Хуучин сэтгүүлээ сайтар тараацгаая

Сэтгүүлийн хуучин дугааруудыг хадгалах юм уу хаяж байхаар тараахыг хичээгээрэй. Ганц сэтгүүлийн ачаар хэн нэг нь үнэнийг сонирхож, цаашлаад Еховагийн нэрийг дууддаг болж болох юм (Ром 10:13, 14). Хуучин сэтгүүлийг ямар үед тарааж болохыг дор дурдлаа.

• Их явдаггүй хэсгээр дэлгэрүүлэхдээ хүнгүй айлын хаалганд сэтгүүлээ хүмүүст харагдахааргүй хавчуулж болох юм.

• Автобус, галт тэрэгний буудал гэх мэтийн, унаа хүлээдэг газар нийтэд дэлгэрүүлэхдээ хэвлэл унших хүсэлтэй байгаа эсэхийг нь хүнээс асуугаад хуучин сэтгүүлийн хэд хэдэн дугаарыг үзүүлж сонгуулж болно.

• Хурлын тань хэсэгт харьяалагдах эмнэлэг, сувилал гэх мэтийн газар хүлээлгийн танхимд хэдэн сэтгүүл үлдээгээрэй. Ингэхдээ тэр хэсгийг хариуцсан хүн байвал зөвшөөрөл авах нь сайн. Манай сэтгүүлийг аль хэдийн тавьсан байвал сэтгүүл үлдээхгүй байсан нь дээр.

• Давтан уулзалтад бэлдэхдээ уулзах хүн болгоныхоо юу сонирхдогийг нь бодоорой. Тэр хүн гэр бүлтэй юү? Ийш тийшээ явах дуртай юу? Цэцэг тарих дуртай юу? Хуучин сэтгүүлд тухайн хүний сонирхож болох өгүүлэл байгаа эсэхийг магадлаад давтан уулзахдаа тэр өгүүллийг үзүүлээрэй.

• Уулзаагүй удсан сонирхогч хүнтэй уулзахдаа хуучин сэтгүүлээс аваагүй дугаар байвал өгөөрэй.