Сайн багш болоход хамгийн их хэрэгтэй чанар
1. Сайн багш болоход юу хамгийн их хэрэгтэй вэ?
1 Библийн сайн багш болоход юу хэрэгтэй вэ? Боловсрол уу, туршлага уу? Эсвэл авьяас уу? Мосегийн хуулийг биелүүлэхэд шаардлагатай байсан, Есүсийн жинхэнэ шавь нарыг таниулдаг, Еховагийн гол чанаруудын дундаас хамгийн чухал нь бөгөөд сэтгэл хамгийн ихээр татдаг тэр чанар юм (Иох. 13:35; Гал. 5:14; 1 Иох. 4:8). Энэ бол хайр билээ. Хайргүй бол сайн багш болох аргагүй.
2. Хүмүүсийг хайрлах нь яагаад чухал бэ?
2 Хүмүүсийг хайрла: Агуу багш Есүс хүмүүсийг хайрладаг байв. Хүмүүс ч хайранд нь татагдан сургаалыг нь сонсдог байсан (Лук 5:12, 13; Иох. 13:1; 15:13). Хэрэв бид хүмүүсийг хайрладаг бол боломж бүрийг алдалгүй дэлгэрүүлнэ. Хавчлаа, үл тоомсорлолоо гэж шантрахгүй. Дэлгэрүүлж явахад таарсан хүмүүст чин сэтгэлээсээ санаа тавьж, хүн бүрд тохирох сэдвээр ярина. Суралцагч бүрдээ цаг гаргахаас гадна хичээл бүрд урьдчилан бэлдэхдээ цаг харамлахгүй.
3. Библийн үнэнийг хайрлах нь ямар ач тустай вэ?
3 Библийн үнэнийг хайрла: Есүс бас Библийн үнэнийг хайрлаж, эрдэнэс мэт эрхэмлэдэг байсан (Мат. 13:52). Хэрэв бид Библийн үнэнийг хайрладаг бол үнэнийг урам зоригтой ярина. Ийм яриа хүмүүсийн сонирхлыг татдаг. Үнэнийг хайрладаг хүн ур чадварынхаа талаар боддоггүй, харин бусдад хүргэдэг чухал мэдээндээ анхаарлаа хандуулдаг. Ингэвэл дэлгэрүүлэхдээ айж сандрах нь бага байдаг.
4. Хайр хөгжүүлэхийн тулд яах хэрэгтэй вэ?
4 Хайрлаж сур: Яавал хүмүүсийг хайрлаж сурах вэ? Ехова Бурхан болон Хүүгийнх нь хайрыг эргэцүүлж, хэсгийнхээ хүмүүсийг сүнслэгээр ямар байдалд байгааг нь бодоорой (Марк 6:34; 1 Иох. 4:10, 11). Библийг тогтмол бие даан судалж, эргэцүүлэн боддог бол Библийн үнэнийг илүү их хайрладаг болно. Хайр бол сүнсний үр жимсний нэг хэсэг билээ (Гал. 5:22). Тиймээс Еховагаас ариун сүнсийг нь гуйж, хайраа илүү хөгжүүлэхэд туслахыг хүсээрэй (Лук 11:13; 1 Иох. 5:14). Мэдлэг боловсрол, дадлага туршлага, авьяас чадвар маань ямар ч байсан, бид хүмүүс болон үнэнийг хайрладаг бол сайн багш байж чадна.