Цуглаанд тогтмол очих нь чухал
1 Цуглаанд тогтмол очихыг христиан гэр бүлүүд чухалд үздэг. Гэхдээ өнөөгийн нийгэмд сүнслэг зүйлийг эн тэргүүнд тавьж амьдрах амаргүй. Гэрийн ажил, албан ажил, гэрийн даалгавар гэх мэтийн зүйл шүтлэгт зориулах учиртай цагаас маань хумсалдаг уу? Юуг энэ тэргүүнд тавихаа шийдэхэд Еховагийн үзэл бодлоор хандах нь тустай (1 Тим. 2:3).
2 Нэгэн удаа нэг израиль хүн Амралтын өдөр мод түүдэг. Энэ нь Еховагийн үзэл бодлыг санаатай үл хүндэтгэсэн хэрэг байв. Тэр хүн мод түүснээ гэр бүлийнхээ хэрэгцээг хангасан эсвэл сүртэй юм биш гэж бодсон байж магадгүй. Гэхдээ Ехова энэ хэргийг хэрхэн шийдсэнээс шүтлэгтээ зориулах учиртай цагийг чухал бус юм уу жирийн юманд зориулах нь ноцтой хэрэг гэдгийг мэдэж болохоор байна (Тоол. 15:32–36).
3 Бэрхшээлийг давах нь: Цуглаанд тогтмол очъё гэхэд ажил саад болдог нэг зовлон олон христианд учирдаг. Зарим христиан дарга захиралтайгаа ярьж тохирох, ээлжээ солих, илүү тохиромжтой ажилд орох эсвэл амьдралаа энгийн болгох гэх зэргээр энэ асуудлыг шийдэн цуглаан тасалдаггүй болсон байна. Жинхэнэ шүтлэгийн төлөө ингэж хичээл зүтгэл гаргахад Бурхан баярладаг (Евр. 13:16).
4 Хүүхэд залуучууд бас гэрийн даалгавраас болж ачаалалтай байх нь бий. Нэг залуу: «Би цуглаанаас өмнө даалгавраа хийгээд үлдсэнийг нь цуглааны дараа хийдэг» гэж хэлжээ. Цуглаантай өдөр бүх даалгавраа хийж үнэхээр амжаагүй бол христиан гэр бүлийн хувьд цуглаанд очих нь хэчнээн чухал байдгийг зарим эцэг эх багшид тайлбарладаг аж.
5 Цуглаанд гэр бүлээрээ хоцрохгүй очихын тулд гэрийн ажлаа сайн төлөвлөж бие биедээ туслах нь зүйтэй (Сур. 20:18). Бага насны хүүхдийг ч гэсэн хувцсаа өөрөө өмсөж, товлосон цагт гэрээсээ гарахад бэлэн байхад сургаж болно. Цуглаан чухал гэдгийг эцэг эхчүүд үлгэр жишээгээрээ хүүхдүүддээ ойлгуулах нь зүйтэй (Сур. 20:7).
6 Өнөөгийн тогтолцооны дарамт ихсэхийн хэрээр цуглаанд тогтмол очих нь амин чухал болж байна. Аливаа асуудалд Еховагийн үзэл бодлоор хандаж, цуглаанд тогтмол очихыг эн тэргүүнд тавьж байцгаая (Евр. 10:24, 25).