«Паул Бурханд талархаж зоригтой болов»

Ром дахь хурлынхан Паулыг ирж явааг дуулаад зарим нь түүнтэй уулзах гэж 64 км зам туулжээ. Тэд амин хувиа бодолгүй хайраа илэрхийлсэн нь Паулд ямар санагдсан бэ? «Паул тэднийг хараад Бурханд талархаж, зоригтой болов» (Үй 28:15). Өмнө нь Паул очсон хурал болгоноо урамшуулан зоригжуулдаг байсан ч энэ удаад хоригдол болсон байсан тул түүнд урам зориг хэрэгтэй байв (2 Ко 13:10).

Өнөө үед дүүрэг хариуцагчид хурлуудаар явж ах дүү нарыг урамшуулан зоригжуулдаг. Гэхдээ бид бүгдийн л адилаар ядрах, санаа зовох, урам хугарах үе тэдэнд байдаг. Танай хуралд дүүрэг хариуцагч эхнэртэйгээ ирвэл бие биеийнхээ «итгэлээр урамшин зоригжихын тулд» тэднийг зоригжуулж та юу хийж болох вэ? (Ро 1:11, 12).

• 

  Дэлгэрүүлэх ажлын цуглааныг дэмжээрэй. Эргэлтийн долоо хоногийн бүх арга хэмжээнд оролцох гэж хичээж байгаа дэлгэрүүлэгчдийг дүүрэг хариуцагч хараад урамшдаг (1 Те 1:2, 3; 2:20). Дүүрэг хариуцагчийн эргэлтийн сард туслах эхлэгчээр үйлчлэхийг бодоорой. Өөртэй нь юм уу эхнэртэй нь дэлгэрүүлэхээр тохирох эсвэл Библийн хичээлдээ урьж болно шүү дээ. Тэд шинэ эсвэл туршлага багатай гээд янз бүрийн дэлгэрүүлэгчидтэй хамтран ажиллах дуртай.

• 

  Зочломтгой байгаарай. Гэртээ хонуулах юм уу хоолонд урих боломжтой юу? Ингэснээр тэднийг хайрлаж байгаагаа харуулна. Тэд танаас их юм шаардахгүй (Лу 10:38–42).

• 

  Заавар зөвлөгөөг нь дагаарай. Дүүрэг хариуцагч биднийг Еховад илүү сайн үйлчлэхэд хайрын сэтгэлээр тусалдаг. Заримдаа хатуу сануулга өгч магадгүй (1 Ко 5:1–5). Бид дуулгавартай захирагдвал тэд баярладаг (Ев 13:17).

• 

  Талархсанаа илэрхийлээрэй. Хичээл зүтгэл гаргасан нь ямар ач тустай байсныг дүүрэг хариуцагчид болон эхнэрт нь хэлээрэй. Шууд хэлж болно, эсвэл зурвас бичиж өгч болно (Кол 3:15).