр өдөр мэддэг болно. Тэд тахил өргөж, бэлэг барин, Еховад тангараглаж, түүнийгээ биелүүлнэ. 22 Ехова Египетийг шийтгэнэ. Шийтгээд эдгээнэ. Тэд Ехова руу буцаж ирнэ. Тэрбээр гуйлтыг нь сонсож, тэднийг эдгээнэ.

23 Тэр өдөр Египетээс Ассири хүрэх их зам бий болно. Ассиричууд Египетэд, египетчүүд Ассирид очно. Египетчүүд ассиричуудтай хамт Бурханд үйлчилнэ. 24 Тэр өдөр Израйл нь Египет болон Ассиритай нэгдэж, дэлхийн төв дэх ивээл болно. 25 Учир нь тэнгэрийн цэргийн жанжин Ехова тэднийг ерөөж «Миний ард түмэн Египет, миний мутрын бүтээл Ассири, миний өмч Израйл ивээл хүртэнэ» гэж хэлнэ.

20 Ассирийн хаан Саргон цэргийн жанжнаа* Ашдод руу илгээжээ. Тэр жил цэргийн жанжин нь Ашдод руу дайрч, эзлэн авав. 2 Тэгэхэд Ехова Амозын хүү Исаиад «Явж биеэсээ таараа, хөлөөсөө сандаалаа тайл» гэж хэллээ. Исаиа хэлсэн ёсоор нь гүйцэтгэж шалдан*, хөл нүцгэн явах болжээ.

3 Дараа нь Ехова ийн хэлэв. «Миний зарц Исаиа Египет ба Етиопт тэмдэг, анхааруулга болж гурван жил шалдан, хөл нүцгэн явсан шиг 4 Ассирийн хаан Египет болон Етиопоос олзолсон хүмүүсээ хүүхэд хөгшидгүй шалдан, хөл нүцгэн явуулж, өгзгийг нь ил гарган Египетийг гутаана. 5 Тэд* айж, найдвар болсон Етиопоосоо, бахархал болсон Египетээсээ ичнэ. 6 Эрэг хавийн энэ нутгийн оршин суугчид тэр өдөр “Найдаж байсан улсад маань юу тохиолдсоныг хар даа! Уг нь бид Ассирийн хаанаас мултрах гэж аврал эрэн тийшээ зугтсан шүү дээ. Тэгэхээр одоо бид яаж аврагдах юм бэ?” гэж хэлнэ».

21 Тэнгис мэт харагдах зэлүүд газрыг* шүүх тухай мэдээ.

 2 Би нэгэн аймшигт үзэгдэл үзэв.

Елам аа, давш! Медиа, бүсэл!

Би түүний учруулсан бүх зовлонг арилгана.

 3 Энэ үзэгдлээс болж би ихэд шаналсан юм.

 4 Зүрх минь чичирч, би айсандаа дагжина.

Хүсэж байснаар минь орой болсон ч би айдаст автав.

 5 Ширээ засаж суудал бэлд!

Идэж уу!

Ноёд оо, босож бамбайг* тосол!

 7 Тэрбээр дайны тэрэгнүүдийг харав.

Тэрбээр алсыг ширтэн анхааралтай харав.

 8 Дараа нь тэрбээр арслан архирах мэт чанга хашхиран ийн хэлэв.

«Ехова минь ээ, би өдөржин харуулын цамхаг дээр зогсож байна.

Шөнө бүр харуулын байрандаа байна.

 9 Хэн ирж байгааг хараач!

Хос морьд хөллөсөн дайны тэрэгтэй эрчүүд!» гэлээ.

Бурхдынх нь бүх сийлмэл хөрөг газар унаж бут үсэрлээ!» гэж хэлэв.

11 Думаг* шүүх тухай мэдээ.

Харуул аа, өглөө болтол хэр удах вэ?» гэж асуув.

Асуумаар байвал асуу.

Дахиад ирээрэй!» гэж хэлэв.

13 Цөлөрхөг хээрийг* шүүх тухай мэдээ.

Зугтаж яваа нэгэнд талх аваачигтун.

16 Ехова надад ийн айлдав. «Яг нэг жил өнгөрөхөд* Кедарын бүх суу алдар үгүй болно. 17 Кедарын дайчдаас үлдэх харваач цөөхөн байх болно. Учир нь Израйлын Бурхан Ехова үүнийг айлдсан юм».

22 Үзэгдлийн хөндийн* тухай тунхаглал.

Юу болсон бэ? Оршин суугчид чинь яагаад дээвэр дээр гарсан бэ?

 3 Дарангуйлагчид чинь бүгдээрээ хамт зугтав.

Тэднийг олзлохын тулд нум сум харвах ч хэрэггүй байсан.

 4 Тиймээс би ийн хэлэв. «Над руу битгий хар.

Би гашуунаар уйлна.

Кир бамбайгаа барив.

Морьтнууд дааман хаалганы дэргэд байраа эзэлнэ.

 8 Иуда хамгаалалтгүй болно.

Тэр өдөр та нар Ойн байшингийн зэвсэгт найдах болно. 9 Давидын хотын хэрэмд олон цөмөрхий гарахыг та нар харна. Та нар доод цөөрөмд ус нөөцөлнө. 10 Тэгээд Иерусалимын байшингуудыг тоолно. Мөн хотын хэрмийг бэхлэхийн тулд тэдгээр байшинг нураана. 11 Та нар хоёр хананы дунд усан сан хийж, хуучин цөөрмөөс ус юүлнэ. Гэвч та нар үүнийг бүтээсэн Агуу Нэгнийг анзаарахгүй, үүнийг аль эртнээс санаж зорьсон Нэгнийг харахгүй.

13 Гэвч та нар баяр тэмдэглэж, баясан цэнгэдэг.

Үхэр төхөөрч, хонь нядалдаг.

Мах идэж, дарс уудаг.

“Бүгдээрээ маргааш үхэхээс хойш идэж ууцгаая” гэдэг».

14 Тэгтэл тэнгэрийн цэргийн жанжин Ехова: «“Та нарыг үхэн үхтэл нүгэл чинь цайрахгүй” гэж хэмжээгүй эрхт Эзэн, тэнгэрийн цэргийн жанжин Ехова айлдаж байна» гэж надад хэлэв.

15 Хэмжээгүй эрхт Эзэн, тэнгэрийн цэргийн жанжин Ехова ийн айлдаж байна. «Ордны даамал, нярав Шебна руу очиж 16 “Энд чиний мэдлийн юм байна уу? Өөртөө булш бунхан хийх эрхийг хэн чамд өгөв?” гэж хэл. Тэрбээр оршуулах газраа толгод дээр ухаж байна. Өөрийнхөө булшийг хадан дунд бэлдэж байна. 17 “Хүн ээ, чамайг Ехова хайр найргүй чулуудаж, чанга зуурч авна. 18 Тэрбээр чамайг чанга ороож, уудам газарт бөмбөг мэт шиднэ. Тэнд чи үхэж, тансаг тэрэгнүүд чинь үлдэхэд эзний чинь гэр бүл гутамшиг болно. 19 Би чамайг албан тушаалаас чинь огцруулж, ажлын байрнаас чинь хөөнө.

20 Тэр өдөр би Хилкиагийн хүү, өөрийн зарц Елиакимыг дуудан, 21 түүнд чиний ёслолын хувцсыг өмсгөж, бүсийг чинь бүслэн, эрх мэдлийг чинь шилжүүлнэ. Тэрбээр Иерусалимын оршин суугчид болон Иудагийн ард түмэнд эцэг шиг нь болно. 22 Би Давидын гэрийн түлхүүрийг түүний мөрөн дээр тохно. Түүний нээсэн хаалгыг хэн ч хаахгүй, түүний хаасан хаалгыг хэн ч нээхгүй. 23 Би түүнийг бат бөх хананд сайтар хадсан хадаас мэт болгоно. Тэрбээр эцгийнхээ удам угсаанд алдрын сэнтий мэт болно. 24 Ганц хадааснаас жижиг сав суулга, хул аяга, том домбонуудыг бүгдийг нь өлгөдөг шиг, ганц түүнд эцгийнх нь удмын бүх алдар хүнд буюу үр хүүхэд, хойч үе нь найдна.

25 Тэр өдөр бат бөх хананд сайтар хадсан хадаасыг авна. Тэр хадаас хугарч унахад түүнээс өлгөсөн ачаа унан эвдэрч хэмхэрнэ. Учир нь Ехова би өөрөө үүнийг айлдсан юм” хэмээн тэнгэрийн цэргийн жанжин Ехова айлдаж байна».

23 Тирийн тухай тунхаглал.

Таршишийн хөлөг онгоцнууд аа, уйл!

Учир нь боомт устгагдаж, тийшээ орох боломжгүй болсон.

Киттимийн нутгаас үүнийг мэдэгдсэн.

 2 Эргийн оршин суугчид аа, чимээгүй бай!

Та нар тэнгис гаталдаг Сидоны худалдаачдын ачаар баяжсан.

Энэ нь та нарт орлого оруулж, үндэстнүүдэд ашиг өгсөн.

 4 Тэнгисийн дэргэдэх бэхлэгдсэн хот Сидон оо, ичигтүн!

Учир нь тэнгис:

«Би төрөхийн зовлон үзээгүй, хүүхэд төрүүлж байгаагүй.

Би хөвгүүдийг хүмүүжүүлж, охидыг өсгөж байгаагүй» гэж хэлсэн.

 6 Тэнгис гатлан Таршиш руу яв!

Эргийн оршин суугчид аа, гашуудан уйл!

 7 Энэ чинь танай хот мөн үү? Дээр үеэс, бүр анхнаасаа баяр хөөртэй байсан хот биз дээ?

Алс холын нутгуудад хөл тавьж, эзэгнэн суудаг байсан хот биз дээ?

 9 Тэнгэрийн цэргийн жанжин Ехова ийм шийдвэр гаргасан юм.

10 Таршишийн хүмүүс ээ*, нутгаараа Нил мөрөн шиг дайран өнгөр.

Хөлөг онгоцны үйлдвэр* байхгүй болсон.

Тэрбээр Фойникийн цайзуудыг устгах тушаал өгсөн.

Босоод тэнгис гатлан Киттим рүү яв.

Тэнд ч чи амар заяа үзэхгүй» гэж хэлэв.

13 Халдейчуудын нутгийг хар.

14 Таршишийн хөлөг онгоцнууд аа, уйл!

Учир нь та нарын цайз устгагдсан.

15 Тэр өдрөөс эхлэн Тир 70 жил мартагдана. Энэ нь нэг хааны амьдрах хугацаа юм. Янхны дуунд гардаг шиг зүйл 70 жилийн эцэст Тирт тохиолдоно.

16 «Мартагдсан янхан аа, босоо ятгаа аван хотоор яв.

Босоо ятгаа эгшиглүүл.

17 Ехова Тирийг 70 жилийн эцэст санана. Тир дэлхийн бүх хаант улстай завхайрч мөнгө авна. 18 Биеэ үнэлээд олж авсан мөнгө нь Еховагийн хувьд ариун байх юм. Тэдгээрийг хуримтлуулахгүй, хадгалахгүй. Яагаад гэвэл түүний олсон орлогыг Еховагийн ард түмэнд зориулна. Тэд цадталаа идэж, сайхан хувцаслана.

24 Ехова энэ газрыг* хоосруулж, сүйрүүлж байна.

Тэрбээр дэлхийг хөмрөн*, оршин суугчдыг нь тараадаг.

 2 Бүх хүнд нэг л зүйл тохиолдоно.

Учир нь Ехова үүнийг айлдсан юм.

 4 Газар нутаг гашуудаж*, тамир нь тасарч байна.

Үржил шимтэй газар хатаж, тэнхээ нь барагдаж байна.

Ихэс дээдэс нь ядарч сульджээ.

 5 Оршин суугчид нь газар нутгаа бузарлажээ.

 7 Шинэ дарс гашуудан уйлж*, усан үзмийн мод хувхайрав.

Баярлаж байсан хүмүүс санаа алдаж байна.

 9 Тэд дарс уувч дуу дуулахгүй.

Ууж байгаа архи нь гашуун амтагдах аж.

11 Дарс нэхсэн хүмүүс гудамжинд хашхиралдаж байна.

12 Хот нь балгас хэвээрээ үлджээ.

Дааман хаалга нь эвдэрч, овоорсон хог болжээ.

Тэнгисээс* Еховагийн цог жавхланг тунхаглана.

15 Гэрлийн нутагт* Еховаг алдаршуулна.

Арлуудад Израйлын Бурхан Еховагийн нэрийг алдаршуулна.

Гэвч би: «Ядарч байна. Надад хүч алга.

Ямар хэцүү юм бэ! Урвагчид урван тэрсэлсэн.

Урвагчид урван тэрсэлж, хууран мэхэлсээр байна» гэж хэлэв.

17 Энэ газрын оршин суугчид аа, та нарыг айдас, нүх, урхи занга хүлээж байна.

Олон хоногийн дараа тэдэнд анхаарлаа хандуулна.

Учир нь тэнгэрийн цэргийн жанжин Ехова Сион уул хийгээд Иерусалимд Хаан болжээ.

Ард түмнийхээ ахлагчдын өмнө алдаршжээ.

25 Ехова минь ээ, та миний Бурхан билээ.

Таныг өргөмжилж, нэрийг тань магтъя.

Та гайхалтай зүйлсийг хийсэн.

Харийн хүмүүсийн цамхаг хот байхаа больсон.

Дахин хэзээ ч сэргээн босгогдохгүй.

 6 Тэнгэрийн цэргийн жанжин Ехова энэ уулан дээр бүх ард түмэнд зориулж найр хийнэ.

 8 Тэрбээр үхлийг нэгмөсөн залгина.

Учир нь Ехова өөрөө үүнийг айлдсан юм.

 9 Тэр өдөр хүмүүс:

«Энэ бол бидний Бурхан.

Бид түүнд найдсан.

Тэр биднийг аварна.

Энэ бол Ехова.

Бид түүнд найдсан.

Тэр биднийг аварсан тул баярлан баясацгаая» гэж хэлнэ.

10 Еховагийн мутар энэ уулан дээр байх болно.

26 Тэр өдөр Иудагийн нутагт ийм дуу дуулна.

«Бидэнд хүчирхэг хот бий.

Бурхны аврал бол хана хэрэм, хамгаалалт адил юм.

Учир нь тэд танд найддаг.

 4 Еховад үүрд итгэж найд.

Учир нь Яа* Ехова бол мөнхийн Хад.

 5 Тэрбээр өндөрт оршин суугчдыг, ихэмсэг хотыг дорд болгосон.

 6 Тэр нь хөлд гишгэгдэнэ.

Зовж буй хүмүүсийн, дорд хүмүүсийн хөлд гишгэгдэнэ».

 7 Зөв хүний зам шулуун шударга*.

Бид таны нэрийг эрхэмлэж, нэр тань дурсагдаасай гэж хүсдэг.

 9 Шөнө нь би хамаг сэтгэлээрээ таныг хүсэмжилнэ.

Зүрх сэтгэлээрээ тан руу тэмүүлнэ.

Харин ч зөв шударга хүмүүсийн амьдардаг газар нүгэл үйлдэнэ.

Тэрбээр Еховагийн сүр жавхланг харахгүй.

11 Ехова минь ээ, та мутраа өргөсөн ч тэд харахгүй.

Ард түмнийхээ төлөө зүтгэл гаргадгийг тань тэд хараад шившиг болно.

Дайснууддаа бэлдсэн гал тань тэднийг залгина.

12 Ехова минь ээ, та бидэнд амар тайвныг өгнө.

14 Тэд үхсэн, цаашид амьдрахгүй.

Хүчгүй тэд өндийж босохгүй.

15 Ехова минь ээ, та энэ үндэстнийг өнөр өтгөн болгосон.

Та энэ нутгийн хил хязгаарыг бүхэлд нь тэлсэн.

16 Ехова минь ээ, тэд зовох цагтаа танд хандсан.

Та тэднийг сахилгажуулахад тэд чин сэтгэлээсээ шивнэн залбирсан.

Ехова минь ээ, биднийг та тийм болгосон.

Бид энэ нутгийг аварч чадаагүй.

Энд оршин суух хүмүүсийг ч төрүүлээгүй.

19 «Үхэгсэд чинь амьдарна.

Миний ард түмний цогцсууд* босно.

Учир нь та нар дээр буудаг шүүдэр бол өглөөний шүүдэр* адил юм.

Газар нь үхэгсдийг гаргахад тэд амилна.

Газарт асгарсан цус илчлэгдэнэ.

Алагдсан хүмүүсийг газар хойшид нуухгүй».

 2 Тэр өдөр түүнд* ингэж дуул.

 4 Одоо би уурлаагүй байна.

Замыг минь өргөст бут, хогийн ургамлаар хааж намайг эсэргүүцэн тулалдах хэн байна вэ?

Би тэдгээрийг гишгэчиж, бүгдийг нь галд шатаана.

Надтай эвлэрэг».

 7 Түүнийг ч бас тэгж их хайр найргүй зодох ёстой гэж үү?

Түүнийг ч бас тийм харгис хэрцгийгээр хөнөөх ёстой гэж үү?

 8 Та заналтайяа хашхирч түүнтэй тэмцэлдэн түүнийг хөөж явуулна.

Та дорнын салхи шиг догшин хилэнгээрээ түүнийг хөөнө.

Ариун шон* ч, утлагын тавиур ч үлдэхгүй.

Энэ ард түмэн юу ч ойлгодоггүй.

Тийм учраас Бүтээгч нь тэднийг энэрэхгүй.

Бий болгогч нь тэднийг өршөөхгүй.

12 Израйлчууд аа, тэр өдөр Ехова Их мөрний* урсгалаас Египетийн сайр* хүртэлх бүх жимсийг хураана. Тэгэхэд та нар ар араасаа ирж цугларна. 13 Тэр өдөр их эвэр бүрээ үлээхэд Ассирийн нутагт мөхөж байсан хүмүүс, Египетэд тархсан хүмүүс ирж Иерусалим дахь ариун уулан дээр Еховад мөргөнө.

28 Ефраимын архичдын духдуулсан хээнцэр* титэм* золгүй еэ!

 2 Еховад хүч чадал, тамир тэнхээ ихтэй нэгэн бий.

Тэрбээр энэ титмийг газарт хүчтэй шиднэ.

Хүн түүнийг харахаараа тасдаж аваад шууд залгиж орхино.

5 Тэр өдөр тэнгэрийн цэргийн жанжин Ехова ард түмнийхээ үлдэгсдэд сүрлэг титэм, гоёмсог цэцгэн хэлхээ болно. 6 Мөн шүүгчдийг шударга шүүдэг болгож, дааман хаалганы дэргэд дайсны довтолгоог няцаагчдад хүч өгнө.

 7 Тахилчид дарснаас болж замаа алдсан.

Зөнчид архинаас болж гуйвж дайвсан.

Тэд архи дарснаас болж замаасаа гарсан.

 8 Бүх ширээ нь заваан бөөлжсөөр дүүрчээ!

Цэвэр газар нэг ч алга.

 9 Тэд ингэж хэлдэг. «Тэр* хэнд юм заах гээ вэ?

Хэнд мэдээгээ тайлбарлах гээ вэ?

Дөнгөж сая хөхнөөс гарсан нялхаст уу?

Дөнгөж сая эхийнхээ өврөөс салсан балчруудад уу?

10 “Тушаалын араас тушаал, тушаалын араас тушаал.

Журмын араас журам, журмын араас журам*.

Энд жаахан, тэнд жаахан” гэх юм!».

Журмын араас журам, журмын араас журам*.

Энд жаахан, тэнд жаахан» гэдэг нь болно.

Гэмтэж бэртэн, хавханд орж, баригдана.

15 Та нар:

16 Тиймээс Хэмжээгүй эрхт Эзэн Ехова ийн айлдаж байна.

«Би сайтар шалгагдсан нэгэн чулууг Сионд суурь болгон тавина.

Булангийн тэр үнэт чулууг бат бөх суурь болгоно.

Итгэдэг нэг ч хүн айж мэгдэхгүй.

Худал хэмээх хоргодох газар мөндөрт сүйднэ.

Нуувч үерийн усанд урсана.

Өглөө бүр дайрна.

Өдөр ч, шөнө ч дайрна.

Сонссон зүйлийг нь гагцхүү айдас л тэдэнд ойлгуулна*».

Өөрийн ажлыг, ер бусын ажлыг гүйцэтгэнэ.

22 Одоо шоолж инээхээ боль.

Эс тэгвэл та нарыг хүлсэн хүлээс чангарна.

23 Чих тавьж, дуу хоолойг минь сонс.

Анхаарлаа хандуулж, хэлэх үгийг минь сонс.

24 Тариачин үрээ суулгалгүй газраа хагалаад л байх уу?

Хөрсөө сэндийлэн борнойдоод л байх уу?

26 Бурхан нь түүнд зөв зам заадаг*.

Бурхан нь түүнийг сургадаг.

27 Хар гоньдыг үтрэмийн чаргаар бяцалдаггүй.

Ногоон гоньд дээр тэрэгний дугуй өнхрүүлдэггүй.

Харин хар гоньдыг модоор цохидог.

Ногоон гоньдыг саваагаар савааддаг.

28 Хүн тариа цайруулахдаа талхны төлөө нунтаг болтол нь буталдаг уу?

Үгүй ээ, тэрбээр эцэс төгсгөлгүй цайруулаад байдаггүй.

29 Энэ зөвлөгөө бас тэнгэрийн цэргийн жанжин Еховагийнх.

Түүний санаа зорилго* гайхамшигтай.

Үйлс нь ямагт бүтэмжтэй.

29 «Давидын цэрэг буудаллаж байсан Ариел*, Ариел хот золгүй еэ!

Он жил улиран өнгөрөг.

Баяруудаа тэмдэглэсээр бай.

 2 Би Ариелд зовлон авчирна.

Тэнд уйлаан майлаан, уй гашуу болно.

Миний хувьд Ариел нь Бурхны тахилын ширээ шиг болно.

 3 Би тал бүрд чинь хуаран байгуулна.

Хашаа босгон чамайг бүсэлнэ.

Чиний эсрэг бэхлэлт босгоно.

 4 Чамайг газар чулуудна.

Газраас чи ярина.

Шороон дотроос яриа чинь бүдэг бадаг сонсогдоно.

Үг чинь шороон дотроос бувтнаж сонсогдоно.

 5 Чиний үй олон дайсан нарийн тоос шиг болно.

Үй түмэн дарангуйлагчид салхинд хийсэх хивэг мэт болно.

Энэ нь хормын төдийд, гэв гэнэт болно.

 9 Гайхаж алмайр.

Нүдээ сохолж сохор бол.

10 Ехова та нарыг гүн нойронд автуулсан.

Тэрбээр та нарын нүд болсон зөнчдийг сохолсон.

Та нарын толгой болсон үзмэрчдийг хараагүй болгосон.

11 Чиний хувьд бүх үзэгдэл лацадсан номын үгс шиг болно. Уншиж чаддаг хүнд тэр номыг өгөөд «Чанга уншиж өгөөч» гэхэд тэрбээр: «Лацтай учир би уншиж чадахгүй» гэж хариулна. 12 Уншиж чаддаггүй хүнд түүнийг өгөөд «Уншаад өгөөч» гэвэл тэрбээр: «Би ерөөсөө уншиж чадахгүй» гэнэ.

Гэвч зүрх сэтгэлээрээ надаас хол байдаг.

Хүнээр заалгасан тушаалдаа үндэслээд л надаас эмээдэг.

15 Еховагаас төлөвлөгөөгөө нуух гэж хамаг чадлаараа хичээдэг хүмүүс золгүй еэ!

Тэд харанхуйд юм хийдэг.

Тэгэхдээ «Хэн биднийг харах юм бэ?

Хэн биднийг мэдэх юм бэ?» гэж хэлдэг.

16 Та нар юмыг их мушгих юм аа*!

Ваарчныг шавартай адилтган үзэж болох уу?

17 Тун удахгүй Ливан жимсний цэцэрлэг болно.

Жимсний цэцэрлэг нь өтгөн ой шиг болно.

18 Тэр өдөр сонсголгүй хүн тэр номын үгийг сонсоно.

Хараагүй хүн харанхуйгаас ангижирч нүд нь юм харна.

19 Дөлгөөн хүмүүс Еховад асар ихээр баярлана.

Хүмүүсийн дундах ядуус Израйлын Ариун Нэгэнд баярлана.

Хүн хорлох боломж бүрийг хайгчид устгагдана.

21 Тэд бусдыг хилсээр буруутгадаг.

Хотын хаалган дээр зарга мэдүүлэгчдэд урхи тавьдаг.

Шударга ёсыг үл тоон зөв хүмүүстэй үндэслэлгүй маргадаг.

22 Тиймээс Абрахамыг аварсан Ехова Иаковын үр удамд ийн айлдаж байна.

«Иаков ичихээ болино.

Сэтгэлээр унахаа* болино.

Иаковын Ариун Нэгнийг хүндэлнэ.

Израйлын Бурхныг биширнэ.

24 Бодол санаа нь төөрсөн хүмүүс ухаарлыг олно.

Гомдоллодог хүмүүс заавар авна».

30 Ехова ийн тунхаглаж байна. «Зөрүүд хөвгүүд золгүй еэ!

Тэд миний биш, өөрсдийнхөө төлөвлөгөөг хэрэгжүүлдэг.

Миний агуу хүчээр удирдуулалгүй холбоотонтой болдог*.

Ингэж нүгэл дээрээ нүгэл нэмдэг.

Египетийн сүүдэрт хоргодохыг хичээдэг.

 3 Гэвч тэд фараоны хамгаалалтаас болж ичгэвтэр байдалд орно.

Египетийн сүүдэрт хоргодоод гутамшиг болно.

 4 Ноёд нь Зоанд байна.

Элч нар нь Ханест хүрсэн.

Тэр ард түмэн өчүүхэн ч тус болохгүй, ашиг өгөхгүй.

Ичгүүр, шившиг л болгоно».

6 Өмнө зүгийн араатнуудыг шүүх тухай мэдээ.

Гэсэн ч эдгээр нь ард түмэнд* огтхон ч ашиг болохгүй.

 7 Египетийн тусламж ямар ч ашиггүй.

Тийм болохоор би түүнийг «Зүгээр сууж буй Рахаб» гэсэн.

Алсдаа хэрэг болно.

Мөнхийн гэрч болно.

10 Тэд үзмэрчдэд “Битгий үзэгдэл үз” гэдэг.

Зөнчдөд хэлэхдээ: “Үзэгдлийн талаар бидэнд үнэнийг битгий ярь.

Харин сонсоход таатай, худал үзэгдэл үз.

11 Замаасаа гарч, жимээсээ хазай.

Израйлын Ариун Нэгний талаар бидэнд бүү ярь” гэдэг».

12 Тэгэхэд нь Израйлын Ариун Нэгэн ийн айлдав.

Энэ нь гэв гэнэт, агшин зуур нурж унана.

Зуухны галыг хутгах хэлтэрхий ч үлдэхгүй.

Шалбаагны* усыг утгах хагархай ч үлдэхгүй».

15 Хэмжээгүй эрхт Эзэн Ехова, Израйлын Ариун Нэгэн:

«Над руу эргэж ирээд амарвал та нар аврагдана.

Тайван байж надад найдвал та нар хүчтэй байна» хэмээн айлдаж байна.

Гэвч та нар хүсээгүй.

16 Харин «Бид морь унаад зугтана!» гэж хэлсэн.

Та нар зугтах нь зугтана.

Бас «Хурдан морь унана!» гэж хэлсэн.

Та нарыг мөшгөгчид ч хурдан байх болно.

17 Ганцхан хүн сүрдүүлэхэд мянган хүн айж чичирнэ.

Таван хүн сүрдүүлэхэд та нар зугтана.

18 Ехова та нарыг өршөөн нигүүлсэх гээд тэвчээртэй хүлээж байна.

Та нарыг энэрэхийн тулд арга хэмжээ авна.

Учир нь Ехова бол шударга ёсны Бурхан.

Түүнийг хүсэн хүлээгч бүхэн жаргалтай.

19 Хүмүүсийг Сионд, Иерусалимд амьдрахад чи уйлахгүй. Тусламж гуйн хашхирахад чинь тэр чамайг энэрэх нь гарцаагүй. Сонссон даруйдаа хариулна. 20 Ехова чамд зовлонгийн талх, дарлалын усыг өгөх боловч Агуу Багш чинь нуугдахаа болино. Чи Агуу Багшаа нүдээрээ үзнэ. 21 Чамайг баруун юм уу зүүн тийшээ хазайхад «Зөв зам энэ байна. Үүгээр алх» гэх дуу ард чинь сонсогдоно.

22 Чи мөнгөөр бүрсэн сийлмэл хөргүүдээ, алтаар бүрсэн цутгамал шүтээнүүдээ бузарлана. Чи тэдгээрийг сарын тэмдгийн үед хэрэглэсэн даавуу шиг хаяж, «Зайл!» гэж хэлнэ*. 23 Тэрбээр газарт суулгасан үрийг чинь услах бороог оруулна. Газраас элбэг дэлбэг ургац гарч шим тэжээлтэй хүнс болно. Тэр өдөр мал сүрэг чинь уудам бэлчээрт идээшилнэ. 24 Газар дээр ажиллуулдаг шар, илжигнүүд чинь хүрз, тармуураар шигшин хурган чихээр амталсан тэжээл иднэ. 25 Их аллагын өдөр цамхгууд нурахад сүрлэг уул, өндөр толгод бүр дээр гол горхи урсана. 26 Ехова ард түмнийхээ шархыг* боож, өөрийнхөө учруулсан гэмтлийг эмчлэхэд тэргэл сар нар шиг гэрэлтэж, нарны гэрэл долоон өдрийн гэрэл шиг долоо дахин хурцаар гийнэ.

27 Ехова* холоос ирж байна.

Өтгөн үүлэн дунд уурандаа шатаж байна.

Уруул нь уур хилэнгээр дүүрэн.

Хэл нь түймэрдэх гал мэт ажээ.

28 Түүний агуу хүч* бол хүзүүгээр татан үерлэх ширүүн урсгал адил.

31 Еховагийн дуу хоолойноос болж Ассири айдаст автана.

Тэрбээр түүнийг саваагаар цохино.

33 Түүнд зориулан Тофетыг* хэдийнээ бэлджээ.

Бас хаанд нь зориулан бэлджээ.

Бурхан том, гүнзгий нүхэнд их мод овоолов.

Асар их мод, гал бэлдэв.

 3 Египетчүүд бол Бурхан биш, жирийн л хүмүүс юм.

Тэдний морьд бол үл үзэгдэх хүч биш, махбод юм.

Тусламж авдаг нь ч унана.

Тэд бүгд нэгэн зэрэг мөхнө.

 4 Ехова надад ийн айлдав.

Тэрбээр олз руугаа архирах хүчит залуу арслан мэт байх болно.

 5 Тэнгэрийн цэргийн жанжин Ехова Иерусалимыг хамгаалах нь шунган нисэх шувууд адил байх юм.

Тэрбээр түүнийг хамгаалж, аварна.

Тэрбээр түүнийг энэрч, аварна».

6 «Израйлчууд аа, та нар түүнд маш ихээр тэрсэлсэн билээ. Харин одоо түүн рүү буцаж очигтун. 7 Тэр өдөр хүн бүр ямар ч хэрэгцээгүй мөнгөн бурхдаа, ямар ч үнэ цэнгүй алтан бурхдаа хаяна. Та нар тэдгээрийг өөрсдийн гараар бүтээн нүгэл үйлдсэн.

 9 Тэдний хад ихэд айсандаа алга болно.

 3 Хараатай хүмүүс тод харна.

Сонсголтой хүмүүс анхаарлаа хандуулна.

 4 Хөнгөн хуумгай хүмүүс тунгаан бодож сурна.

Ээрүү хүмүүс түгдрэхгүй, ойлгомжтой ярина.

 5 Мунхаг хүнийг хойшид өгөөмөр гэхгүй.

Ёс журамгүй хүнийг хойшид хүндэт гэж дуудахгүй.

Тэрс явдлыг өдөөж, Еховагийн тухай гажууд зүйлийг ярина.

 7 Ёс журамгүй хүн муу арга сэддэг.

Гутамшигт явдлыг хөөрөгддөг.

 8 Харин өгөөмөр* хүн өгөх дуртай.

Тэр зангаа ер тавьдаггүй.

 9 «Хайхрамжгүй бүсгүйчүүд ээ, босоод дуу хоолойг минь сонс!

Хэнэггүй охид оо, хэлэх үгийг минь анхаар!

10 Хэнэггүй та нар жил гаруйхны дотор айж чичирнэ.

Ургац хураалт дуусахад та нар нэг ч усан үзэмгүй хоцорно.

11 Хайхрамжгүй бүсгүйчүүд ээ, чичир.

Хэнэггүй та нар дагж.

Хувцсаа тайлж нүцгэл.

Ташаагаараа таар ороо.

13 Миний ард түмний нутаг өргөст бутанд хучигдана.

15 Бурхан бидэн дээр агуу хүчээ асгатал энэ бүхэн үргэлжилнэ.

33 Хэн ч чам руу дайраагүй байхад дайран довтолдог чи золгүй еэ!

Хэн ч чамаас урваагүй байхад итгэл эвддэг чи золгүй еэ!

Дайрахаа болиход чинь хүмүүс чам руу дайрна.

Итгэл эвдэхээ болиход чинь хүмүүс чамаас урвана.

 2 Ехова минь ээ, биднийг өрөвдөөч.

Бид танд найддаг.

Өглөө бүр бидний хүч чадал* болооч.

Зовох цагт биднийг авраач.

 3 Чанга дуу чимээнээр ард түмнүүд зугтдаг.

Таныг босоход үндэстнүүд тарж бутардаг.

 4 Ховдог царцаа цуглардаг шиг та нарын олз цугларна.

Хүмүүс тэр олз руу сүрэг царцаа мэт дайрна.

 5 Ехова өргөмжлөгдөнө.

 6 Тэрбээр та нарыг тогтвортой болгодог.

 8 Их замууд эзгүйрчээ.

Замаар явдаг хүн нэг ч үгүй.

Мөнх бус хүнийг үл тоомсорлодог.

 9 Тэр нутаг гашуудан* хатав.

Ливан ичиж гандав.

10 Ехова ийн айлдаж байна. «Би одоо босно.

Би одоо өөрийгөө өргөмжилнө.

Би одоо өөрийгөө алдаршуулна.

11 Та нар хатсан өвсөөр жирэмсэлж, сүрэл төрүүлдэг.

Бодол санаа чинь та нарыг гал адил залгина.

12 Ард түмнүүд шатсан шохой шиг болно.

Цавчсан өргөст бут шиг шатна.

13 Алс хязгаарт амьдран суугчид аа, юу хийх гэж байгаагаа хэлэхийг минь сонс!

Ойр хавьд оршин суугчид аа, миний хүч чадлыг хүлээн зөвшөөр!

14 Сион дахь нүгэлтнүүд айж байна.

Тэрслэгчид айдаст автжээ.

Тэд: “Түймэрдэгч галын дэргэд хэн маань амьд байх билээ?

Унтаршгүй дөлийн дунд хэн маань амьд үлдэх билээ?” гэдэг.

Хадан бэхлэлтэд аюулгүй хоргодно.

Талхаар үргэлж хангагдана.

Усаар хэзээ ч тасрахгүй».

17 Миний ард түмэн та нар сүр жавхлант хааныг харна.

Алс холын нутгийг үзнэ.

Алба гувчуурыг жинлэж байсан хүн хаана байна вэ?

Цамхгуудыг тоолж байсан хүн хаана байна вэ?» гэж хэлнэ.

20 Бидний баяр наадмын хот Сионыг хар!

22 Учир нь Ехова бол бидний Шүүгч.

Ехова бол бидний Хууль тогтоогч.

Ехова бол бидний Хаан.

Тэрбээр биднийг аварна.

Тэр үед асар их олз хуваана.

Доголон хүн ч их хувь хүртэнэ.

24 «Би өвчтэй байна» гэж нэг ч оршин суугч хэлэхгүй.

Тэр нутагт аж төрдөг хүмүүсийн нүгэл уучлагдана.

34 Үндэстнүүд та нар наашаа ойртоод сонс.

Ард түмнүүд та нар анхаарлаа хандуул.

 2 Ехова бүх үндэстэнд хилэгнэж байна.

Тэдний бүх цэрэгт уурлаж байна.

Тэрбээр тэднийг устгана.

Тэднийг хөнөөнө.

 3 Алагдагсдыг оршуулахгүй.

Цогцосноос нь өмхий үнэр ханхална.

Цусанд нь уулс будагдана.

 4 Тэнгэрийн бүх дайчид илжирнэ.

Тэнгэр хуйлмал ном мэт хуйлагдана.

 5 «Тэнгэрт миний илд цусанд дүрэгдэнэ.

 7 Зэрлэг бухууд тэдгээртэй хамт унана.

Тугалууд хүчит бухуудтай хамт унана.

 8 Учир нь Еховад өшөө авах өдөр гэж бий.

Тэрбээр Сионд тохиолдсон бузар явдлын төлөө өшөө авах жилийг товлосон.

 9 Түүний* гол горхи давирхай болон хувирна.

10 Гал нь өдөр ч, шөнө ч унтрахгүй.

Утаа нь үүрд мөнхөд олгойдно.

Үеийн үед эзгүй хоосон байна.

Хэн ч хэзээ ч түүгээр өнгөрөхгүй.

12 Ихэс дээдсийнх нь нэг нь ч хаан болохгүй.

Ноёд нь бүгд байхгүй болно.

14 Цөлийн амьтад, ульдаг араатнууд хамт амьдарна.

Янгир ямаа* ижлээ дуудна.

Эргүүбор* тэнд суурьшиж, амрах газраа олно.

15 Суман могой үүрээ засаж, өндөглөнө.

Өөрийнхөө сүүдэрт өндгөө дарж хамгаална.

Тэнд бас элээ хос хосоороо цуглана.

16 Еховагийн номоос хайж олоод чанга унш.

Тэдний нэг нь ч алга болохгүй.

Аль нь ч хань ижлээр дутахгүй.

Учир нь Ехова өөрөө үүнийг тушаасан юм.

Тэрбээр агуу хүчээрээ тэднийг цуглуулсан юм.

17 Тэрбээр тэдний төлөө шавга хаясан.

Тэдэнд өөрийн мутраар газар хэмжиж өгсөн.

Хүмүүс манай Бурхан Еховагийн суу алдар, сүр жавхланг үзнэ.

Та нарын Бурхан ирж өшөө авна.

Бурхан ирж шийтгэнэ.

Тэрбээр ирж та нарыг аварна» гэж хэл.

Бузар хүн түүгээр явахгүй.

Зохистой хүн л явна.

Тэр зам дээр нэг ч мунхаг хүн хөл тавихгүй.

Тэндээс олдох ч үгүй.

Олзноос буцаан авсан* хүмүүс л түүгээр явна.

10 Еховагийн аварсан хүмүүс баярлан хашхирсаар Сионд эргэж ирнэ.

Үүрдийн баяр баясгалан тэдний толгойн чимэг болно.

Тэд баярлан хөөрч, баясан цэнгэнэ.

Гашуудан санаа алдахаа болино.

36 Хезекиа хааны 14 дүгээр онд Ассирийн хаан Сеннахериб Иудагийн бэхлэгдсэн хотууд руу довтолж бүгдийг нь эзлэн авав. 2 Дараа нь тэрбээр Иерусалимд байгаа Хезекиа хаан руу ахлах сөнчөө* их цэргийн хамт Лахишаас илгээв. Тэд угаагчийн талбай руу явдаг төв замын хажууд байдаг дээд цөөрмийн усны шугамын дэргэд байрлалаа. 3 Тэгэхэд Хилкиагийн хүү ордны даамал Елиаким, бичээч Шебна, Асафын хүү хэрэг хөтлөгч Иоа нар түүн рүү очив.

4 Ахлах сөнч тэдэнд «Хезекиад ингэж уламжил. “Ассирийн агуу хаан айлдахдаа: «Чи яагаад ийм их итгэлтэй байна вэ? 5 “Надад дайны төлөвлөгөө, цэргийн хүч байна” гэдэг чинь хоосон үг. Чи хэнд найдан надад тэрсэлж зүрхэлнэ вэ? 6 Чи энэ хугархай зэгсэн таяг шиг Египетийг тусална гэж найдаж байна. Хүн ийм таягийг тулбал алгаа цоо хатгуулна. Египетийн хаан фараонд найддаг бүхэнд үүн шиг явдал тохиолддог. 7 Чи надад “Бид Ехова Бурхандаа найддаг” гэж хэлэх байх. Гэхдээ Хезекиа чи Иуда, Иерусалимын хүмүүст “Энэ тахилын ширээний өмнө л мөргө” гэж хэлээд тэр Бурхныхаа мөргөлийн өндөрлөгүүд, тахилын ширээнүүдийг нураачхаа биз дээ?» хэмээсэн” гэж хэл. 8 Тиймээс одоо Ассирийн хаан эзэнтэй минь ингэж мөрийц. Чаддаг юм бол морь унадаг 2 000 хүн олчих. Тэгвэл би чамд төчнөөн тооны морь өгье. 9 Чи Египетийн тэрэг, морьтнуудад найдахаас өөр аргагүй юм байж, манай эзний албатуудын дотроос хамгийн бага захирагчийг нь дийлнэ гэж үү? 10 Би Еховагийн зөвшөөрөлгүй дайран ирж энэ нутгийг устгана гэж санаа юу? Ехова өөрөө надад “Явж энэ нутаг руу дайрч, устга” гэж хэлсэн юм» гэлээ.

11 Тэгэхэд Елиаким, Шебна, Иоа нар ахлах сөнчид «Та зарц нартайгаа арамей* хэлээр ярина уу. Бид ойлгоно. Иудейчүүдийн хэлээр битгий яриач. Хэрмэн дээр байгаа хүмүүс сонсож байна шүү дээ» гэв. 12 Тэгтэл ахлах сөнч: «Манай эзэн энэ үгийг хэлүүлэхээр намайг зөвхөн танай эзэн, та хэд рүү явуулсан гэж санаа юу? Та нартай хамт баасаа идэж, шээсээ уух тавилантай, хэрмэн дээр сууж байгаа энэ хүмүүс рүү бас явуулаагүй гэж үү?» гэлээ.

13 Тэгээд ахлах сөнч босож зогсоод иудейчүүдийн хэлээр чанга дуугаар: «Ассирийн агуу хааны үгийг сонс. 14 Хаан ингэж айлдав. “Хезекиад битгий хуурт. Тэр та нарыг аварч чадахгүй. 15 «Ехова биднийг заавал аварна. Энэ хот Ассирийн хааны гарт орохгүй» гэж хэлэн та нарыг Еховад итгүүлэхийг оролдож байна. Ятгалгад нь битгий авт. 16 Хезекиаг битгий сонс. Харин Ассирийн хаан намайг сонс. «Надтай найрамдан, бууж өг. Тэгвэл хүн бүр чинь усан үзэм, инжрийн модныхоо жимсийг идэж, нөөцлүүрийнхээ уснаас ууна. 17 Дараа нь би очоод та нарыг өөрсдийн чинь нутаг шиг нутагт аваачна. Тэр нь үр тариа, шинэ дарс, талх, усан үзмийн тариалангийн нутаг юм. 18 “Ехова биднийг аварна” гэж хэлж байгаа Хезекиагийн үгэнд бүү хуурт. Үндэстнүүдийн бурхдын дунд Ассирийн хаан миний гараас газар нутгаа аварсан бурхан байна уу? 19 Хамат, Арпадын бурхад хаана байна вэ? Сефарваимын бурхад хаана байна вэ? Тэд миний гараас Самарийг аварсан уу? 20 Эдгээр нутгийн бурхдын хэн нь миний гараас газар нутгаа аварсан бэ? Тийм байхад Ехова Иерусалимыг миний гараас аварна гэж үү?»” гэж уламжиллаа» хэмээн хэлэв.

21 Гэвч тэд дуугүй байн юу ч хариулсангүй. Учир нь хаан: «Түүнд юу ч битгий хариулаарай» гэсэн ажээ. 22 Хилкиагийн хүү ордны даамал Елиаким, бичээч Шебна, Асафын хүү хэрэг хөтлөгч Иоа нар хувцсаа уран Хезекиа дээр очоод ахлах сөнчийн үгийг айлтгав.

37 Хезекиа хаан үүнийг сонсмогцоо хувцсаа урж таар нөмрөн Еховагийн өргөөнд оров. 2 Тэгээд ордны даамал Елиаким, бичээч Шебна, тахилчдын ахлагч нарт таар нөмөргөн Амозын хүү, зөнч Исаиа руу явууллаа. 3 Тэд Исаиад «Хезекиа ингэж хэлүүлж байна. “Энэ өдөр бол зовлон, зэмлэл*, гутамшгийн өдөр. Хүүхэд нь төрөх дөхсөн ч төрүүлэх чадалгүй эхтэй бид адил байна. 4 Амьд Бурхныг доромжлохоор Ассирийн хааны тушаалаар ирсэн ахлах сөнчийн* үгийг таны Бурхан Ехова сонсох биз ээ. Таны Бурхан Ехова тэр үгийг сонсоод түүнтэй тооцоо бодох нь лавтай. Тиймээс амьд үлдсэн хүмүүсийн төлөө залбирч өгөөч” гэсэн» гэлээ.

5 Хезекиа хааны албатуудыг ингэж хэлэхэд 6 Исаиа тэдэнд «Та нар эзэндээ ингэж хэл. “Ехова ийн айлдаж байна. «Ассирийн хааны албатууд намайг хэл амаар доромжилсноос болж бүү сүрд. Тэдний хэлсэн бүхнээс битгий ай. 7 Би түүнд нэг бодол төрүүлнэ. Тэрбээр нэгэн мэдээ сонсоод нутаг буцна. Би түүнийг нутагт нь илдээр хөнөөлгөнө»” гээрэй» гэж хэлэв.

8 Ассирийн хаан цэргээ татан Лахишаас явсан байлаа. Ахлах сөнч үүнийг сонсоод хаан эзэн рүүгээ буцжээ. Тэгээд Либнаг эзлэхээр тулалдаж байхад нь олж очив. 9 Тэгтэл «Етиопын Тирхака хаан дайтахаар ирж явна» гэсэн мэдээ Ассирийн хааны сонорт хүрчээ. Хаан уг мэдээг сонсоод Хезекиа руу элч нараа дахин илгээн 10 «Та нар Иудагийн хаан Хезекиад ингэж хэл. “Чиний итгэдэг Бурхан: «Иерусалим хот Ассирийн хааны гарт орохгүй» гэж хэлбэл бүү мэхлэгд. 11 Ассирийн хаад бүх газар нутгийг хэрхэн сүйрүүлснийг чи сонссон. Тийн атал чи ганцаараа аврагдана гэж үү? 12 Миний эцэг өвгөдийн устгасан үндэстнүүдийг бурхад нь аварсан уу? Гозан, Харан, Резефийн хүмүүс хаана байна вэ? Телассарт байсан Едений ард түмэн хаана байна вэ? 13 Хаматын хаан, Арпадын хаан, Сефарваим, Хена, Ивва хотуудын хаад хаана байна вэ?”» гэж хэлүүлэв.

14 Хезекиа элч нарын гараас захидлуудыг авч уншлаа. Тэгээд Еховагийн өргөө рүү явж, тэдгээрийг Еховагийн өмнө дэлгэж тавив. 15 Хезекиа Еховад ийнхүү залбирлаа. 16 «Тэнгэрийн цэргийн жанжин, Израйлын Бурхан, херубүүдийн дээр* залрагч Ехова минь ээ, дэлхийн бүх хаант улсын жинхэнэ Бурхан нь ганцхан та билээ. Та тэнгэр, газрыг бүтээсэн. 17 Чих тавин сонсооч, Ехова минь! Мэлмийгээ нээгээд хараач, Ехова минь! Амьд Бурхныг доромжлохоор Сеннахерибын хэлүүлсэн энэ бүх үгийг сонсооч. 18 Ехова минь ээ, Ассирийн хаад бүх газар нутгийг, өөрийнхийгөө хүртэл сүйрүүлсэн нь үнэн. 19 Тэд бурхдыг нь галд хаясан. Тэдгээр нь бурхад биш, хүний гарын бүтээл, мод чулуу учраас л устгагдсан. 20 Харин одоо Ехова Бурхан минь ээ, биднийг түүний гараас авраач. Тэгвэл Ехова минь, дэлхийн бүх хаант улс ганцхан таныг Бурхан гэдгийг мэдэх болно шүү дээ» гэв.

21 Дараа нь Амозын хүү Исаиа Хезекиад энэ мэдээг илгээв. «Израйлын Бурхан Ехова ийн айлдаж байна. “Ассирийн хаан Сеннахерибын талаар чи надад залбирсан учир 22 Ехова би түүнд юу айлдах гэж байгааг сонс.

«Чамайг Сионы онгон охин* жигшин, шоолж байна.

Чамайг Иерусалимын охин хараад толгой сэгсэрч байна.

23 Чи хэнийг шоолж, доромжилно вэ?

Израйлын Ариун Нэгний өөдөөс!

24 Чи Ехова намайг доромжлон албатуудаараа хэлүүлэхдээ:

Өндөр хуш моддыг нь тайрч, шилмэл арц моддыг нь огтолно.

Хамгийн өндөр оргилд нь гарч, хамгийн өтгөн ой руу нь орно.

25 Би худгууд ухаж ус ууна.

Египетийн голуудыг* хөлөөрөө гишгэчин ширгээнэ” гэсэн.

26 Чи сонсоогүй юм уу?

Юу гэвэл, чи бэхлэгдсэн хотуудыг нурангин овоо болгоно.

27 Тэндхийн оршин суугчид хүчин мөхөстөнө.

Айдаст автаж, ичгэвтэр байдалд орно.

Тэд талын ургамал, хээрийн өвс шиг болно.

Дорнын салхинд хатсан дээврийн өвс шиг болно.

29 Учир нь уурлан хилэгнэж, орилж бархирч байгаа чинь миний сонорт хүрсэн.

30 Чамд* хэлсэн зүйл үнэн гэдгийн баталгаа нь ийм байх юм. Та нар энэ жил өөрөө ургасан үр тариаг иднэ. Хойтон жил бас тэр газраас ургасан үр тариаг иднэ. Харин гурав дахь жилдээ та нар үр суулган, ургац хурааж авна. Усан үзэм тариалж, жимсийг нь иднэ. 31 Зугтаж амьд үлдсэн Иудагийн ард олон үндэс сайтай, үр жимс ихтэй ургамал мэт болно. 32 Учир нь үлдэж хоцорсон хүмүүс Иерусалимаас, амьд үлдэгсэд Сион уулаас явна. Тэнгэрийн цэргийн жанжин Ехова би үүнийг хичээл зүтгэлтэй гүйцэтгэнэ.

33 Тиймээс Ехова би Ассирийн хааны тухай ийнхүү айлдаж байна.

«Тэрбээр энэ хотод ирэхгүй.

Нум сумаар ч харвахгүй.

Бамбай барин дайрахгүй.

Бүслэлтийн далан ч босгохгүй»”.

34 “Тэрбээр ирсэн замаараа буцна.

Энэ хот руу орж ирэхгүй” гэж Ехова би тунхаглаж байна.

36 Еховагийн тэнгэрийн элч Ассирийн хуаранд очиж тэнд байсан 185 000 хүнийг хиар цохив. Хүмүүс өглөө босоод хартал тэд бүгд үхсэн байлаа. 37 Дараа нь Ассирийн хаан Сеннахериб буцан явж Ниневед очоод тэндээ үлдэв. 38 Нэгэн удаа Нисрох бурхныхаа сүмд мөргөл үйлдэж байхад нь Адраммелех, Шарезер гэдэг хоёр хүү нь түүнийг илдээр хөнөөгөөд Арарат нутаг руу зугтжээ. Хүү Есар-хаддон нь түүний оронд хаан болов.

38 Тэр үед Хезекиа хүнд өвдөж, амь нас нь үхлийн ирмэгт тулсан байлаа. Амозын хүү зөнч Исаиа түүн дээр ирж «Ехова ийн айлдаж байна. “Чи эдгэхгүй, үхэх тул гэрийнхэндээ захиасаа хэл”» гэж хэлэв. 2 Тэгэхэд Хезекиа хана руу харж, Еховад залбирлаа. 3 «Танаас гуйя, Ехова минь. Хамаг л зүрх сэтгэлээрээ танд үнэнч явж ирснийг минь, таны таалалд нийцүүлдэг байсныг минь санаач» гэснээ цурхиран уйлж гарав.

4 Тэгэхэд Ехова Исаиад хэлсэн нь: 5 «Буцаж очоод Хезекиад хэл. “Чиний өвөг эцэг Давидын Бурхан Ехова ийн айлдаж байна. «Би залбирлыг чинь сонслоо. Нулимсыг чинь харлаа. Амьдралыг чинь 15 жилээр уртасгаж, 6 чамайг болон энэ хотыг Ассирийн хааны гараас аваръя. Би энэ хотыг хамгаална. 7 Ехова би хэлсэн үгэндээ хүрнэ. Ехова би үүнийгээ баталж дараах тэмдгийг чамд үзүүлнэ. 8 Ахазын шатан* дээр туссан сүүдрийг би арван алхам ухраана»” гэлээ. Тэгтэл шатаар уруудаж байсан сүүдэр арван алхам ухарчээ.

9 Иудагийн хаан Хезекиа өвчин тусаад эдгэснийхээ дараа ийн бичжээ.

Миний амьдрал ингээд дуусдаг юм байжээ» гэж би хэлэв.

11 Би бас ингэж хэлсэн. «Би Яаг* харахгүй. Би амьд хүмүүсийн дунд байхгүй учир Яаг харахгүй.

Би хүмүүсийг дахин харахгүй.

Учир нь би үхэгсдийн дунд байх болно.

Нэхмэлчин хүн нэхсэн даавуугаа хуйлдаг шиг би амьдралаа хуйлав.

Бурхан амийг минь даавууны утас тасалдаг шиг таслав.

Үүрийн гэгээнээс үдшийн бүрий болтол та надад зовлон учруулж байна.

13 Би өглөө болтол өөрийгөө тайвшруулах гэж хичээдэг.

Тэрбээр хамаг ясыг минь арслан адил хугачдаг.

Үүрийн гэгээнээс үдшийн бүрий болтол та надад зовлон учруулж байна.

Өөдөө ширтсээр нүд минь чилжээ.

“Өө Ехова минь, би их зовж байна.

Надад туслаач!” гэсэн.

16 “Ехова минь ээ, таны ачаар хүмүүс амьд байдаг.

Таны ачаар би ч бас амьд байна.

Та намайг эдгээж, амьд байлгана.

17 Би амар заяа үзэхийн оронд гашуун зовлон амссан.

Та миний бүх нүглийг нурууныхаа ар луу чулуудсан*.

18 Таныг Булш* алдаршуулахгүй.

Үхэл магтахгүй.

Нүхэнд хэвтэгсэд таны үнэнч байдалд найдахгүй.

Эцэг нь хөвгүүддээ таны үнэнч байдлын тухай ярина.

20 Ехова минь, намайг авраач.

21 Исаиа: «Хатаасан инжрийн шахмал авчирч, хатгин дээр нь тавь. Тэгвэл эдгэнэ» гэв. 22 Хезекиа: «Би Еховагийн өргөө рүү явна гэсэн ямар тэмдэг байна вэ?» гэж асуусан ажээ.

39 Тэр үед Вавилоны хаан, Баладаны хүү Меродах-баладан Хезекиаг өвдөөд эдгэсэн гэж дуулаад захидал, бэлэг сэлт илгээв. 2 Хезекиа элч нарыг баяртайгаар угтаж, эрдэнэсийн өргөөгөө үзүүлжээ. Алт, мөнгөө, гүглийн болон бусад үнэт тосоо, зэвсгийн агуулахаа бүхэлд нь, эрдэнэсийн санд байгаа бүхнээ үзүүлсэн юм. Хезекиа орд өргөө, эзэмшилдээ байсан бүхнээ нэгийг нь ч үлдээлгүй үзүүлжээ.

3 Тэгтэл зөнч Исаиа Хезекиа хаанд бараалхаж «Энэ хүмүүс юу ярив? Хаанаас ирэв?» гэж асуув. Хезекиа: «Тэд алс холын Вавилоноос иржээ» гэж хариуллаа. 4 «Тэд таны ордонд юу үзэв?» гэж Исаиаг асуухад Хезекиа: «Ордонд маань байгаа бүхнийг үзсэн. Эрдэнэсийн сангаасаа үзүүлээгүй юм нэг ч байхгүй» гэж хариулав.

5 Исаиа Хезекиад хэлсэн нь: «Тэнгэрийн цэргийн жанжин Еховагийн үгийг сонсогтун. 6 “Ордонд чинь байгаа бүхэн, эцэг өвгөдийн чинь өнөөг хүртэл цуглуулсан бүхэн Вавилонд аваачигдах өдрүүд ирж байна. Юу ч үлдэхгүй” гэж Ехова айлдаж байна. 7 Бас “Үр удмын чинь заримыг Вавилонд аваачна. Тэд ордны түшмэд болно” гэж айлдаж байна» гэлээ.

8 Тэгэхэд Хезекиа Исаиад «Танаар Ехова зөв зүйтэй үг хэлүүлжээ» гээд «Яагаад гэвэл миний үед амар тайван, үймээн самуунгүй байх юм байна» гэжээ.

40 Бурхан чинь ийн айлдаж байна. «Миний ард түмнийг тайвшруул, тайвшруул.

Тэрбээр бүх нүглийнхээ шийтгэлийг Еховагаас бүрэн* хүртсэн» гэв.

 3 Зэлүүд газраас нэгэн дуу гарч ийн хашхирав.

Учир нь Ехова айлдсан юм».

 6 Сонс! Нэг хүн: «Зарлан тунхагла!» гэж хэлж байна.

Өөр нэг нь: «Юуг зарлан тунхаглах вэ?» гэж асуув.

«Бүх хүн ногоон зүлэг мэт.

Үнэнч хайр нь талын цэцэг мэт.

Үнэхээр ч хүмүүс бол ердөө л нэг өвс юм.

Харин манай Бурхны үг мөнхөд байдаг».

Хашхир, бүү ай.

Иудагийн хотуудад «Бурхан чинь та нартай хамт байна» гэж тунхагла.

Төллөсөн хоньдыг аядуухан хөтөлнө.

13 Еховагийн үйлдэх хүчийг хэн хэмжсэн* бэ?

Хэн түүнд зааж, зөвлөж чадах вэ?

14 Тэрбээр хэнтэй зөвлөлдөн ухаарлыг олсон бэ?

Тэрбээр арлуудыг нарийн тоос мэт өргөдөг.

16 Гал түлэхэд Ливаны ой ч хүрэлцэхгүй.

Шатаалт тахил болгоход тэндхийн амьтад ч хангалтгүй.

17 Түүний өмнө бүх үндэстэн огт байхгүйтэй адил.

Түүний хувьд тэд юу ч биш, хий хоосон зүйл мэт юм.

18 Та нар Бурхныг хэнтэй харьцуулах вэ?

Хэнийг түүнтэй адилтгах вэ?

21 Та нар мэдэхгүй юү?

Та нар сонсоогүй юү?

Эхнээс нь та нарт хэлээгүй юү?

Дэлхийн суурь тавигдсанаас хойш тодорхой болсон зүйлийг та нар ойлгоогүй юү?

22 Дэлхийн тойрог* дээр амьдардаг Нэгэн бий.

Дэлхийн оршин суугчид түүний хувьд царцаа мэт юм.

Хар салхи сүрэл мэт хаман оддог.

25 Ариун Нэгэн айлдахдаа: «Та нар намайг хэнтэй адилтгах вэ? Хэн надтай эн тэнцүү вэ?

26 Толгойгоо өргөн тэнгэр өөд хар.

Энэ бүхнийг хэн бүтээсэн бэ?

27 “Ехова миний амьдралыг анхаардаггүй.

28 Та нар мэдэхгүй юү? Та нар сонсоогүй юү?

Дэлхийн хязгаарыг бүтээгч Ехова бол мөнхийн Бурхан юм.

Тэрбээр эцэж туйлдана гэж үгүй.

Түүний ухаан хязгааргүй.

30 Хөвгүүд ядарч туйлддаг.

Залуус бүдэрч унадаг.

31 Харин Еховад найдагчид хүчээ сэлбэнэ.

Тэд бүргэдийн жигүүртэй мэт дүүлэн ниснэ.

Тэд гүйсэн ч ядрахгүй.

Алхсан ч цуцахгүй» гэдэг.

41 «Арлын оршин суугчид аа, дуугүй байж намайг сонс*.

Үндэстнүүд хүчээ сэлбэг.

Тэд ойртон ирээд яриг.

Бүгдээрээ шүүх дээр уулзъя.

 2 Хэн нар мандах зүгээс* нэгэн хүнийг дуудсан бэ?

Шударга ёсыг тогтоолгохоор хэн тэр хүнийг Түүний өмнө авчирсан* бэ?

 4 Энэ хэний үйлс вэ? Хэн үүнийг хийсэн бэ?

Хэн үе үеийнхнийг эхнээс нь дуудаж авчирсан бэ?

Ехова би юм. Би бол анхных.

Сүүлчийн хүмүүс гарч ирсэн ч би өөрчлөгдөхгүй».

 5 Арлууд хараад айв.

Алс хязгаар нутгууд чичрэв.

Ард түмнүүд цугларав.

Дараа нь түүнийгээ унагаахгүйн тулд хадаасаар бэхэлнэ.

 8 «Харин Израйл аа, чи бол миний зарц.

Би чамд хэлэхдээ: “Чи бол миний зарц.

Би чамайг сонгосон. Би чамайг голоогүй.

10 Бүү ай, би чамтай хамт байна.

Бүү санаа зов, би чиний Бурхан.

Би чамд хүч тэнхээ өгч, чамд тусална.

Зөв шударгыг үйлддэг* баруун мутраараа би чамаас чанга барина” гэсэн.

11 Чамд уурладаг хүмүүс шившиг болж, шалдаа бууна.

Чамтай тэмцдэг хүмүүс юу ч биш болж, мөхнө.

12 Чамтай арцалддаг хүмүүсийг чи хайгаад ч олохгүй.

Чамтай дайтдаг хүмүүс алга болж, юу ч биш болно.

13 Учир нь чиний Бурхан Ехова би баруун гараас чинь атгаж байна.

Чамд “Бүү ай. Би чамд тусална” гэж хэлж байна.

14 Өчүүхэн дорд* Иаков аа, бүү ай.

Израйлчууд аа, би та нарт тусална» гэж Израйлын Ариун Нэгэн, чиний Аврагч* Ехова тунхаглаж байна.

15 «Би чамайг үтрэмийн чарга болгосон.

Тариа цайруулах, хурц шүдтэй шинэ багаж болгосон.

Чи уулсыг талхалж бяцална.

Толгодыг хивэг мэт болгоно.

Шуурга тараан хаяна.

17 «Үгээгүйчүүд, ядуус ус эрэвч олохгүй.

Цангаснаас болж хэл нь хатна.

Ехова би тэдэнд хариулна.

Израйлын Бурхан би тэднийг орхихгүй.

21 «Хэргээ танилцуул» гэж Ехова хэлэв.

«Заргаа мэдүүл» гэж Иаковын Хаан өгүүлэв.

22 «Нотолгоо үзүүлж, юу болохыг бидэнд хэл.

Өмнө нь болсон явдлыг бидэнд ярь.

Тэгвэл бид тунгаан бодож, үр дагаврыг нь мэдэх юм.

Эсвэл удахгүй болох үйл явдлыг бидэнд тунхагла.

23 Ирээдүйд юу болохыг бидэнд хэл.

Тэгвэл бид та нарыг бурхад гэдгийг чинь мэднэ.

Сайн, муугийн аль нэгийг үйлд.

Тэгвэл бид хараад гайхан биширнэ.

24 Та нар бол юу ч биш.

Та нарт хийж бүтээсэн юм гэж байхгүй.

Та нарыг сонгодог хэн боловч жигшүүртэй.

25 Би хойд зүгээс нэгэн хүнийг дуудсан бөгөөд тэр ирнэ.

Тэрбээр наран ургах зүгээс* ирж миний нэрийг дуудна.

26 Биднийг мэдээсэй гэсэндээ хэн үүнийг эхнээс нь ярьсан бэ?

“Түүний зөв” гэж биднийг хэлээсэй гэсэндээ хэн үүнийг эртнээс тунхагласан бэ?

Хэн ч зарлаагүй!

Хэн ч тунхаглаагүй!

Хэн ч та нараас юу ч сонсоогүй!».

27 «Юу болох гэж байгааг хар» гэж би анх Сионд хэлсэн.

Би сайн мэдээ хүргэгчийг Иерусалим руу илгээнэ.

28 Би хараад л байлаа, хэн ч байсангүй.

Зөвлөгөө өгчих хэн ч тэдний дунд байсангүй.

Би асуугаад л байлаа, хэн ч хариулсангүй.

29 Тэд бүгд хий хоосон.

Тэдэнд хийж бүтээсэн юм гэж байхгүй.

Цутгамал хөргүүд нь салхи, хоосон зүйл юм.

Би түүнд агуу хүчээ өгсөн.

Тэрбээр үндэстнүүдийн дунд шударга ёсыг тогтооно*.

 2 Тэрбээр хашхирахгүй, чанга ярихгүй.

Гудамжинд ч дуугаа сонсгохгүй.

 3 Тэрбээр гэмтсэн зэгсийг хугалахгүй.

Бөхөж буй зулыг унтраахгүй.

Үнэнч байж, шударга ёсыг тогтооно.

 4 Дэлхий дээр шударга ёсыг тогтоотлоо эрчээ сулруулахгүй, бууж өгөхгүй.

Арлын оршин суугчид түүний хуулийг* найдан хүлээнэ.

 5 Жинхэнэ Бурхан Еховагийн үгийг сонс.

 6 «Ехова би шударга ёсыг тогтоолгохоор чамайг дуудсан.

Би чиний гараас атгасан.

 8 Би бол Ехова. Энэ бол миний нэр.

Би өөрийн суу алдрыг хэнд ч өгөхгүй*.

Хүртвэл зохих магтаалаа сийлмэл хөргүүдэд өгөхгүй.

 9 Эрт цагт зөгнөн хэлсэн маань биелсэн.

Одоо би шинийг тунхаглаж байна.

Болохоос нь урьтаж би та нарт хэлж байна».

10 Еховад зориулж шинэ дуу дуул.

Дэлхийн хязгаараас түүнийг магтан дуул.

Хадтай газрын хүмүүс баяртайгаар хашхираг.

Уулсын оройгоос хашхираг.

12 Еховад алдрыг өргөг.

Арлууд дээр түүнийг магтаг.

13 Ехова хүчит эр мэт дайтахаар явна.

Гал цогтой дайчин адил байна.

Дуугаа өндөрсгөн дайны уухай хадаана.

Дайснуудаасаа давуу хүчтэйгээ харуулна.

14 «Би удаан хугацаанд дуугүй байсан.

Дуугаа хураан, биеэ барьж байлаа.

Тэдний төлөө хийх зүйл минь энэ юм. Би тэднийг орхихгүй».

18 Дүлий хүмүүс ээ, сонсоцгоо!

Сохор хүмүүс ээ, харцгаа!

19 Миний зарцаас өөр хэн сохор вэ?

Миний илгээсэн элч шиг хэн дүлий вэ?

Шагнал хүртсэн хүн шиг хэн сохор вэ?

Еховагийн зарц шиг хэн сохор вэ?

20 Чи олон юм хардаг хэр нь юу ч ажигладаггүй.

Чихтэй хэр нь юу ч сонсдоггүй.

22 Гэвч энэ ард түмэн олзлогдож, хулгайлагдсан.

Бүгд нүхэнд хаягдаж, шоронд хоригдсон.

Тэднийг олзлоход хэн ч авраагүй.

Тэднийг хулгайлахад хэн ч: «Буцааж авчир!» гэж хэлээгүй.

23 Хэн чинь үүнийг сонсох вэ?

Ирээдүйн төлөө хэн үүнд анхаарлаа хандуулж, чих тавих вэ?

24 Иаковыг хэн олзлуулсан бэ?

Израйлыг хэн хулгайлуулсан бэ?

Ехова биш гэж үү? Бид түүний эсрэг нүгэл үйлдсэн.

Түүний замаар явахыг хүсээгүй.

Хуулийг нь сахихаас* татгалзсан.

25 Иймээс тэрбээр Израйлд хилэгнэн уурласан юм.

Аймшигт дайны хүнд хэцүүг үзүүлсэн юм.

Дайны гал эргэн тойронд нь асаж байсан ч Израйл анхаараагүй.

Галын дөлд хуйхлуулсан ч тэр тоогоогүй.

43 Иаков аа, чиний Бүтээгч айлдаж байна.

Израйл аа, чамайг бий болгосон Ехова өгүүлж байна.

«Бүү ай. Би чамайг буцаан худалдаж авсан.

Би чамайг нэрээр чинь дуудсан.

Чи минийх.

 2 Чамайг ус туулахад би хамт байна.

Гол гатлахдаа чи живэхгүй.

Гал дундуур явахдаа чи түлэгдэхгүй.

Дөлд нь чи хуйхлагдахгүй.

 4 Чи миний мэлмийд үнэ цэнтэй.

Би чамайг хүндэлж, хайрласан.

 5 Би чамтай хамт байгаа тул бүү ай.

 6 Би хойд зүгт “Тэднийг өг!” гэж хэлнэ.

Өмнө зүгт ингэж айлдана. “Тэднийг бүү саатуул!

Миний хөвгүүдийг холоос, миний охидыг дэлхийн хязгаараас авчир!

 7 Миний нэрээр овоглосон бүхнийг авчир.

Би тэднийг өөрийн алдрын төлөө бүтээсэн.

Би тэднийг бий болгосон юм”.

 9 Бүх үндэстэн нэг газар чуулаг.

Ард түмнүүд хамт цуглаг.

Тэдний* дундаас хэн үүнийг хэлж чадах вэ?

Эсвэл анхны зүйлсийг* бидэнд дуулгаж чадах уу?

Тэд өөрсдийнхөө зөвийг батлахын тулд гэрчүүдээ авчраг.

Бусад нь сонсоод, “Энэ үнэн байна!” гэж хэлэг».

10 Ехова ийн тунхаглаж байна. «Та нар бол миний гэрчүүд.

Надаас өмнө нэг ч Бурхан байгаагүй.

Миний дараа ч гарч ирээгүй.

11 Би, зөвхөн би Ехова. Надаас өөр аврагч байхгүй».

Тиймээс та нар бол миний гэрчүүд. Би бол Бурхан.

13 Би хэзээд хэвээрээ.

Хэн ч миний гараас юу ч булааж авч чадахгүй.

Ажиллаж эхлэхэд минь хэн саад болох вэ?».

14 Та нарын Аврагч*, Израйлын Ариун Нэгэн Ехова ийн айлдаж байна.

«Би та нарын төлөө Вавилон руу их цэрэг илгээж, хаалгануудынх нь бүх түгжээг эвдэнэ.

Халдейчууд хөлөг онгоцнууд дээрээ гашуудан уйлна.

15 Би бол Ехова, та нарын Ариун Нэгэн, Израйлын Бүтээгч, танай Хаан».

«Тэд унаад босохгүй.

Асаад дуусаж буй дэнлүү шиг унтарна» гэв.

18 «Урьдын явдлыг бүү сана.

Өнгөрснийг бүү бод.

19 Би шинэ юм хийж байна.

Аль хэдийн эхэлчхээд байна.

Та нар харахгүй байна уу?

21 Энэ ард түмнийг би өөртөө зориулан бий болгосон юм.

Өөрийнхөө үйлсийг магтуулахаар тэднийг бүрдүүлсэн юм.

22 Гэвч чи намайг дуудсангүй, Иаков аа.

Учир нь чи надаас залхжээ, Израйл аа.

23 Чи надад шатаалт тахилынхаа хонийг авчраагүй.

Өргөлөөрөө намайг алдаршуулаагүй.

Бэлэг авчир гэж би чамайг албадаагүй.

Гүгэл* асаахыг шаардаж би чамайг залхаагаагүй.

24 Чи надад мөнгөөрөө годил өвс* авч өгөөгүй.

Тахилынхаа өөхөөр намайг цатгаагүй.

25 Би өөрийнхөө төлөө гэмийг* чинь арилгана.

Нүглийг чинь би эргэж санахгүй.

26 Хэрэг заргаа хэлэлцье. Юу мартсаныг минь сануул.

Өөрийн зөвийг баталж учир шалтгаанаа хэл.

27 Элэнц өвөг чинь нүгэл үйлдсэн.

Төлөөлөгчид* чинь надад тэрсэлсэн.

28 Тиймээс би ариун газрын ноёдыг бузарт тооцно.

Иаковыг устгалд тушаана.

Израйлыг элэг доог болгоно.

 3 Би цангасан хүнийг* усаар ундаална.

Хуурай газар гол горхи урсгана.

Хүүхдүүдэд чинь агуу хүчээ өгнө.

Хойч үед чинь ивээлээ хайрлана.

 5 Нэг нь: «Би Еховагийнх» гэж хэлнэ.

Нөгөө нь өөрийгөө Иаковаар овоглоно.

Гурав дахь нь «Би Еховагийнх» гэж гар дээрээ бичнэ.

Тэгээд Израйлын нэрийг өөрийн болгоно”.

 6 Еховагийн үгийг сонс.

Израйлын Хаан, Аврагч*, тэнгэрийн цэргийн жанжин Ехова ийн айлдаж байна.

“Би анхных, би сүүлчийнх.

Надаас өөр Бурхан байхгүй.

 7 Надтай адил хэн байна вэ?

Байвал үүнийгээ зарлаг! Байгаа гэдгээ хэлж, надад батлаг!

 8 Зүрхшээх хэрэггүй.

Айж дагжих шаардлагагүй.

Би та бүгдэд үүнийг эртнээс хэлж тунхаглаагүй гэж үү?

Та нар бол миний гэрчүүд.

Надаас өөр Бурхан байна уу?

Үгүй, өөр Хад байхгүй. Би л лав мэдэхгүй”».

Тэдгээр* нь гэрч хэр нь юу ч хардаггүй, юу ч мэддэггүй.

Тэдгээрийг бүтээгчид нь шившиг болно.

11 Түүний хамтрагчид бүгд шившиг болно.

Уран дархчууд бол ердөө л хүмүүс шүү дээ.

Бүгдээрээ цуглан, байраа эзлэг л дээ.

Тэд айдаст автан, шившиг болно.

12 Төмрийн дархан багажаа бариад нүүрсэн дээр төмрөө халаадаг.

Дараа нь тэрбээр өлсөж ядардаг.

Уух усгүй тамирддаг.

13 Сийлбэрчин модон дээр шугам татаж, улаан шохойгоор зурдаг.

Модоо харуулдан гортигоор дугуйлдаг.

14 Хуш мод цавчдаг хүн байдаг.

Мөн лаврын мод тарихад бороо түүнийг нь ургуулдаг.

15 Ургасан тэр мод нь түлээ болдог.

Тэрбээр хэсгээс нь авч түлээд дулаацдаг.

Гал өрдөн талх жигнэдэг.

Бас бурхан бүтээж түүнийгээ шүтдэг.

Шүтээн сийлэн түүндээ мөргөдөг.

18 Тийм хүмүүс юу ч мэддэггүй, юу ч ойлгодоггүй.

Учир нь нүд нь боолттой учраас юу ч хардаггүй.

Тэдэнд* ойлгох чадвар байхгүй.

19 Юм боддог, мэдлэг боловсролтой, ойлгох чадвартай хүн:

Гэвч тийм хүн алга.

Өөрийгөө ч аварч чадахгүй.

«Баруун гарт минь худал хуурмаг байгаа юм биш биз?» гэж хэлдэг ч үгүй.

21 «Иаков аа, Израйл аа, эдгээрийг сана.

Чи бол миний зарц.

Би чамайг бүтээсэн. Чи миний зарц.

Израйл аа, би чамайг мартахгүй.

22 Би чиний гэмийг үүлээр хаах мэт арилгана.

Чиний нүглийг өтгөн үүлээр халхлах мэт зайлуулна.

Над руу буцаж ир. Би чамайг аварна*.

Газрын гүн ээ, ялалтын уухай хадаа!

Уул толгод оо, баяс!

Ой мод оо, баярлацгаа!

Ехова би Иаковыг аварсан*.

Израйлд сүр жавхлангаа үзүүлсэн».

«Би бол бүхнийг бүтээсэн Ехова.

Хэн надтай хамт байсан бэ?

28 Корешт* “Чи бол миний хоньчин.

45 Ехова би өөрийн сонгосон* Корешт ийн айлдав.

Чи намайг мэдэхгүй ч би суу алдрыг чинь дуурьсгаж байна.

 5 Би бол Ехова, өөр байхгүй.

Надаас өөр Бурхан байхгүй.

Чи намайг мэдэхгүй ч би чамайг хүчирхэг болгоно.

Би бол Ехова, өөр байхгүй.

 7 Би гэрлийг бий болгож, харанхуйг бүтээдэг.

Энх тайвныг тогтоож, гай зовлон учруулдаг.

Би бол энэ бүхнийг хийдэг Ехова юм.

 8 Тэнгэр ээ, зөв шударгыг бороо мэт оруул.

Үүлтэй тэнгэрээс зөв шударга байдал хур мэт бууг.

Газар нээгдэж авралыг жимс мэт ургуулаг.

Үүнтэй зэрэгцэн зөв шударга байдал соёолог.

Ехова би үүнийг бүтээсэн юм».

Шавар нь ваарчнаасаа «Та юу хийгээд байна вэ?» гэж асуух уу?

Эсвэл гарын бүтээл чинь: «Та юу ч хийж чадахгүй*» гэж хэлэх үү?

11 Израйлын Ариун Нэгэн, түүнийг бүтээсэн Ехова ийн айлдаж байна.

«Ирээдүйд юу болохыг хэлсэнд минь чи эргэлзэх нь үү?

Хөвгүүдээ яахыг минь, мутрын бүтээлээ хэрхэхийг минь чи заах нь уу?

12 Би дэлхийг бүтээж, түүн дээрх хүнийг бий болгосон.

13 «Би зөв шударга учир нэгэн хүнийг бэлтгэсэн.

Би түүний замыг тэгшилнэ.

14 Ехова ийн айлдаж байна.

Тэд гинжтэйгээ чиний араас явна.

Тэд чам дээр ирж, чамд сөгдөнө.

Тэгээд “Бурхан үнэхээр тантай хамт байдаг юм байна.

Өөр байхгүй юм байна. Өөр Бурхан байхгүй юм байна” гэж сүсэглэн хэлнэ».

16 Тэд бүгд ичгэвтэр байдалд орж, доромжлогдоно.

Шүтээн бүтээгчид бүгдээрээ гутамшигтайгаар явна.

17 Харин Израйлыг Ехова нэгмөсөн аварна.

Чи хэзээ ч ичгэвтэр байдалд орохгүй, мөнхөд гутамшиг болохгүй.

«Би бол Ехова, өөр байхгүй.

19 Би нууц газар, харанхуйн орноос яриагүй.

Би бол зөв шударгыг ярьдаг, шулуун шударгыг тунхагладаг Ехова юм.

21 Заргаа мэдүүл, хэргээ танилцуул.

Хоорондоо зөвлөлд.

Ехова би биш гэж үү?

Надаас өөр Бурхан байхгүй.

Би бол зөв шударга Бурхан, Аврагч. Надаас өөр байхгүй.

22 Дэлхийн бүх хязгаар аа, над руу эргэж ирээд аврагд.

Учир нь би бол Бурхан, өөр байхгүй.

23 Би өөрөөрөө тангарагласан.

Амнаас минь гарсан үг үнэн.

Би үгээ буцаахгүй.

24 Тэгээд ингэж хэлнэ. “Ехова л үнэхээр зөв шударга, хүч чадалтай.

Түүнд уурлаж байсан бүхэн шившигтэйгээр өмнө нь очно.

46 Бел бөхийж, Небо тонгойжээ.

Тэдний хөргүүдийг ачлагын мал дээр ачжээ.

Ядарсан малын нуруун дээр хүнд ачаа болсон байна.

 2 Тэд хамтдаа бөхийж, тонгойжээ.

 4 Та нар хөгширсөн ч би хэвээрээ байна.

Үс чинь бууралтсан ч би та нарыг үүрсээр байна.

Би та нарыг урьдын адил тээж, үүрч, аварна.

 6 Түрийвчин дэх алтаа хайрлалгүй гаргадаг хүмүүс бий.

Байрнаасаа хөдөлдөггүй.

Тэд түүн рүү хашхирсан ч хариулдаггүй.

Хэнийг ч зовлонгоос нь аварч чадахгүй.

Би бол Бурхан, над шиг нэгэн байхгүй.

10 Эцэстээ юу болохыг би эхнээс нь хэлдэг.

Хараахан болоогүй зүйлийг эртнээс мэдүүлдэг.

“Би шийдвэрээ* хэрэгжүүлнэ.

Хүссэн бүхнээ биелүүлнэ” гэж би хэлдэг.

11 Нар мандах зүгээс* би махчин шувууг дуудаж байна.

Шийдвэрийг* минь гүйцэтгэх хүнийг алс нутгаас авчирч байна.

Би хэлсэн л бол хийнэ.

Зорьсон л бол биелүүлнэ.

Аврах цагаа би хойшлуулахгүй.

Би Сионыг аварч, сүр алдраа Израйлд өгнө».

Халдейчуудын хот* оо, газар суу.

Одоо сэнтий байхгүй болсон.

Хүмүүс чамайг энхрий ялдам гэж дахин хэзээ ч дуудахгүй.

 2 Гар тээрмээр тариа тээрэмд.

Гивлүүрээ авч хая.

 3 Нүцгэн бие чинь ил гарна.

Бузар булайг чинь бүгд харна.

Би өшөө авна. Хэн ч надад саад хийхгүй*.

Түүний нэр бол тэнгэрийн цэргийн жанжин Ехова».

Чамайг хаант улсуудын Эзэгтэй* гэхээ болино.

Гэвч чи тэдэнд өршөөл үзүүлээгүй.

Ахмад буурлуудад хүртэл хүнд буулга тохсон.

Эцэст нь юу болохыг ч бодоогүй.

 8 Зугаа цэнгэлд дурлагч аа, чи одоо сонс.

Айх аюулгүй суудаг чи:

«Над шиг нэгэн байхгүй. Надаас өөр хэн ч байхгүй.

Би бэлэвсрэхгүй.

Хүүхдээ алдахын зовлонг хэзээ ч үзэхгүй» гэж боддог.

 9 Гэвч аль алийг нь чи нэг л өдөр гэнэт үзнэ.

Хүүхдээ ч алдана, бас бэлэвсэрнэ.

Мэргэн ухаан, мэдлэгээсээ болж чи төөрсөн.

«Над шиг нэгэн байхгүй. Надаас өөр хэн ч байхгүй» гэж чи боддог.

11 Чам дээр гамшиг бууна.

Чиний ямар ч шившлэг зогсоож чадахгүй*.

Чамайг гай дайрна. Чи бултаж чадахгүй.

Чиний мэдэхгүй сүйрэл чам дээр гэнэт бууна.

12 Ид шидээ үйлдэж, тарниа унш л даа.

Чи эдгээрийн араас залуугаасаа л уйгагүй хөөцөлдсөн шүү дээ.

Чамд тус болох ч юм билүү?

Дайснууд чинь айх ч юм билүү?

13 Чи тоймгүй олон зөвлөгчөөсөө болж туйлджээ.

Тэд галын дөлнөөс өөрсдийгөө аварч чадахгүй.

Тэр нь нүүрс биш учраас дулаацуулахгүй.

Дэргэд нь суудаг гал ч биш.

Тэд тус тусынхаа замаар тэнүүчлэн явна.

Чамайг аврах хэн ч байхгүй.

 2 Та нар өөрсдийгөө ариун хотынх гэдэг.

 3 «Болж өнгөрсөн юмыг би аль эрт хэлсэн.

Би өөрөө хэлж, өөрөө зарласан.

Та нарыг “Миний шүтээн ингэсэн юм.

 7 Эдгээр нь эрт цагт биш, яг одоо болж* байна.

Та нар урьд нь хэзээ ч сонсож байгаагүй.

Тийм болохоор та нар: “Бид угаасаа мэднэ” гэж хэлэх аргагүй.

 8 Та нар сонсож байгаа ч үгүй, мэдэх ч үгүй.

Та нарын чих аль эртнээс бөглөөтэй байсан.

Та нарын зальхайг би мэднэ.

Та нар төрсөн цагаасаа л нүгэлтэн гэгдсэн.

 9 Гэвч нэрийнхээ төлөө би та нарт уураа гаргахгүй.

Алдаршихын тулд би биеэ барина.

Би та нарыг устгахгүй.

10 Би та нарыг мөнгө шиг биш ч, цэвэршүүлсэн.

Зовлонгийн зууханд хайлуулж шалгасан*.

11 Би өөрийнхөө төлөө, өөрийнхөө төлөө үйлдэнэ.

Намайг гутаахыг би хэрхэн тэвчих билээ?

Би өөрийн суу алдрыг хэнд ч өгөхгүй*.

12 Иаков аа, миний сонгосон Израйл аа, намайг сонс.

Би хэвээрээ. Би анхных, бас сүүлчийнх.

13 Би мутраараа дэлхийн суурийг тавьсан.

Баруун мутраараа тэнгэрийг дэлгэсэн.

Би тэднийг дуудахад тэд хамтдаа өмнө минь зогсдог.

14 Та нар бүгдээрээ цугларч, сонсоцгоо.

Бурхдын дундаас хэн нь эдгээрийг зарлан тунхагласан бэ?

Ехова би түүнийг* хайрласан.

Тэрбээр Вавилонд юу хүссэнээ хийнэ.

Хүчирхэг гараараа халдейчуудыг цохино.

15 Би өөрөө айлдсан юм.

Би түүнийг дуудаж авчирсан. Түүний үйлс бүтнэ.

16 Над руу ойртоод сонс.

Анхнаасаа би нууцаар яриагүй.

Энэ явдал болох үед би тэнд байсан».

Хэмжээгүй эрхт Эзэн Ехова, намайг болон агуу хүчээ илгээлээ.

17 Чиний Аврагч*, Израйлын Ариун Нэгэн Ехова ийн айлдаж байна.

«Ехова би бол чиний Бурхан.

18 Чи миний тушаалуудыг анхаардаг ч болоосой!

Тэдний нэр хэзээ ч балрахгүй, алга болохгүй*».

20 Вавилоноос гар!

Халдейчуудаас зугт!

Баяртайгаар зарла! Тунхагла!

Дэлхий даяар зарлан мэдэгд!

Ингэж хэл. «Ехова зарц Иаковаа аварлаа*.

21 Тэрбээр цөлд Бурхнаар удирдуулан явахдаа цангаж байгаагүй.

Бурхан түүнд хаднаас ус гаргаж өгсөн.

Хадыг хуваахад ус олгойдон гарсан юм».

22 «Муу хүмүүс амар заяа үзэхгүй» гэж Ехова айлдаж байна.

49 Арлын оршин суугчид аа, намайг сонсоцгоо.

Алс холын үндэстнүүд ээ, анхаарлаа хандуулцгаа.

Төрөхөөс минь өмнө Ехова намайг дуудсан юм.

Эхийн хэвлийд байхаас минь миний нэрийг дурдсан юм.

 3 Тэрбээр надад «Израйл аа, чи бол миний зарц.

Би чамаар дамжуулан сүр жавхлангаа үзүүлнэ» гэж хэлэв.

 4 Харин би: «Би юу ч биш юмны төлөө зүтгэсэн.

Хоосон юмны төлөө хүчээ дэмий барсан.

Гэвч миний шүүгч бол Ехова*.

Бурхан надад хөлс* өгдөг» гэж хэлсэн.

Би Еховагийн өмнө алдаршина.

Миний Бурхан хүч чадал минь болно.

7 Хүмүүст гологдож, энэ үндэстэнд жигшигдсэн бөгөөд захирагчдын зарц болсон нэгэнд Израйлын Аврагч*, түүний Ариун Бурхан Ехова ийн айлдав.

 8 Ехова ийн айлдав.

«Тааламжтай цагт би чамд хариулсан.

Авралын өдөр би чамд тусалсан.

Тэд зам дагуу идээшилнэ.

Жим* болгоны хажууд бэлчээр нь байна.

10 Тэд өлсөх ч үгүй, цангах ч үгүй.

Аагим халуунд ч халахгүй, хурц наранд ч цохиулахгүй.

11 Би бүх уулаа зам болгоно.

Их замуудаа өндөрсгөнө.

12 Хүмүүс хол газраас ирж байна.

13 Тэнгэр ээ, баярлан хашхир. Газар аа, баясан цэнгэ.

Уулс хөгжилдөж, баяртайгаар хашхираг.

Учир нь Ехова ард түмнээ тайвшруулсан юм.

Тэрбээр зовсон хүмүүсийг энэрдэг.

14 Гэвч Сион:

«Ехова намайг орхисон. Ехова намайг мартсан» гэж хэлээд л байсан.

15 Бүсгүй хүн нялх үрээ мартана гэж үү?

Эх хүн төрүүлсэн хүүхдээ өрөвдөхгүй гэж үү?

Тэд мартлаа ч, би чамайг хэзээ ч мартахгүй.

16 Чамайг би алган дээрээ сийлсэн.

Хотын чинь хэрмийг би нүд салгалгүй ширтдэг*.

17 Хөвгүүд чинь яаран буцаж ирнэ.

Чамайг нурааж, сүйрүүлсэн хүмүүс зайлна.

18 Толгойгоо өргөөд эргэн тойрноо хар даа.

Ехова ийн тунхаглаж байна. «Би өөрөөрөө тангараглая.

Чи тэднийг чимэг мэт зүүнэ.

Тэднээр өөрийгөө сүйт бүсгүй мэт гоёно.

Харин чамайг сүйтгэж байсан хүмүүс хол байх болно.

20 Хүүхдүүдээ алдсаны дараа төрсөн хөвгүүд чинь:

“Энд хэтэрхий давчуу юм.

Амьдрах зай гаргаж өгөөч” гэж хэлнэ.

21 Чи ингэж бодно.

“Би хүүхдүүдээ алдаж, үргүй болсон.

Олзлогдон явж, шоронд хоригдсон.

Тэгвэл энэ хүүхдүүдийн эцэг хэн бэ?

Хэн тэднийг өсгөв?

Би орь ганцаараа үлдсэн байсан шүү дээ.

Тэд хаанаас гараад ирэв?”».

22 Хэмжээгүй эрхт Эзэн Ехова ийн айлдаж байна.

«Би үндэстнүүдэд харагдахаар мутраа өргөнө.

Ард түмнүүдэд харагдахаар тугаа мандуулна.

Тэгээд чи намайг Ехова гэдгийг мэдэх болно.

Надад найдагчид шившиг болохгүй».

24 Олзлогдсон хүмүүсийг хүчирхэг дайчнаас салгаж болно гэж үү?

Олзны хүмүүсийг дарангуйлагчаас аварч болно гэж үү?

25 Ехова ийн айлдаж байна.

«Олзлогдсон хүмүүсийг хүчирхэг дайчнаас ч салгана.

Олзны хүмүүсийг дарангуйлагчаас ч аварна.

Чамайг эсэргүүцдэг хүмүүсийг би эсэргүүцнэ.

Хөвгүүдийг чинь би аварна.

26 Чамтай зүй бусаар харьцагчдад би махыг нь идүүлнэ.

Тэд амтат дарсанд согтдог шигээ цусандаа согтоно.

50 Ехова ийн айлдаж байна.

«Би эхийг чинь явуулахдаа салалтын гэрчилгээ өгсөн гэж үү?

Би зээлдүүлэгчдийнхээ хэнд нь чамайг худалдсан юм бэ?

Та нар өөрсдийнхөө нүглээс болж худалдагдсан.

Та нарын нүглээс болж эх чинь хөөгдсөн шүү дээ.

 2 Намайг ирэхэд яагаад хэн ч байгаагүй вэ?

Намайг дуудахад яагаад хэн ч хариулаагүй вэ?

Миний мутар зольж авч чадахааргүй богино юм уу?

Эсвэл аврах хүч надад байхгүй юм уу?

Тэрбээр өглөө бүр намайг сэрээдэг.

Шавь мэт сонсоосой гэсэндээ намайг* сэрээдэг.

Нүүрээ ч буруулаагүй.

 6 Намайг цохих гэсэн хүмүүст би нуруугаа өгөв.

Сахлыг минь зулгаах гэсэн хүмүүст би хацраа өгөв.

Би доромжлуулж, нулимуулахаас айгаагүй, нүүрээ нуугаагүй.

Би нүүрээ цахиур мэт болгов.

Би шившиг болохгүйгээ мэднэ.

 8 Намайг зөв шударга хэмээн тунхагладаг Нэгэн ойрхон байна.

Хэн намайг буруутгах* вэ?

Тэгвэл шүүх дээр очъё*.

Хэн надтай заргалдах вэ?

Тэгвэл наашаа хүрээд ир.

 9 Хэмжээгүй эрхт Эзэн Ехова надад тусална.

Хэн намайг буруутай гэж тунхаглах вэ?

Хэн ямар ч гэрэлгүй, түнэр харанхуйд явсан бэ?

Тэр нь Еховагийн нэрд найдаж, Бурхнаасаа тусламж эрэг.

Та нар миний мутраас дараах зүйлийг авна.

Та нар зовж тарчлан хэвтэнэ.

 4 Ард түмэн минь ээ, анхаарлаа над руу хандуул.

Үндэстэн минь ээ, чих тавин сонс.

 5 Би удахгүй зөв шударгыг үйлдэнэ.

Би та нарыг аврах гэж байна.

Би мутраараа ард түмнүүдийг шүүнэ.

 6 Дээшээ тэнгэр өөд хар.

Доошоо газар луу хар.

Тэнгэр нь утаа мэт замхарна.

Газар нь хувцас мэт элэгдэнэ.

Оршин суугчид нь дэлэнч мэт үхнэ.

Харин би бүрмөсөн аварна.

Зөв шударга байдал минь хэзээ ч дуусахгүй.

Мөнх бус хүмүүст дооглуулахаас бүү ай.

Доромжлоход нь бүү зүрх алд.

Харин миний зөв шударга байдал мөнхөд цэцэглэнэ.

Би бүх үеийнхнийг аварна».

 9 Еховагийн мутар аа, сэрээч, сэрээч!

Хүч чадлаа үзүүлээч.

Эрт цагт, өмнөх үеийнхний үед сэрсэн шигээ сэрээч.

11 Еховагийн аварсан хүмүүс эргэж ирнэ.

Тэд баярлан хашхирсаар Сионд ирнэ.

Үүрдийн баяр баясгалан тэдний титэм болно.

Тэд баярлан хөөрч, баясан цэнгэнэ.

Гашуудан санаа алдахаа болино.

12 «Би өөрөө та нарыг тайвшруулдаг.

Одоо тэд* хаана байна вэ?

14 Гинжлэгдээд бөхийсөн хүн удахгүй суллагдана.

Тэрбээр үхэхгүй, булшлагдахгүй.

Талхаар ч гачигдахгүй.

15 Би бол чиний Бурхан Ехова юм.

Би далайг хутгаж, давлагааг нь оволзуулдаг.

Миний нэр бол тэнгэрийн цэргийн жанжин Ехова.

17 Сэрээч! Сэрээч!

Еховагийн мутар дахь уур хилэнгийн аяганаас авч уусан Иерусалим аа, босооч!

Чи тэр хундагатайгаас уусан.

Ёроолыг нь гартал уугаад чи гуйвсан.

18 Төрүүлсэн хөвгүүдээс нь түүнийг дагуулах хэн ч байхгүй.

Өсгөсөн хөвгүүдийнх нь дунд түүний гараас хөтлөх хэн ч байхгүй.

19 Дараах хоёр гамшиг чамд тохиолдсон.

Сүйрэл ба хоосрол, өлсгөлөн ба илд!

Хэн чамайг өрөвдөх вэ?

Хэн чамайг тайвшруулах вэ?

20 Хөвгүүд чинь ухаан алдсан.

Ехова тэдэнд ихэд хилэгнэж, Бурхан чинь тэднийг шийтгэсэн».

22 Ард түмнээ хамгаалдаг Бурхан чинь, Эзэн Ехова чинь ийн айлдаж байна.

«Гуйвуулдаг юмтай аягыг би гараас чинь авна.

52 Сэрээч, сэрээч Сион оо! Хүч чадлыг хувцас мэт өмс.

Ариун хот Иерусалим аа, гоё хувцсаа өмс.

Учир нь хөвч таслуулаагүй эсвэл бузар хүн чам руу дахин орохгүй.

 2 Иерусалим аа, босоод тоосоо гөвж, суудалдаа суу.

Олзлогдсон охин Сион оо, хүзүүн дэх дөнгөө мултал.

 3 Ехова ийн айлдаж байна.

«Та нарыг үнэгүй худалдсан.

Буцаагаад үнэгүй худалдаж авна».

 4 Хэмжээгүй эрхт Эзэн Ехова:

«Анх миний ард түмэн цагаачилж амьдрахаар Египет рүү явсан.

Дараа нь ассиричууд тэднийг шалтгаангүйгээр дарласан» хэмээн айлдаж байна.

 5 «Тэгвэл одоо би яах вэ?» гэж Ехова тунхаглаж байна.

Ехова ийн тунхаглаж байна. «Миний ард түмэн үнэгүй худалдагдсан.

Тэднийг захирдаг хүмүүс ялалтын уухай хадааж байна».

«Тэд миний нэрийг өдөр бүр гутаан доромжилдог.

 6 Тиймээс миний ард түмэн нэрийг минь мэдэх болно.

Тэр өдөр намайг ярьж байгаа гэдгийг мэдэх болно.

Тийм ээ, би ярьж байна!».

Учир нь Ехова Сионы оршин суугчдыг дахин цуглуулахыг тэд тодорхой харна.

 9 Иерусалимын балгас аа, хамтдаа баярлан хөөрч, баясан хашхир.

Учир нь Ехова ард түмнээ тайвшруулж, Иерусалимыг дахин худалдаж авсан.

10 Ехова бүх үндэстний өмнө ханцуйгаа шамлан ариун мутраа гаргав.

Бурхан ард түмнээ хэрхэн аврахыг* дэлхий даяараа харна.

11 Явцгаа, явцгаа. Тэндээс гарцгаа. Ямар ч бузар юманд бүү хүр!

12 Та нар явахдаа сандрахгүй.

Зугтах ч хэрэггүй.

Учир нь Ехова та нарын урд явна.

Израйлын Бурхан араас чинь хамгаална.

13 Миний зарц аливаад ухаалаг хандана.

Тэрбээр өндөр дээд байр суурь эзэлнэ.

Өргөмжлөгдөнө, хүндлэгдэнэ.

Хаад түүнийг хараад дуугаа хураана.

Учир нь тэд хэний ч ярьж байгаагүй юмыг харна.

Хэний ч дуулгаж байгаагүй юмыг анхаарна.

53 Бидний дуулгасан* мэдээнд хэн итгэсэн бэ?

Ехова хэнд хүчээ* илчилсэн бэ?

 2 Тэрбээр түүний* өмнө мөчир шиг гарч ирэн, ангасан газар дахь үндэс мэт ургана.

Сүр хүч, цог жавхлан түүнд байхгүй.

Сэтгэл татагдах юм гадаад төрхөнд нь ч үгүй.

 3 Хүмүүс түүнийг жигшиж, түүнээс дөлдөг байв.

Тэрбээр өвчин зовлонг мэддэг хүн байлаа.

Хүмүүсийн харах дургүй хүн шиг л байв.

Тэрбээр жигшигдсэн, бид түүнийг голсон.

Харин бид түүнийг Бурхны шийтгэлийг хүртээд зовж тарчилж байна гэж бодсон.

Биднийг амар амгалан байгаасай гэсэндээ шийтгүүлсэн.

Түүний шархны ачаар бид эдгэсэн.

Харин Ехова бидний нүглийг түүнд тохов.

Түүнийг, нядалгаанд оруулах хонь мэт авч явав.

 8 Түүнийг шударга бусаар шүүж, амийг нь хөнөөсөн*.

Удам судрынх нь* талаар хэн санаа тавих вэ?

Учир нь түүнийг амьд хүмүүсийн дундаас зайлуулжээ.

Миний ард түмний нүглээс болж түүнийг шийтгэжээ.

Гэвч нас барахад нь баячуудтай хамт оршуулсан юм.

10 Түүнийг бяцлах нь Еховагийн хүсэл байв. Тэрбээр түүнд зовлон үзүүлсэн.

Түүгээр дамжин Еховагийн хүсэл таалал биелнэ.

11 Зөв шударга нэгэн, миний зарц зовсныхоо дараа үр дүнг нь хараад сэтгэл ханана.

Тэдний алдаа дутагдлыг үүрнэ.

12 Тийм учраас би олны дунд түүнд хувь өгнө.

Тэрбээр хүчтэнүүдтэй хамт олзоо хуваана.

54 «Хүүхэд төрүүлж үзээгүй үргүй эмэгтэй чи баярлан хашхир.

Төрөхийн зовлон үзэж байгаагүй чи хөгжин хөөрч, баярлан хашхир.

 2 «Майхныхаа талбайг тэл.

Их асрынхаа даавууг томсго.

 3 Чи баруун, зүүн тийш хил хязгаараа тэлнэ.

Үр удам чинь үндэстнүүдийг захирна.

Эзгүйрсэн хотуудад оршин сууна.

 4 Бүү ай, чи шившиг болохгүй.

Бүү ич, итгэл найдвар чинь талаар болохгүй.

Чи залуу насандаа шившиг болж явснаа мартана.

Бэлэвсэн байх үеийнхээ гутамшгийг санахгүй».

 5 «Агуу Бүтээгч чинь чиний эр нөхөр* мэт.

Түүний нэр бол тэнгэрийн цэргийн жанжин Ехова.

Израйлын Ариун Бурхан бол чамайг буцаан худалдаж авсан Нэгэн юм.

Түүнийг дэлхий дахины Бурхан гэж дуудна.

 7 «Хэсэгхэн хоромд би чамайг орхисон.

Харин одоо агуу өршөөлөө үзүүлэн буцааж авчирна.

 8 Би ихэд хилэгнэн чамаас хэсэг зуур нүүрээ нуусан юм.

Гэхдээ миний үнэнч хайр үүрдийнх учир би чамайг өршөөнө» гэж чамайг буцаан худалдаж авсан Ехова айлдав.

Би хойшид чамд уурлаж, чамайг зэмлэхгүй гэдгээ үүн шиг тангараглая.

Энхийн гэрээ минь ч ганхахгүй» гэж чамайг өршөөдөг Ехова айлдаж байна.

14 Зөв шударга байдал чиний бат суурь болно.

Хэн ч чамайг дарлахгүй.

Чи юунаас ч айхгүй, чамайг юу ч айлгахгүй.

Учир нь ямар ч аюул чам руу ойртохгүй.

Чам руу дайрах бүхэн чамайг дийлэхгүй».

Хөнөөж устгадаг хүнийг ч би бүтээсэн.

17 Чамайг хөнөөхөөр хийсэн аливаа зэвсэг ямар ч хэрэгцээгүй болно.

Шүүх дээр чамайг буруутгасан бүхнийг чи няцаана.

Энэ бол Еховагийн зарц нарын өв юм.

Би тэднийг зөв шударга гэж үздэг» хэмээн Ехова тунхаглаж байна.

55 Цангасан хүмүүс ээ, ирээрэй. Бүгдээрээ ус руу ирээрэй!

Мөнгөгүй хүмүүс ээ, ирээд авч идээрэй!

Ирээд дарс, сүүг мөнгөгүйгээр, үнэгүй аваарай.

 2 Юунд та нар талх биш юманд мөнгө төлнө вэ?

Яагаад олсон орлогоо* гэдэс цатгадаггүй юманд үрнэ вэ?

Намайг анхааралтай сонсож, сайныг ид.

Тэгвэл та нар тансаг хоол зооглон баярлана.

 3 Сонсоцгоо. Над руу ирцгээ.

Анхаарлаа хандуулцгаа. Тэгвэл та нар амьд явна.

 5 Чи* мэдэхгүй үндэстнээ дуудна.

Учир нь тэрбээр чамайг алдаршуулах юм.

 6 Олдох боломжтой байгаа дээр нь Еховаг хай.

Ойр байгаа дээр нь түүнийг дууд.

 7 Муу хүн буруу замаа орхиг.

Хорон санаат хүн бодлоо таягдан хаяг.

Өөрийг нь өршөөж энэрэх Ехова Бурхан руу маань эргэж ирэг.

Учир нь тэрбээр өгөөмрөөр уучилна.

 8 «Миний бодол та нарынхтай адилгүй.

Миний үйлс та нарынхаас өөр» гэж Ехова тунхаглаж байна.

Хүслийг минь баараггүй биелүүлнэ.

Илгээсэн зорилгыг минь заавал хэрэгжүүлнэ.

12 Та нар баяр хөөртэй гарч явна.

Би та нарыг амар тайван буцааж авчирна.

Уул толгод та нарын өмнө хөгжин баясаж, баяртай хашхирна.

Модод бүгд алгаа ташна.

56 Ехова ийн айлдаж байна.

 2 Ийм хүн жаргалтай.

 3 Еховаг шүтдэг гадаад хүн:

“Ехова намайг ард түмнээсээ тусгаарлах нь гарцаагүй” гэж бүү хэлэг.

Тайган хүн: “Би бол хатсан мод” гэж бүү хэлэг».

Энэ нь охид хөвгүүдтэй байхаас дээр юм.

Би тэдэнд мөнхийн нэр өгнө.

Тэр нэр хэзээ ч арилахгүй.

Тэд залбирлын өргөөнд минь ороод баярлана.

Тахилын ширээн дээр өргөсөн шатаалт тахил, өргөлийг нь би хүлээн авна.

Учир нь миний өргөөг бүх ард түмний залбирлын өргөө гэх болно».

8 Тарж бутарсан израйлчуудыг цуглуулж буй Хэмжээгүй эрхт Эзэн Ехова:

«Би аль хэдийн цугласан хүмүүсээс гадна өөр хүмүүсийг та нарт цуглуулж өгнө» хэмээн тунхаглав.

10 Харуулууд нь сохор, хэн нь ч юу ч анзаардаггүй.

Тэд бүгдээрээ хуцаж чаддаггүй дуугүй ноход юм.

Тэд аахилан хэвтээд унтах дуртай.

Тэд бол юмны учир ойлгодоггүй хоньчид.

Бүгд өөрсдийнхөө замаар явдаг.

Хүн бүр шударга бус олз олохыг эрмэлзэн ийн хэлдэг.

12 «Би дарс авчиръя. Нааш ир.

Хэдүүлээ согттолоо архи ууя.

Маргааш өнөөдөр шиг, бүр өнөөдрөөс ч илүү байх болно!».

 2 Тэрбээр амар амгаланг олдог.

Зөв шударга амьдардаг бүх хүн булшиндаа* амардаг.

 4 Та нар хэнийг шоолно вэ?

Хэний өөдөөс хэлээ гарган тохуурхана вэ?

 6 Чи* хөндийн* мөлгөр чулуунуудыг нандигнадаг.

Тэдгээр нь чиний хувь юм.

Чи тэдэн дээр хүртэл ундаан өргөл асгаж, тахил өргөдөг.

Би үүнд чинь баясах* юм гэж үү?

 8 Хаалга, хатавчныхаа ард чи дурсгалын тэмдэг* тавьдаг.

Тэгээд амрагуудтайгаа гэрээ байгуулав.

Чи намайг санахгүй байсан.

Чи юу ч бодоогүй.

12 Би чиний “зөв шударгыг” болон үйлсийг чинь илчилнэ.

Тэдгээр нь чамд ямар ч нэмэр болохгүй.

Тэр бүгд салхинд хийснэ.

Үлээхэд л туугдан одно.

14 “Зам харгуй тавь! Зам бэлд!

Миний ард түмний урдах аливаа саадыг зайлуул” гэж хэлнэ».

16 Би тэднийг мөнхөд эсэргүүцэхгүй.

Үргэлж уурлаад байхгүй.

17 Би түүнийг* нүгэл үйлддэгт, шударга бус олзонд дурладагт уурласан.

Тиймээс би түүнийг шийтгэн, нүүрээ нууж, уурлан хилэгнэсэн юм.

Гэвч тэрбээр урвагч шиг аашлан, зүрх сэтгэлдээ хөтлөгдөөд л байв.

Би түүнийг болон хамт гашуудаж буй хүмүүсийг нь тайвшруулна».

19 «Би уруулын жимсийг бүтээж байна.

Хол, ойрын хүмүүст дуусашгүй амар тайвныг эдлүүлнэ.

Би түүнийг эдгээнэ» гэж Ехова айлдаж байна.

21 Муу хүмүүс амар заяа үзэхгүй» гэж миний Бурхан айлдаж байна.

58 «Чанга хашхир. Бүү дуугүй бай!

Эвэр бүрээ мэт чанга дуугар.

 3 Тэд: “Биднийг мацаг барихад та яагаад хардаггүй юм бэ?

Өөрсдийгөө зовооход яагаад анзаардаггүй юм бэ?” гэж асуудаг.

Яагаад гэвэл та нар мацаг барих өдрөө хувийн ашиг сонирхлоо боддог.

Хөлсний ажилчдаа дарамталдаг.

 4 Та нарын мацаг хэрүүл маргаан, зодоон цохионоор дуусдаг.

Та нар хүмүүсийг нударгаараа хайр найргүй балбадаг.

Ийм маягаар мацаг бариад байвал дуу хоолой чинь тэнгэрт хүрэхгүй шүү.

 5 Мацаг барь гэхээр та нар ингэж барьдаг юм уу?

Тэгээд үүнийгээ мацаг барьж байна, Еховагийн тааламжит өдөр байна гэх үү?

 9 Чамайг дуудахад Ехова хариулна.

Тусламж гуйн хашхирахад чинь тэрбээр: “Тэгье, тусалъя!” гэж хэлнэ.

Харанхуй чинь үд дунд мэт болно.

Тэрбээр чамд* хүч тэнхээ хайрлана.

12 Эртний хотын балгасыг чиний төлөө сэргээн босгоно.

Өнгөрсөн үеийнхний суурийг чи сэргээнэ.

Нурсан хэрэм засварлагч гэж чамайг дуудна.

Хүмүүс чиний сэргээн зассан зам дагуу дахин амьдрах болно.

Би чиний мэдэлд уулсыг өгнө.

Өвөг эцэг Иаковын чинь өвөөр чамайг тэтгэнэ.

Учир нь Ехова би үүнийг айлдсан юм».

59 Еховагийн мутар аварч чадахааргүй богино биш.

Чих нь сонсож чадахааргүй дүлий биш.

 2 Та нар алдаанаасаа болоод Бурхнаас хөндийрсөн.

Тэрбээр нүглээс чинь болж та нараас нүүрээ нуусан.

Та нарыг сонсдоггүй.

Та нар амаараа худал ярьж, хэлээрээ зөв бусыг өгүүлдэг.

 4 Хэн ч зөв шударгын төлөө явдаггүй.

Шүүх дээр үнэнийг өчдөггүй.

Тэд хоосон юманд найдаж, дэмий юм ярьдаг.

Муу муухайг сэдэж, бузар булайг үйлддэг*.

Өндгийг нь идсэн хүн үхнэ.

Хагарсан өндөгнөөс нь хорт могой гарна.

 6 Аалзны тор нь хувцас болохгүй.

Хийсэн юм нь биеийг нь халхлахгүй.

Тэдний үйлс гай болдог.

Тэд гараараа хүчирхийлэл үйлддэг.

 7 Тэд бузар булайг үйлдэх гэж гүйдэг.

Гэмгүй хүний цусыг урсгах гэж яардаг.

Санаа нь хорон.

Тэд хүмүүсийг сүйрүүлж, гай зовлонд унагадаг.

 8 Бусадтай хэрхэн эвтэй байхыг мэддэггүй.

Замд нь шударга ёс байхгүй.

 9 Тийм учраас шударга ёс биднээс хол байна.

Зөв шударга нь бидэнд хүрдэггүй.

Бид гэрлийг хүсдэг ч харанхуй хэвээрээ.

Бид гэрэл гэгээг хүсдэг ч харанхуйд алхсаар.

10 Бид хараагүй хүмүүс шиг хана тэмтэчдэг.

Нүдгүй хүмүүс шиг тэмтэрсээр байдаг.

Үд дунд хэр нь үдшийн бүрийд яваа мэт бүдэчдэг.

Хүчтэнүүдийн дунд үхэгсэд мэт л байдаг.

11 Бид баавгай хүрхрэх мэт бачимддаг.

Тагтаа гүгнэх мэт гашууддаг.

Хэчнээн хүссэн ч шударга ёс алга.

Хэчнээн эрсэн ч аврал алс хол ажээ.

12 Бид танд олон удаа тэрсэлсэн.

Үйлдсэн нүгэл бүхэн маань биднийг илчилдэг.

13 Бид нүгэл үйлдэж, Еховаг үгүйсгэсэн.

Бурхнаасаа нүүр буруулсан.

14 Шударга ёс гэдрэг буцжээ.

Зөв шударга байдал хол зогсжээ.

15 Үнэн нь ул мөргүй алга болжээ.

Муу юм хийхээ больдог хүмүүс дээрэмдүүлдэг.

Ехова үүнийг хараад дургүйцсэн.

Учир нь тэнд шударга ёс алга.

16 Туслах хүн нэг ч байхгүйг тэрбээр харжээ.

Зуучлах хэн ч байхгүйд гайхжээ.

Тиймээс өөрийн мутраар хүмүүсийг аврав*.

Зөв шударга байдал нь өөрийг нь дэмжив.

18 Тэрбээр хийсэн хэргийнх нь шанг тэдэнд хүртээнэ.

Өстөнд хилэгнэж, дайснаас өшөө авна.

Арлын оршин суугчдад зохих хариуг нь өгнө.

20 «Буцаан худалдан авагч нь Сионд ирнэ.

Нүгэл үйлдэхээ больсон Иаковын үр удам дээр ирнэ» гэж Ехова тунхаглаж байна.

21 «Энэ нь тэдэнтэй байгуулсан миний гэрээ юм» гэж Ехова айлдаж байна. «Чиний дээр байгаа агуу хүч, аманд чинь хийсэн миний үг чиний амнаас, хүүхдүүдийн чинь амнаас, ач зээ нарын чинь амнаас одооноос үүрд мөнхөд салахгүй» хэмээн Ехова айлдаж байна.

60 «Эмэгтэй минь, босоорой. Гэрэл чинь гийж эхэлсэн тул гэрлээ цацруулаарай.

Еховагийн алдар чам дээр гэрэлтэж байна.

Харин чиний дээрээс Ехова гэрэлтэнэ.

Түүний алдар чиний дээр байгаа нь харагдана.

 4 Нүдээ томруулан эргэн тойрноо хар!

Тэд бүгд цуглан чам дээр ирж байна.

Хөвгүүд чинь холоос ирж байна.

Охид чинь үүрүүлээд ирж байна.

 5 Тэгэхэд чи үүнийг хараад баярлан гэрэлтэнэ.

Зүрх чинь хүчтэй цохилж, сэтгэл чинь догдолно.

Учир нь далайн баялаг чам руу чиглэнэ.

Үндэстнүүдийн эд хөрөнгө чам дээр ирнэ.

Тэд Еховаг магтан алдаршуулна.

 7 Кедарын бүх сүрэг чам дээр цугларна.

Небаиотын хоньдыг чамд авчирна*.

Тэдгээр нь миний тахилын ширээн дээр тааламжит тахил болно.

Би сүр жавхлант гэрээ* гоёно.

 9 Арлын оршин суугчид надад найдна.

Учир нь тэр чамайг алдаршуулна*.

11 Хаалга чинь үргэлж нээлттэй байна.

Өдөр ч, шөнө ч хаагдахгүй.

Энэ нь чамд үндэстнүүдийн эд баялгийг авчрахын тулд юм.

Хаад нь тэргүүн эгнээнд явна.

12 Чамд үйлчлэхгүй үндэстэн, хаант улс бүхэн сүйрнэ.

Тэр үндэстнүүд бүрмөсөн мөхнө.

Би хөл тавьдаг газраа алдаршуулна.

14 Чамайг дарлаж байсан хүмүүсийн хөвгүүд ирж чамд сөгдөнө.

Чамайг хүндэлдэггүй бүхэн хөлд чинь сөгдөнө.

15 Чи хаягдсан байсан. Бүгд чамайг үзэн ядаж, хэн ч чамаар дайран өнгөрдөггүй байлаа.

Харин би чамайг мөнхийн бахархал болгоно.

Бүх үеийнхэнд баяр баясал болгоно.

Ехова би бол чиний Аврагч гэдгийг чи мэдэх болно.

Иаковын Хүчит Бурхан бол чамайг буцаан худалдан авагч гэдгийг чи ойлгох болно.

18 Чиний газар нутагт хүчирхийллийн тухай мэдээ дуулдахаа болино.

Чиний нутаг дэвсгэрт үгүйрэл, сүйрэл гэж байхгүй болно.

Чи хана хэрмээ Аврал, үүд хаалгаа Магтаал гэж нэрлэнэ.

19 Өдөр нь чамайг нар гэрэлтүүлэхгүй.

Шөнө нь чамайг сар гийгүүлэхгүй.

Учир нь Ехова мөнхийн гэрэл чинь болно.

Чиний Бурхан гоо үзэсгэлэн чинь болно.

20 Чиний нар жаргахгүй.

Чиний сар хавиргалахгүй.

21 Чиний ард түмэн бүгдээрээ зөв шударга байх болно.

Тэд газрыг үүрд эзэмшинэ.

22 Цөөхөн нь мянга болно.

Өчүүхэн нь хүчирхэг үндэстэн болно.

Ехова би үүнийг цаг нь болохоор түргэлүүлнэ».

61 Хэмжээгүй эрхт Эзэн Ехова агуу хүчээ надад өгсөн.

Ехова номхон даруу хүмүүст сайн мэдээ тунхаглуулахаар намайг томилсон*.

Тэднийг зөв шударгын том мод гэж нэрлэнэ.

Өөрийгөө алдаршуулахын* тулд Еховагийн суулгасан мод гэж дуудна.

 4 Тэд эртний балгасуудыг сэргээн босгоно.

Дээр үед эзгүйрсэн газруудыг сэргээнэ.

 5 «Танихгүй хүмүүс хонин сүргийг чинь хариулна.

Харь элгийн хүмүүс танай тариачид, усан үзмийн тариаланчид болно.

 7 Та нар шившиг болохоо больж, хоёр дахин их хувь хүртэнэ.

Миний ард түмэн гутамшиг болохоо больж, хувиа аваад баяртайгаар хашхирна.

Газар нутаг дээрээ хоёр дахин их хувийг эзэмшинэ.

Тэд үүрд мөнхөд баярлан баясна.

Би тэдэнд хөлсийг нь шударгаар өгнө.

Тэдэнтэй мөнхийн гэрээ байгуулна.

10 Би Еховад ихэд баярлана.

Бурхандаа зүрх сэтгэлийнхээ угаас баясна.

Иерусалимын төлөө би зүгээр суухгүй.

 2 «Эмэгтэй минь, үндэстнүүд зөв шударгыг чинь үзнэ.

Бүх хаан суу алдрыг чинь харна.

Чамайг шинэ нэрээр дуудна.

Тэр нэрийг Ехова өөрөө чамд өгнө.

 4 Чамайг цаашид хаягдсан эмэгтэй гэхгүй.

Газрыг чинь хойшид эзгүйрсэн гэхгүй.

Харин чамайг “Миний баяр баясгалан” гэж дуудна.

Газрыг чинь “Гэрлэсэн эмэгтэй” гэж нэрлэнэ.

Учир нь Ехова чамд баярлана.

Газар чинь гэрлэсэн эмэгтэй шиг болно.

 6 Иерусалим аа, би чиний хэрмэн дээр харуулууд тавьсан.

Тэд өдөр ч, шөнө ч, хэзээ ч дуугүй байх ёсгүй.

 8 Ехова хүчит баруун мутраа өргөөд ийн тангараглав.

«Би үр тариаг чинь дайснуудын хоол болгохгүй.

Хөдөлмөр шингэсэн шинэ дарсыг чинь харийнханд уулгахгүй.

 9 Ургац хураагчид үр тариа идээд Еховаг магтана.

Усан үзэм хураагчид миний ариун хашаанд дарс ууна».

10 Хаалгаар гар, хаалгаар гар.

Хүмүүсийн төлөө зам цэвэрлэ.

Их зам тавь, их зам тавь.

Чулуунуудыг зайлуул.

Ард түмнүүдийн төлөө туг босго.

11 Ехова дэлхийн хязгаар хүртэл ийн тунхаглав.

12 Тэднийг ариун ард түмэн, Еховагийн буцаан худалдаж авсан хүмүүс гэнэ.

Чамайг «Хүслэнт хот», «Хаягдаагүй хот» гэж нэрлэнэ.

 2 Таны хувцас яагаад улаан юм бэ?

Таны дээл яагаад усан үзэм шахдаг хүмүүсийнх шиг юм бэ?

 3 «Би ганцаараа усан үзэм гишгэсэн.

Ард түмнүүдийн нэг нь ч надтай хамт байгаагүй.

Тэдний цус хувцсанд минь цацагдсан юм.

Тэгээд миний дээл нэлдээ будагдсан юм.

 4 Өшөө авах өдрийг би товлосон.

Ард түмнээ буцаан худалдаж авах цаг дөхжээ.

 5 Хартал, надад туслах хэн ч байсангүй.

Намайг дэмжихийг хүссэн хүн байгаагүйд би гайхаж байлаа.

Тиймээс би өөрийн гараар ялалт байгуулав*.

Уур хилэн минь намайг дэмжив.

 7 Би Еховагийн үнэнч хайрын үйлсийг дурсана.

Еховаг магтан алдаршуулна.

Израйлын үр удмын төлөө олон сайн юм хийсэн.

 9 Тэдний зовж байхыг харах нь түүнд шаналгаатай байв.

Түүний илгээсэн элч* тэднийг аврав.

Тэрбээр хайр, өрөвч сэтгэлдээ хөтлөгдөн тэднийг буцаан худалдаж авсан юм.

Тэрбээр тэднийг өргөж, цаг үргэлж тэвэрч явсан юм.

10 Гэтэл тэд тэрсэлж, агуу хүчийг нь үл тоомсорлон Бурхны сэтгэлийг өвтгөсөн.

«Өөрийн ард түмнийг хоньчидтой хамт тэнгисээс гаргасан Нэгэн хаана байна вэ?

Агуу хүчээ түүнд өгсөн Нэгэн хаана байна вэ?

15 Тэнгэрээс өнгийж доош хараач.

Өндөрт орших ариун, сүрлэг газраасаа хараач.

Алийг нь ч та бидэнд илэрхийлэхгүй юм.

16 Та бол бидний Эцэг шүү дээ.

Та* бол аль эрт биднийг буцаан худалдаж авсан Нэгэн юм.

17 Ехова, таны замаас төөрөхөд минь та яагаад биднийг болиулаагүй юм бэ?

Зүрх сэтгэлээ хатууруулж танаас эмээхээ болиход минь та яагаад юу ч хийгээгүй юм бэ?

Зарц нарынхаа төлөө эргээд ирээч.

Өмч болсон овгуудынхаа төлөө буцаад ирээч.

18 Таны ариун ард түмэн газар нутгийг ахархан хугацаанд л эзэмшиж байв.

Дайснууд ариун газрыг тань гишгэчсэн.

64 Та тэнгэрийг яран доош бууж ирдэг ч болоосой!

Тэгвэл уулс танаас болж доргих сон.

 5 Зөв юм хийхдээ баярладаг хүмүүстэй та уулзсан.

Таныг санаж, зааврыг тань дагадаг хүмүүстэй та учирсан.

Бид байнга нүгэл үйлдэн таныг уурлуулсан.

Энэ байдал удаан үргэлжилсэн.

Одоо бид аврагдана гэж үү?

 6 Бид бүгдээрээ бузар хүн шиг болсон.

Зөв шударга үйлс бүхэн маань сарын тэмдгийн үед хэрэглэсэн даавуу шиг юм.

Бид бүгдээрээ хатсан навч шиг болно.

Гэм нүгэл маань биднийг салхи шиг тууна.

 7 Таны нэрийг дууддаг хэн ч алга.

Танаас зуурах гэж хичээдэг хэн ч алга.

Учир нь та биднээс нүүрээ нуусан.

Та биднийг гэм нүглээс минь болж хүчин мөхөс болгосон.

 8 Гэвч Ехова минь ээ, та бол бидний Эцэг.

Бид шавар, та бол бидний Ваарчин*.

Бид бүгдээрээ таны мутрын бүтээл.

 9 Ехова минь ээ, битгий хэт их уурлаач.

Бидний алдааг үүрд битгий санаач.

Бидэн рүү хараач. Учир нь бид бүгдээрээ таны ард түмэн шүү дээ.

10 Таны ариун хотууд зэлүүд газар болсон.

Тэнд өвөг дээдэс маань таныг магтдаг байсан юм.

Бидний нандигнадаг байсан бүхэн балгас болов.

12 Ехова минь ээ, ийм юм болж байхад та тэвчээд л байх уу?

Тэгж их зовж байхад маань та дуугаа хураан, зүгээр суугаад л байх уу?

65 «Намайг асууж сураглаагүй хүмүүст би өөрийгөө мэдүүлсэн.

Намайг хайгаагүй хүмүүст би өөрийгөө илчилсэн.

Нэрийг минь дуудаж байгаагүй үндэстэнд би: “Наашаа хараарай! Наашаа хараарай!” гэж хэлсэн.

 5 “Наанаа зогсож бай. Над руу битгий ойрт.

Би чамаас ариун*” гэж тэд хэлдэг.

Тэд өдөржин шатах гал адил уурыг минь хүргэсээр л байна*.

 6 Энэ нь миний өмнө бичигдсэн юм.

Би зүгээр суухгүй.

Би тэдэнд шанг нь хүртээнэ.

Шанг нь бүрэн хүртээнэ.

 7 Тэдний болон эцэг өвгөдийнх нь гэм нүглийн улмаас шанг нь хүртээнэ» гэж Ехова айлдаж байна.

 8 Ехова ийн айлдаж байна.

Би тэднийг бүгдийг нь устгахгүй.

11 Харин та нар Еховаг орхисон.

Миний ариун уулыг мартсан.

12 Тиймээс би та нарыг илдэнд тушаана. Энэ нь та нарын хувь тавилан болно.

Та нар бүгдээрээ сөхрөн унаж алагдана.

Учир нь дуудахад минь та нар хариулаагүй.

Ярихад минь та нар сонсоогүй.

13 Тиймээс Хэмжээгүй эрхт Эзэн Ехова ийн айлдаж байна.

«Миний зарц нар иднэ. Харин та нар өлсөнө.

Миний зарц нар ууна. Харин та нар цангана.

Миний зарц нар баярлана. Харин та нар ичнэ.

14 Миний зарц нарын сэтгэл санаа сайхан байж баярлан хашхирна.

Харин та нар сэтгэлийн зовлон шаналлаас болж орилж чарлана.

Гуниг цөхрөлөөс болж цурхиран уйлна.

15 Миний сонгосон хүмүүс та нараас хойш нэрээр чинь хараана.

Хэмжээгүй эрхт Эзэн Ехова та нарыг бүгдийг чинь үхэлд тушаана.

Харин өөрийнхөө зарц нарт өөр нэр өгнө.

17 Би шинэ тэнгэр, шинэ газрыг бүтээж байна.

18 Юу бүтээж байгааг минь хараад үүрд баярлан баяс.

19 Би Иерусалимыг хараад баярлана, ард түмнээ үзээд баясна.

Тэнд уйлаан майлаан, зовлонт хашхираан сонсогдохоо болино».

20 «Төрөөд хэдхэн хоноод үхдэг хүүхэд гэж байхгүй болно.

Насныхаа тоог гүйцээлгүй үхдэг хөгшин хүн гэж үгүй болно.

Зуу хүрээд нас барсан хүнийг хүүхдээрээ явчихлаа гэнэ.

Зуу насалсан байлаа ч нүгэлтэн л бол хараал хүртээд үхнэ*.

21 Хүмүүс байшин бариад тэндээ амьдарна.

Усан үзэм тариалж, жимсийг нь иднэ.

22 Тэдний барьсан байшинг өөр хүн эзэгнэхгүй.

Тэдний тарьсныг өрөөл бусад нь цөлмөхгүй.

Учир нь миний ард түмэн мод шиг урт насална.

Миний сонгосон хүмүүс хөдөлмөрийнхөө үр шимийг бүрэн хүртэнэ.

23 Тэд дэмий хөдөлмөрлөхгүй.

Төрүүлсэн хүүхэд нь ч зовохгүй.

24 Дуудахаас нь өмнө би тэдэнд анхаарлаа хандуулна.

Ярьж дуусаагүй байхад нь би тэдэнд хариулна.

25 Чоно хурга хоёр хамт идээшилнэ.

Арслан үхэр мэт сүрэл иднэ.

Могой шороогоор хооллоно.

Тэдгээр нь миний ариун уулан дээр хэнийг ч, юуг ч хорлохгүй, сүйтгэхгүй» хэмээн Ехова айлдаж байна.

66 «Тэнгэр бол миний сэнтий, газар бол миний хөлийн тавиур.

Тийм байхад та нар надад хаана өргөө барих юм бэ?

 2 Ехова тунхаглаж байна. «Би мутраараа энэ бүгдийг бүтээсэн.

Ингэж л энэ бүхэн бий болсон юм.

Би номхон даруу, сэтгэлээр унасан хүмүүс рүү харна.

Тэд үгийг минь сонсоод чичирдэг*.

 3 Үхэр нядлагч нь хүн цохиж алдаг хүнтэй адил.

Хониор тахил өргөгч нь нохойн хүзүүг хугалдаг хүнтэй адил.

Өргөл өргөгч нь гахайн цус өргөдөг хүнтэй адил.

Гүгэл асаагч нь тарни уншдаг* хүнтэй адил.

Тэд замаа сонгосон.

Тэд бузар юманд баярладаг.

 4 Тиймээс би тэднийг шийтгэх аргаа сонгоно.

Айж байсан зүйлийг нь тэдэн дээр буулгана.

Учир нь дуудахад минь хэн ч хариулаагүй.

Ярихад минь хэн ч сонсоогүй.

 5 Еховагийн үгийг сонсоод чичирдэг* хүмүүс ээ, түүний мэдээг сонс.

«Миний нэрээс болж та нарыг үзэн ядаж, гадуурхдаг ах дүүс тань: “Ехова алдаршиг!” гэж хэлдэг байсан.

Гэвч Бурхан ирж та нарт баяр хөөрийг авчирна.

Харин тэд ичгэвтэр байдалд орно».

 6 Хотоос шуугиан, сүмээс чимээ гарч байна!

Энэ бол Ехова дайснууддаа шанг нь өгч байгаа чимээ юм.

 7 Тэр эмэгтэй өвдөж ч амжилгүй хүүхэд төрүүлсэн.

Дуншиж ч амжилгүй эрэгтэй хүүхэд гаргасан.

 8 Хэн ийм юм сонссон бэ?

Хэн үүн шиг юм үзсэн бэ?

Газар ганц өдрийн дотор бий болох уу?

Үндэстэн агшин зуурт төрөх үү?

Харин Сион өвдөж эхэлмэгцээ хөвгүүдээ төрүүлсэн.

 9 «Би эхэлсэн ажлаа үр дүнд хүргэхгүй саатуулах уу*?» гэж Ехова айлдаж байна.

«Эсвэл амаржих гэж байгаа эхийн умайг хаах уу?» гэж чиний Бурхан айлдаж байна.

10 Иерусалимыг хайрладаг та бүхэн түүнтэй хамт баярла, түүнтэй хамт хөгжилд.

Түүний төлөө гашууддаг та бүхэн түүнтэй хамт баясан цэнгэ.

11 Учир нь хөхүүл эх мэт тэрбээр та нарыг тэжээж, бүрэн тайвшруулна.

Та нар ханатлаа ууж, агуу их суу алдарт нь баясна.

12 Ехова айлдаж байна.

Та нар Иерусалимыг хараад тайвширна.

14 Үүнийг үзээд зүрх сэтгэл чинь баясна.

Яс чинь шинэхэн өвс мэт сэргэнэ.

Үйлчлэгчид нь Еховагийн мутрыг* үзнэ.

Тэрбээр дайснуудаа буруушаана».

15 «Ехова гал мэт ирнэ.

Тэрэгнүүд нь шуурга мэт байх болно.

Еховагийн гарт үрэгдэх хүн олон байна.

17 Ариун цэцэрлэгүүдэд* орох гэж биеэ ариусган цэвэрлэдэг, гахайн мах, хулгана болон бузар юмнуудыг иддэг бүхэн хөнөөгдөнө» гэж Ехова тунхаглаж байна. 18 «Би тэдний ажил үйлс, бодол санааг мэднэ. Би бүх үндэстэн, хэлтнийг цуглуулахаар очиж байна. Тэд ирж миний суу алдрыг үзнэ».

19 «Би тэдэнд гайхамшиг* үзүүлж, амьд үлдсэн зарим хүнийг харваачдын нутаг болсон Таршиш, Пул, Луд руу, бас Тубал, Иаван руу, алс холын арлууд руу илгээнэ. Миний тухай сонсоогүй, миний суу алдрыг үзээгүй эдгээр үндэстэнд тэд миний суу алдрыг тунхаглана. 20 Тэд ах дүүсийг чинь бүгдийг нь бүх үндэстнээс цуглуулж Еховад бэлэг болгон морь, луус, хурдан тэмээ унуулж тэрэг, бүхээгтэй тэргэнд суулган миний ариун уул, Иерусалимд авчирна. Яг л, израйлчууд цэвэр саванд бэлгээ хийгээд Еховагийн өргөөнд авчирдагтай адил байх юм» гэж Ехова айлдаж байна.

21 «Би заримыг нь тахилчид, левичүүд болгоно» хэмээн Ехова айлдаж байна.

22 «Миний бүтээж буй шинэ тэнгэр, шинэ газар үргэлж өмнө минь байхын адил, та нарын үр удам, та нарын нэр хэзээд өмнө минь байх болно» гэж Ехова тунхаглаж байна.

24 «Тэд гарч, надад тэрсэлсэн хүмүүсийн хүүрийг үзнэ.

Тэдгээр хүүрэн дээрх өтнүүд үхэхгүй.

Гал нь унтрахгүй.

Бүх хүн хараад жигшинэ».