Ажилдаа сэтгэл хангалуун байгтун
1. Юунаас болоод идэвх зүтгэлгүй болох аюултай вэ?
1 Хүн уг нь «эрхэлж буй бүхий л ажилдаа сэтгэл хангалуун байх» учиртай (Ном. 3:13). Дэлгэрүүлэх ажилдаа үр дүн гаргахгүй байгаа юм шиг санагдан зориг мохвол баяр хөөргүй болж, идэвх зүтгэл гаргахаа больж мэднэ. Яавал өөдрөг байх вэ?
2. Хүмүүс сайн мэдээг хэрхэн хүлээж авах тухайд бодитой хандах ёстойн учир юу вэ?
2 Бодитой хандах нь: Цөөхөн хүн нааштай хүлээж авдаг байсан ч Есүс дэлгэрүүлэх ажилдаа амжилт гаргасныг санаарай (Иох. 17:4). Есүс тариачны тухай ёгт үлгэрээрээ үр адил Хаанчлалын тухай мэдээг ихэнх хүн нааштай хүлээж авахгүйг зөгнөсөн (Мат. 13:3–8, 18–22). Гэхдээ мэрийгээд байвал ихийг хийнэ.
3. Сайн мэдээг хүлээж авах хүн цөөхөн байсан ч хэрхэн «үр жимс гаргаж» чадах вэ?
3 Их жимс ургуулах нь: Сайн мэдээг хүлээж авдаг хүн «үр жимс гаргадаг» нь Есүсийн ярьсан ёгт үлгэрээс харагддаг (Мат. 13:23). Ургаж боловсорсон улаан буудайн «үр жимс» нь буудайн соёо бус, харин үр байдаг. Үүнтэй адил амжилттай ажилладаг христиануудын гаргадаг үр жимс нь шинэ шавь байх албагүй, харин Хаанчлалын үр юм. Өөрөөр хэлбэл Хаанчлалын тухай тунхаглахыг хэлдэг. Хаанчлал тухай ярьдаг бол, хүмүүсийн хандлагаас үл шалтгаалан «сэтгэл хангалуун» байж чадна. Еховагийн нэрийг ариусгах үйлсэд бид хувь нэмэр оруулдаг (Ис. 43:10–12; Мат. 6:9). Бурхны хамтран зүтгэгч байна гэдэг завшаан юм (1 Кор. 3:9). Ийм «уруулын үр жимс» Еховаг баярлуулна (Евр. 13:15, 16).
4. Дэлгэрүүлэх ажил маань үл мэдэгдэм ямар үр дүн гаргадаг вэ?
4 Түүнчлэн, шантралгүй хөдөлмөрлөсөөр байвал нүдэнд үл харагдах үр дүн гарч болох юм. Есүсийн ярихыг сонсож байсан зарим хүн нас барсных нь дараа шавь болсон байж болох юм. Үүнтэй адилаар бидний тарьдаг Хаанчлалын үр, цаг хугацаа өнгөрсний дараа мэдээ ч үгүй байхад маань хүний зүрхэнд үндэслэн, ургаж магадгүй. Дэлгэрүүлэх ажил маань үнэхээр сайн үр дүнд хүрнэ. Тийм учраас «их жимс ургуулж» Есүсийн шавь гэдгээ баталцгаая (Иох. 15:8).