БУРХНЫ ҮЙЛЧЛЭГЧИЙН ЁСООР АМЬДРАХ НЬ

Тоглож зугаацах зүйлээ ухаалаг сонгоорой

Тоглож зугаацах зүйлээ ухаалаг сонгох ёстойн учир юу вэ? Үзэх кино, сонсох дуу, орох вэб саит, унших ном, тоглох видео тоглоом маань бидний ухаан санаанд үлддэг. Юу сонгоно, тэр нь зан авирт нөлөөлнө. Харамсалтай нь өнөө үеийн үзэж сонирхох зүйлд Еховагийн буруушаадаг үйл хэрэг их орсон байдаг (Ду 11:5; Гал 5:19–21). Еховаг магтан алдаршуулах зүйлийг бодож байхыг Библи уриалдаг нь ийм учиртай (Флп 4:8).

«БИ ЯМАР ТОГЛООМ СОНГОХ ВЭ?» ВИДЕОГ ҮЗЭЭД ДАРААХ АСУУЛТАД ХАРИУЛААРАЙ

Орчин үеийн зарим тоглоом эртний Ромын гладиаторуудын тулаантай юугаараа адилхан бэ?
Тоглож зугаацах зүйлээ сонгоход нь хурлынхан нь хүүхэд залуучууддаа хэрхэн тусалж болох вэ?
Тоглох тоглоомоо сонгоход маань Ром 12:9 хэрхэн тус болох вэ?
Танай ойр хавьд чөлөөт цагаа зөв зохистой өнгөрөөж болох ямар ямар газар байдаг вэ?

ИДЭВХТЭЙ БА ИДЭВХГҮЙ ЗУГАА ЦЭНГЭЛ ГЭНЭ ҮҮ?

Орчин үеийн зугаа цэнгэл хүмүүсийг идэвхтэй биш, идэвхгүй болгож байна. Кино, ном, зурагтын хөтөлбөрөөр бусдын уран бүтээлийг л танилцуулдаг. Ийм идэвхгүй зугаа цэнгэлийн оронд идэвхтэй зугаа цэнгэлийг сонговол илүү үр дүнтэй. Жишээлбэл зарим хүн хөгжмийн зэмсэг тоглох юм уу зураг зурдаг. Зарим нь спорт тоглоом тоглох юм уу явган аялал хийдэг, хөдөө хээр аялдаг. Юу ч сонгосон «Бурхныг алдаршуулахын төлөө бүхнийг хийцгээе» (1Ко 10:31).