Илүү чадварлаг дэлгэрүүлэх нь—JW.ORG-оос мэдээлэл хайх

ЯАГААД ЧУХАЛ БЭ? «Заах ажлын багажны хайрцаг» дахь бүх материалд jw.org-ийг дурдсан байдаг. Бас нэрийн хуудас, «Чухал асуултынхаа хариуг хаанаас олох вэ?» танилцуулга нь хүмүүсийг вэб саит руу хандуулах зорилготой. Та jw.org-оос «Заах ажлын багажны хайрцаг» дахь хэвлэлийн цахим хувилбарыг, эсвэл линкийг э-мэилээр явуулж болно. Энэ нь ялангуяа гадаад хүнд дэлгэрүүлэхэд тустай. Бас хүмүүсийн сонирхсон асуултын хариу «Заах ажлын багажны хайрцаг» дахь хэвлэлээс олдохгүй байж мэдэх юм. Тиймээс вэб саитынхаа хаана юу байгааг мэдэж илүү чадварлаг дэлгэрүүлдэг болоорой.

ЯАХ ХЭРЭГТЭЙ ВЭ?

• 

  «БИБЛИЙН СУРГААЛ» хуудас. Тантай уулзсан хүн, хүүхэд хүмүүжүүлэх талаар илүү ихийг мэдэхийг хүсэж байна гэж бодъё. Тэгвэл БИБЛИЙН СУРГААЛ > ЭХНЭР НӨХӨР БА ГЭР БҮЛ гэж ороорой.

• «ХЭВЛЭЛ» хуудас. Гэрч хүүхэд сургууль дээрээ ангийнхаа хүүхдэд «Охид хөвгүүдийн 10 асуултын хариу» товхимлыг үзүүлмээр байна гэж бодъё. Тэгвэл ХЭВЛЭЛ > НОМ, ТОВХИМОЛ гэж ороорой.

• «БИДНИЙ ТУХАЙ» хуудас. Таны ажлын газрын хүн Гэрчүүд бидний итгэл үнэмшлийн тухай мэдэхийг хүсэж байна гэж бодъё. Тэгвэл БИДНИЙ ТУХАЙ > БАЙНГА ТАВЬДАГ АСУУЛТ гэж ороорой.

«JW.ORG-ООС МЭДЭЭЛЭЛ ХАЙХ НЬ» ВИДЕО ҮЗЭЭРЭЙ. ТА ДАРААХ ХҮМҮҮСТЭЙ ЯРИХДАА ВЭБ САИТЫН ХААНААС МЭДЭЭЛЭЛ ОЛОХ ВЭ?

• Бурханд итгэдэггүй хүн

• Саяхан болсон золгүй явдлын хохирогч

• Идэвхгүй болсон итгэл нэгтэн

• Манай ажил хэрхэн санхүүждэг тухай сонирхсон хүн

• Нутагтаа очоод цуглаанд суухыг хүсэж байгаа гадаад хүн