БУРХНЫ ҮЙЛЧЛЭГЧИЙН ЁСООР АМЬДРАХ НЬ
Чуулган бол хайраа илэрхийлэх сайхан боломж
Бид жил бүрийн чуулганаар яагаад тэгтлээ их баярладаг вэ? Өнөө үед эртний Израйлд байсан шиг олон зуун, бүр хэдэн мянган итгэл нэгтэнтэйгээ хамтран Еховаг шүтэх боломжийг бидэнд чуулган олгодог. Еховатай дотносоход ач тустай олон хөтөлбөрийг үзэж сонсохдоо бид их баярладаг. Бас гэр бүл болон найзуудтайгаа тэр цаг мөчүүдийг гоё өнгөрүүлдэг. Ийм учраас бид чуулганы гурван өдрийн хөтөлбөрийг таслахгүй байхыг эрмэлздэг.
Ингэж олноороо цугларахад бид зөвхөн өөрсдийн ач тусыг бодох биш, бусдад хайраа яаж харуулах тухай бодох ёстой (Гал 6:10; Ев 10:24, 25). Бид ах дүү нартаа хаалга нээж өгснөөр эсвэл өөрсдийн суудлаас өөр суудал эзлэхгүй байснаар бусдын ашиг сонирхлыг боддогоо харуулж болох юм (Флп 2:3, 4). Чуулганаар бидэнд шинэ найзтай болох сайхан боломж гардаг. Чуулган эхлэхээс өмнө юм уу дараа нь, эсвэл үдийн цайгаар бид танихгүй хүнтэй танилцахыг зорьж болох юм (2 Ко 6:13). Ингэснээр үүрд мөнхөд үргэлжлэх нөхөрлөл эхэлж магадгүй. Хамгийн гол нь чин сэтгэлийн маань хайрыг харсан хүмүүс бидэнтэй хамт Еховад үйлчлэх хүсэлтэй болж болох юм (Ёох 13:35).
«“ХАЙР ХЭЗЭЭ Ч ДУУСДАГГҮЙ!” ОЛОН УЛСЫН ЧУУЛГАН» ВИДЕОГ ҮЗЭЭД ДАРААХ АСУУЛТАД ХАРИУЛААРАЙ.
2019 оны олон улсын чуулганд зочилсон төлөөлөгчдөд нутгийнхан хайраа хэрхэн харуулсан бэ?
Еховагийн ард түмэн яагаад хайр болон эв нэгдлээрээ онцлог байна вэ?
Удирдах Зөвлөлийн гишүүд Христийн дагалдагчдын хайрын талаар юу юуг онцолсон бэ?
Хайраар бялхдаг чуулганд та ямар хувь нэмэр оруулах вэ?
Герман болон Өмнөд Солонгост Христийн дагалдагчдын хайр ахан дүүсийг хэрхэн нэгтгэсэн бэ?
Бидний зорилго ямар байх ёстой вэ?