Туршлагатай дэлгэрүүлэгчдээс суралцах нь

Туршлагатай дэлгэрүүлэгчдээ бид их үнэлдэг. Зарим нь Еховад үйлчлээд олон жил болж байна. Дэлгэрүүлэгч болоод удаагүй хэр нь туршлага суусан хүмүүс ч бий. Есүс эцсийн энэ өдрүүдэд дэлгэрүүлэх, шавь бэлдэх ажлыг өргөжүүлж, хурлыг удирдаж байгааг тэд нүдээр үзэж явна (Мат. 28:19, 20). Сорилт, бэрхшээл тулгарахад дэлгэрүүлэх ажилд оролцоод «хэрээс хэтэрсэн хүчийг» мэдэрдэг (2 Кор. 4:7, ШЕ). Туршлага арвин эдгээр дэлгэрүүлэгчээс сурах зүйл их. Боломж гарвал, тэд сурснаа бусдад зааж зөвлөхийг хүсдэг (Дуу. 71:18). Тиймээс тэдэндээ тийм боломж олгох хэрэгтэй. Чухам яах хэрэгтэй вэ?

Дэлгэрүүлээрэй: Шинэ эсвэл туршлага багатай дэлгэрүүлэгчид дадлагажиж байж л ажилдаа үр дүн гаргана. Туршлагатай дэлгэрүүлэгчдийн яаж дэлгэрүүлдгийг сайтар ажиглах нь чухал. («Харуулын цамхаг» сэтгүүлийн 2015 оны 2-р сарын 15-ны дугаар, «Дэлгэрүүлэх ажилд үргэлж идэвхтэй оролцъё» гэсэн өгүүлэл, «Шинэ дэлгэрүүлэгчдэд туслаарай» гэсэн жижиг гарчиг, 3-р догол мөрийг үзнэ үү). Та туршлагатай дэлгэрүүлэгчээс юу сурч мэдсэн бэ?

Туршлагатай дэлгэрүүлэгчтэй хамт дэлгэрүүлээрэй. Хэрэв өвчин хуучтай, гэрээсээ гарч явж чаддаггүй бол суралцагчаа дагуулаад гэрт нь очиж Библийн хичээл хийж болно. Хичээлийнхээ дараа, зөвлөгөө аваарай.

Цагийг хамт өнгөрүүлээрэй: Туршлагатай дэлгэрүүлэгчтэй сайн танилцъя гэвэл хамт цагийг өнгөрүүлээрэй. Тэднийг Гэр бүлийнхээ хичээлд урьж, үүх түүхийг нь яриулаарай. Өндөр настай, өвчин хуучтай бол гэрт нь очиж, гэр бүлийн хичээлээ хийж болох эсэхийг асуугаарай. Дараах асуултыг асууж болно. Та үнэнийг яаж мэдсэн бэ? Ямар ивээл хүртсэн бэ? Хурлын үйл ажиллагаа хэрхэн өргөжсөн бэ? Еховад үйлчлэхийн юу нь сайхан бэ?

Туршлагатай дэлгэрүүлэгчдээс ихийг шаардах хэрэггүй. Хүн бүрийн хэр чадал харилцан адилгүйг санаарай (Ром 12:6–8). Өндөр настай учраас бидэнтэй өнгөрөөх цаг нь хязгаартай байж мэднэ. Гэлээ ч Еховад олон жил үйлчилсэн туршлагатай итгэл нэгтнүүдээсээ ихийг сурах боломжтой.