Дэлгэрүүлэхдээ Вэб сайтаа танилцуулаарай—«Библитэй холбоотой асуултын хариу»
jw.org сайтын «Библийн сургаал» гэсэн хэсэгт «Библитэй холбоотой асуултын хариу» гэж бий. Түгээмэл эдгээр асуултын хариуг сайн мэддэг бол, айлын хүний асуултын хариуг Вэб сайтаас төвөггүй олно. Яриа эхлэхдээ зарим асуултыг нь асууж болно. Хүмүүсийн сонирхдог асуултаас сонгоод айлын хүний үзэл бодлыг асуугаарай. Библид юу гэж байдаг талаар ярихдаа jw.org сайтаа танилцуулаарай. Дараа нь яаж мэдээлэл хайж олохыг үзүүлж тайлбарлаарай. Вэб сайтаас нэг сэдэв сонгоод хариуг нь гаргаад уншиж өгөөрэй. Нэг явуулын харгалзагчийн эхнэр: «Биднийг зовж байгаад Бурхан буруутай юу? гэж олон хүн боддог. Та хариуг нь яг одоо мэдмээр байна уу? 51 секунд байхад л болно» гэж хэлээд гар утсандаа татаж авсан аудио бичлэгийг сонсгосон аж. Сүүлд нь «Библийн сургаал» номын 11-р бүлгийг үзүүлсэн байна.