Гэр бүлээ бат бөх байлгах нь

Ехова гэрлэлтийн тангаргийг маш чухалд үздэг. Тэрбээр эхнэр нөхөр хоёрыг нэгэн бие мэт байх ёстой гэж хэлсэн (Мт 19:5, 6). Бурхны ард түмний дунд үлгэр жишээч гэр бүлүүд олон бий. Гэсэн ч төгс гэр бүл гэж байхгүй. Асуудал зайлшгүй гарна. Гэрлэсэн хосуудын хооронд зөрчил үүсэхэд тусдаа амьдрах юм уу салсан нь дээр гэж олон хүн үздэг ч бид тэгж бодох ёсгүй. Гэр бүл болсон Христийн дагалдагчид хэрхэн бат бөх холбоотой байдаг вэ?

Дараах 5 аргыг бодож үзээрэй.

1. Хэн нэгэнтэй сээтгэнэх юм уу хуял тачаал хөдөлгөсөн юм үзэх нь хосуудын харьцааг эвддэг болохоор тийм юмнаас зайлсхийж зүрхээ хамгаалаарай (Мт 5:28; 2 Пе 2:14).

2. Бурхантай илүү дотносож, гэр бүлийн үүргээ биелүүлэх нь түүнд таалагддаг гэдгийг санаж яваарай (Ду 97:10).

3. Үргэлж шинэ хүнийг өмсөн ханийнхаа төлөө жирийн юман дээр ч эелдэг зан гаргаж байгаарай (Кол 3:8–10, 12–14).

4. Бие биеэ хүндэтгэн бодол санаагаа сайтар хуваалцаж байгаарай (Кол 4:6).

5. Ханийн үүргээ биелүүлэхдээ хайрлан энхрийлээрэй (1 Ко 7:3, 4; 10:24).

Христийн дагалдагчид гэрлэлтийг хүндэтгэснээр Еховаг хүндэтгэж байгаагаа харуулдаг.

«БИД “ТЭВЧЭЭРТЭЙ ГҮЙХ” ЁСТОЙ—ТЭМЦЭЭНИЙ ДҮРМИЙГ САХИАРАЙ» ВИДЕОГ ҮЗЭЭД ДАРААХ АСУУЛТАД ХАРИУЛААРАЙ.

• 

  Гэр бүлийн амьдрал эхэндээ жаргалтай ч цаашдаа ямар зовлон тохиож болох вэ?

• 

  Хайр нь хөрсөн хосуудын хувьд Библийн зарчмууд ямар ач тустай вэ?

• 

  Ехова эхнэр нөхрүүдэд зориулан ямар дүрэм тогтоосон бэ?

• Гэр бүлийн амьдралаа жаргалтай байлгахын тулд эхнэр нөхрүүд яах ёстой вэ?