Судрыг өдөр бүр нягтлан үзэх нь танд үр өгөөжтэй байна уу?

Та Еховатай дотно болохын тулд өдөр бүр «Судрыг өдөр бүр нягтлан үзэх нь» товхимлын Библийн зүйл болон тайлбарыг уншдаг уу? Хэрэв тэгдэггүй бол тийм хэвшилтэй болоорой. Олон хүн өдөр бүрийн зүйлээ өглөө уншиж судалдаг. Уншсан зүйлээ ийнхүү өдөржингөө эргэцүүлэн боддог байна (Иош 1:8; Ду 119:97). Библийн зүйлийг уншаад илүү их юм мэдэж авъя гэвэл яах хэрэгтэй вэ? Тухайн зүйлийн өмнөх, хойдох зүйлийг нь уншаарай. Онцолсон зүйлд байгаа зарчмыг харуулсан Библийн үйл явдлыг бодоод үзээрэй. Тэгээд тухайн зарчмыг амьдралдаа хэрэгжүүлээрэй. Шийдвэр гаргахдаа Бурхны Үгээр удирдуулдаг бол та үнэхээр их ач тус хүртэнэ (Ду 119:105).

Дэлхий дахинд буй Бетелийн гэр бүлийн гишүүд «Судрыг өдөр бүр нягтлан үзэх нь» товхимлыг өглөө болгон хэлэлцдэг. Сүүлийн үед өглөөний хөтөлбөрийн хэлэлцүүлгийг JW телевизийн ХӨТӨЛБӨР, ҮЙЛ ЯВДАЛ гэсэн хэсэгт тавьдаг болсон. Та эдгээрээс нэгийг нь эсвэл нэлээн хэдийг нь хэзээ хамгийн сүүлд үзсэн бэ? Зарим нь яг танд хэрэгтэй байж болох юм. Жишээ нь Лотод тохиолдсон явдал таны шийдвэрт хэрхэн нөлөөлөх вэ?

«ЕРТӨНЦИЙГ БҮҮ ХАЙРЛА» (1ЁО 2:15) ВИДЕОГ ҮЗЭЭД ДАРААХ АСУУЛТАД ХАРИУЛААРАЙ.

• Энэ өглөөний хөтөлбрөөр Библийн ямар зарчмыг үндэс болгон хэлэлцсэн бэ?

• Лотын түүхийг бодож үзвэл, ертөнц болон ертөнцийн юмыг хайрлах нь хэр зэрэг аюултай вэ? (Эх 13:12; 14:12; 19:3, 12, 13, 24–26)

• Ертөнц болон ертөнцийн юмыг биш, Еховаг хайрладгаа хэрхэн харуулах вэ?