Асуултын булан

◼ Айлын үүдэнд Библийн хичээл хийхдээ залбирах ёстой юу?

Библийн хичээлийн эхэн болон төгсгөлд залбирах нь олон талын ач холбогдолтой. Бид хичээл хийхдээ Еховад залбирч ариун сүнсийг нь гуйдаг (Лук 11:13). Түүнээс гадна, биднийг залбирахад суралцагч маань Библийн хичээлдээ буурь суурьтай хандаж, бас өөрөө ч залбирч сурдаг (Лук 6:40). Тиймээс болж өгвөл хойшлуулахгүйгээр залбирдаг болох нь сайн. Гэхдээ хүн бүрийн нөхцөл харилцан адилгүй учир гэрийнхээ үүдэнд Библийн хичээл хийдэг суралцагчтайгаа залбирах эсэхээ шийдэхдээ дэлгэрүүлэгч хэрсүү байх хэрэгтэй.

Библийн хичээлийг хаана хийдгээ харгалзан үзэх нь чухал юм. Хэрэв хөндлөнгийн хүн тэр бүр саад болохооргүй бол тогтмол явуулдаг хичээлийн эхэн болон төгсгөлд товч залбирч болох юм. Харин хүмүүсийн анхаарал татахаар юм уу суралцагчаа эвгүй байдалд оруулахаар бол хичээлээ илүү тухтай газар явуулдаг болтлоо хүлээх нь дээр байж мэднэ. Ер нь, Библийн хичээлийг хаана ч заадаг байсан, хэзээнээс залбирдаг болохоо шийдэхдээ хэрсүү байх хэрэгтэй («Христиан үйлчлэл» 2005 оны 3-р сарын дугаарын 4-р хуудсыг үзнэ үү (англи)).