Оршил үгийн жишээ

Харуулын цамхаг 4–6 сар

«Энэ хавийн бүх хүнд энэ танилцуулгыг өгч явна. Библи амьдралд ямар хэрэгтэйг эндээс мэдэж аваарай. [«Библи ямар ном бэ?» танилцуулгыг өгнө.] Библид ажилтай холбоотой зөвлөгөө байдаг. Энд ажил хөдөлмөрийн талаар ингэж бичсэн байна. [Номлогчийн үгс 3:13-ыг уншина.] Библийн ямар зарчмыг хэрэгжүүлбэл ажилдаа дуртай байх тухай энэ сэтгүүлээс уншаарай».

Сэтгүүл авсан хүнтэй Библийн хичээл хийдэг болох нь

Сэтгүүл авсан хүнтэй дахин уулзахдаа «Миний танд өгсөн сэтгүүл Библийн үндэстэй болохыг та анзаарсан уу? Библи уншихын чухлыг харуулсан нэг зүйл үзүүлье» гээд Исаиа 48:17, 18; Иохан 17:3 юм уу тохирох өөр зүйл уншина. «Библийн сургаал» ном өгөөд ингэж хэлнэ:

◼ «Библи уншаад хүмүүс ирээдүйдээ итгэх итгэлтэй болдог». 4, 5-р хуудсыг нээж үзүүлээд «Эдгээрээс аль нь биелээсэй гэж та хүсэж байна вэ?» гэж асууна. Айлын хүн татгалзахгүй бол, сонгосон зүйлтэй нь холбоотой бүлгээс нэг юм уу хоёр догол мөр ярилцана.

◼ Эсвэл «Библид олон чухал асуултын хариу бий» гэж хэлээд 6-р хуудасны доод талд жагсаасан асуултаас алинд нь хариу авмаар байгааг асууна. Сонгосон асуултынх нь хариу байдаг бүлгээс нэг юм уу хоёр догол мөр ярилцана.

◼ Эсвэл гарчигт байгаа сэдвээс заримыг дурдаж алийг нь сонирхож байгааг асууна. Сонирхсон бүлгээс нь нэг юм уу хоёр догол мөр ярилцана.