Идэвхгүй болсон нэгнийхээ урмыг сэргээгээрэй

Жил жилийн Дурсах цуглаанд идэвхгүй Гэрчүүд их ирдэг. Тэд амийн төлөөх уралдаанд оролцож эхэлсэн ч янз бүрийн шалтгаанаар хурдаа сааруулсан байдаг. «Еховадаа эргээд ир» товхимолд зарим шалтгааныг бичсэн (Ев 12:1). Ехова идэвхгүй болсон үйлчлэгчдээ одоо ч үнэ цэнтэй гэж үздэг. Тэднийг Хүүгийнхээ цусаар худалдаж авсан билээ (1 Пе 1:18, 19). Хуралдаа буцаж ирэхэд нь тэдэндээ хэрхэн туслах вэ?

Ахлагчид идэвхгүй болсон Гэрчүүдийг олж уулзаад туслахыг хичээдэг. Энэ нь хоньчин, сүргээсээ тасарсан хонио шаргуу эрж хайдагтай адил юм (Лу 15:4–7). Ийнхүү хайр халамжтай Еховаг дуурайдаг (Ие 23:3, 4). Зөвхөн ахлагчид биш, бид бүгд тийм хүмүүсийн урмыг сэргээж чадна. Тэдэнд сайхан сэтгэл гаргаж, зовлонг нь ойлгохыг хичээдэг бол Ехова баярлаж, ивээх нь дамжиггүй (Су 19:17; Үй 20:35). Тиймд идэвхгүй болсон хэн хэн байгааг бодож, цаг алдалгүй туслаарай!

«ИДЭВХГҮЙ БОЛСОН НЭГНИЙХЭЭ УРМЫГ СЭРГЭЭЕ» ГЭСЭН ВИДЕО ҮЗЭЖ, ДАРААХ АСУУЛТАД ХАРИУЛААРАЙ:

• Ааби танихгүй итгэл нэгтэнтэйгээ тааралдаад ямар санаачилга гаргасан бэ?

• Идэвхгүй болсон хүнд тусалъя гэвэл яагаад ахлагчдад хэлэх хэрэгтэй вэ?

• Ааби Лооратай хоёр дахь удаагаа уулзахын тулд яаж бэлдсэн бэ?

• Ааби Лоорагийн урмыг сэргээхийн тулд хэрхэн туйлбартай, тэвчээртэй байж, хайраа илэрхийлсэн бэ?

• Лук 15:8–10-т байдаг Есүсийн ярьсан ёгт үлгэрээс юу сурч болох вэ?

• Лоорад туслах гэсэн хамтын хичээл зүтгэлийн үр дүн юу байсан бэ?