Дэлгэрүүлэх ажилд хэрэгтэй булан
1. «Таны асуултад хариулъя» булан ямар хоёр зорилготой вэ?
1 Нийтэд зориулсан «Харуулын цамхаг» сэтгүүлд «Таны асуултад хариулъя» гэсэн булан үе үе нийтлэгдэж байх юм. Энэхүү булан Библийн сургаалыг хүний зүрх сэтгэлийг хөдөлтөл тайлбарлах, ямар нэг сэдвээр ярилцахдаа айлын хүнийг эвтэйхэн бодуулахад маань туслах гэсэн хоёр зорилготой (1 Петр 3:15). Энэ буланг хэрхэн сайтар ашиглах вэ?
2. «Таны асуултад хариулъя» буланг дэлгэрүүлэх ажилдаа хэрхэн ашиглаж болох вэ?
2 Дэлгэрүүлэх ажилдаа ашиглах нь: Энэхүү булан гардаг «Харуулын цамхаг» сэтгүүлээс өөртөө аваад хадгалж болно. Айлын хүн, сонирхогч, суралцагчийн аль нь ч бай, асуулт асуух юм уу, эдгээр өгүүлэлд гарсан сэдвээр маргаантай асуудал хөндвөл тэр булан гарсан сэтгүүлийг өгч тухайн сэдвээр ярилцаж болох юм. Танд уг булан гардаг сэтгүүл байхгүй бол jw.org сайтаас татаж болно.
3. Энэ булангаас айлын хүнтэй хэрхэн ярилцаж болох вэ?
3 Энэхүү булангаас хэрхэн ярилцаж болох вэ? Зарим дэлгэрүүлэгч тухайн хүнээр айлын хүний үгийг уншуулж өөрсдөө Гэрчийн үгийг уншдаг. Маргаантай асуудлыг ийнхүү хөндлөнгөөс харуулах нь тэр хүнийг эвгүй байдалд оруулахгүй учир үр дүнтэй байж болох юм (Д.хууль 32:2).
4. Өөртөө заахдаа уг буланг хэрхэн ашиглаж болох вэ?
4 Өөртөө болон бусдад заах нь: Та уг буланг уншиж байхдаа Гэрч ямар Библийн зүйл, жишээ ашиглаж, хэрхэн бодуулж байгааг ажиглаарай. Ямар өнгөөр ярьж байгааг нь анхаараарай. Дэлгэрүүлэхдээ аргыг нь дууриахыг хичээгээрэй (Сур. 1:5; 9:9). Нэг Гэрч эмэгтэй: «Энэ өгүүллүүдийг уншихлаар зөв юм хэлэхээ мэддэг „төгс“ эхлэгчээс суралцаж байгаа юм шиг санагддаг!» гэж хэлжээ.
5. Дэлгэрүүлэх ажилд бэлдэхэд нь суралцагчдаа хэрхэн туслах вэ?
5 Та бас энэ жишээг ашиглан дэлгэрүүлэх ажилд бэлдэхэд нь суралцагчдаа тусалж болох юм. Хамт уншихдаа суралцагчаараа дэлгэрүүлэгчийн үгийг уншуулаарай. Ийм аргаар суралцагч итгэл үнэмшлээ эвтэйхэн тайлбарлахад суралцана (Кол. 4:6). Ехова энэхүү булангаар дамжуулан «үйлчлэлээ гүйцээхэд» маань тусалдаг (2 Тим. 4:5).