Албан газраар зоригтой дэлгэрүүлэгтүн
1. Албан газраар дэлгэрүүлэхээс зүрхшээдэг бол санаа зовох хэрэггүйн учир юу вэ?
1 Та албан газраар дэлгэрүүлнэ гэхээс зүрхшээдэг үү? Тэгдэг бол санаа зовох хэрэггүй. Эр зоригтой дэлгэрүүлдэг Паул хүртэл сайн мэдээ ярих «зоригийг» Бурхнаас гуйж байсан (1 Тес. 2:2). Дэлгэрүүлэгчид албан газраар дэлгэрүүлэхдээ юунд санаа зовдгийг ярилцаад, давах аргыг мэдэж авъя.
2. Ажилд нь саад боллоо гэж дургүйцэх болов уу гэж санаа зовох хэрэггүйн учир юу вэ?
2 Ажилд нь саад боллоо гэж дургүйцэх болов уу? Ер нь үйлчилгээний салбарын ажилтнууд нийтэд буюу ирсэн бүх хүнд үйлчлэх үүрэгтэйгээ ойлгодог. Таныг ирээдүйн үйлчлүүлэгчээ гэж үзээд эелдэг боловсон хандах болов уу. Цэвэр үзэмжтэй хувцаслаж, найрсаг, нөхөрсөг байвал нөгөө хүн ч таныг хүндэтгэн харьцана.
3. Бусад үйлчлүүлэгчид саад болохгүйн тулд яах нь зүйтэй вэ?
3 Олон үйлчлүүлэгчийн өмнө ярих хэрэг гарвал яана аа? Болж өгвөл, тухайн газрыг ачаалал багатай үед нь, тухайлбал дэлгүүрийг онгойх үед нь очоорой. Менежер юм уу ажилтныг ганцаараа байхад нь очиж товч яриарай.
4. Албан газраар дэлгэрүүлэхдээ юу гэж хэлж болох вэ?
4 Юу гэж хэлэх вэ? Олон ажилчин байвал ахалж байгаа хүнд хандах нь зүйтэй. «Ажил хийдэг хүмүүсийг гэртээ байхад нь уулзах боломж бараг гардаггүй учир бид албан газраар явдаг юм. Таныг одоо ажилтай байгаа болохоор товчхон ярья» гэж хэлж болох юм. Бизнесийн зорилгоор яваа мэт буруу ойлголт төрүүлэхгүйн тулд хандивын талаар ярихгүй байх нь дээр. Гэхдээ манай ажил хэрхэн санхүүждэгийг асуувал тайлбарлаж болно. Тухайн байгууллагын онцлогийг тооцож байгаад бусад ажилтантай товчхон ярилцаж болох эсэхийг асуугаарай. Тэдэнд бас дээрх оршлыг хэлж болно. Хэрэв ажилтнууд завгүй байвал оршил үгээ бүр товч хэлээд танилцуулга өгөөрэй. Ажилтнуудтай ярилцахыг зөвшөөрөхгүй ч амрах өрөө гэх мэтийн газар ном хэвлэл үлдээхийг зөвшөөрч магадгүй.
5. Юун тухай бодвол албан газраар итгэлтэй дэлгэрүүлж чадах вэ?
5 Есүс Паул хоёр хүмүүсийг ажлынхаа байранд байхад зоригтой дэлгэрүүлдэг байсан. Та ч бас тэгж чадна (Мат. 4:18–21; 9:9; Үйлс 17:17). Тайван, зоригтой байхад туслахыг Еховагаас гуйгаарай (Үйлс 4:29). Албан газраар дэлгэрүүлэхэд уулзсан хүнтэйгээ дахиж уулзах боломж илүү олддог учир дэлгэрүүлэх ажлын үр өгөөжтэй энэ хэлбэрийг оролдоод үзэхэд болохгүй нь юу билээ?