Дэлгэрүүлэх ажил хийх арван хоёр шалтгаан

Сайн мэдээ дэлгэрүүлж, үнэнийг заадаг маань ямар учиртай билээ? Чин сэтгэлтэй хүмүүсийг амь руу хөтлөх зам дээр гарахад туслах нь бидний гол зорилго мөн үү? (Мат. 7:14). Энэ шалтгааныг дорх жагсаалтын эхэнд бичсэн. Гэхдээ гол шалтгаан биш ээ. Дэлгэрүүлэх ажил хийх 12 шалтгааны алийг нь та хамгийн чухалд үздэг вэ? Бид дэлгэрүүлдэг бол ...

1. амь аврах ажил хийдэг (Иох. 17:3)

2. ёс бус хүмүүст сануулга өгдөг (Езе. 3:18, 19)

3. Библийн зөгнөл биелэхэд гар бие оролцдог (Мат. 24:14)

4. Бурхны зөвийг нотлоход хувь нэмэр оруулж, ёс бус хүмүүст гэмших боломж өгөлгүй устгасан гэж Еховаг буруутгах шалтаг гаргуулахгүй (Үйлс 17:30, 31; 1 Тим. 2:3, 4)

5. Есүсийн цусаар худалдан авсан хүмүүст сүнслэг тусламж үзүүлэх өрөө төлж байгаа хэрэг (Ром 1:14, 15)

6. цусны буруутан болохгүй (Үйлс 20:26, 27)

7. өөрсдөө аврагдана (Езе. 3:19; Ром 10:9, 10)

8. бусдыг хайрладгаа харуулдаг (Мат. 22:39)

9. Ехова болон Хүүд нь дуулгавартайгаа баталдаг (Мат. 28:19, 20)

10. шүтлэгийнхээ салшгүй хэсэг гэж үздэг (Евр. 13:15)

11. Бурханд хайртайгаа харуулна (1 Иох. 5:3)

12. Еховагийн нэрийг ариусгахад хувь нэмэр оруулдаг гэсэн үг (Ис. 43:10–12; Мат. 6:9).

Дэлгэрүүлэх ажил хийх өөр шалтгаан бас бий. Тухайлбал, дэлгэрүүлэх ажлын ачаар итгэл бэхжиж, Бурхны хамтран зүтгэгч байх завшаан эдэлдэг (1 Кор. 3:9). Гэхдээ хамгийн гол шалтгааныг 12-рт бичсэн. Сайн мэдээг хүмүүсийн хэрхэн хүлээн авч байгаагаас үл хамааран, дэлгэрүүлэх ажил Еховагийн нэрийг ариусгахад чухал үүрэг гүйцэтгэдэг. Ехова дэлгэрүүлэх ажилд үндэслэн, өөрийг нь муулагчид хариу хэлэх боломжтой болдог (Сур. 27:11). Тиймээс сайн мэдээг «өдөр бүр ... тунхаглах» хүндтэй олон шалтгаан байна (Үйлс 5:42).