Бие дааж илүү үр өгөөжтэй судлаарай

ЯАГААД ЧУХАЛ ВЭ? Бие дааж судалдгийнхаа ачаар бид «үнэн хэчнээн өргөн, урт, өндөр, гүн болохыг ... гүйцэд ойлгодог» (Эф 3:18). Мөн хорон муу ертөнцийнхний дунд гэм зэмгүй явж, «амийн үгнээс чанга зуурдаг» (Флп 2:15, 16). Бурхны Үгийг бие дааж судалбал өөртөө хэрэгтэй зүйлийг олж авна. Библиэ бие дааж үр өгөөжтэй уншиж судлахын тулд яах ёстой вэ?

ЯАХ ХЭРЭГТЭЙ ВЭ?

• Бие дааж судалдаг Библи дээрээ (хэвлэмэл ч бай, электрон ч бай) зурж тодруулан, тэмдэглэл бичээрэй

• Библиэ уншиж байхдаа «Хэн? Юу? Хэзээ? Хаана? Яагаад? Яаж?» гэсэн асуултуудыг бодоорой

• Баримт олж аваарай. Судалгааны хэрэгслүүдийг ашиглаарай. Судлах сэдэв юм уу Библийн зүйлийг бичиж оруулан хайгаарай

• Уншиж байгаа зүйлээ эргэцүүлэн бодож, өөртөө хэрхэн хэрэгжүүлэхээ бодоорой

• Сурч мэдсэн зүйлээ өдөр бүр хэрэгжүүлээрэй (Лу 6:47, 48)

«БИЕ ДААЖ ҮР ӨГӨӨЖТЭЙ СУДЛАН АМИЙН ҮГНЭЭС ЧАНГА ЗУУР» ВИДЕОГ ҮЗЭЭД ДАРААХ АСУУЛТАД ХАРИУЛААРАЙ

• Зарим хүний хэлснээр бие дааж судлах гэж юу вэ?

• Бие даасан судлал болгоныхоо өмнө залбирах ёстойн учир юу вэ?

• Библийн зүйлийг илүү сайн ойлгохын тулд яах хэрэгтэй вэ?

• Бие даан судалдаг Библи дээрээ ямар тэмдэглэл хийж болох вэ?

• Библиэ судлахдаа эргэцүүлэн бодох нь чухал гэхийн учир юу вэ?

• Сурч мэдсэн зүйлээ яах ёстой вэ?