Эмнэлгийн яаралтай тусламж авахад одооноос бэлдээрэй

Яагаад бэлдэх хэрэгтэй вэ? Түргэн тусламж дуудаад, эмнэлэгт хэвтэж эмчлүүлэх хэрэг гэв гэнэт гардаг. Тиймээс гэнэтийн шаардлага гарахаас өмнө, аль болох сайн эмчилгээ авахын тулд бэлтгэлтэй байгаарай. Ингэснээр амь болон цусны талаарх Еховагийн хуулийг үнэлж эрхэмлэдгээ харуулна (Үй 15:28, 29).

Юу юу бэлдэх вэ?

• Сайн залбирч нухацтай бодож байгаад хүсэл зоригийн илэрхийлэл (ХЗИ) хуудсыг бөглөөрэй.a Баптисм хүртсэн дэлгэрүүлэгчид өөрсдөдөө ХЗИ хуудсыг, хүүхдэдээ зориулж «Хувийн үнэмлэх» (ic) хуудсыг ном хэвлэл хариуцагчаас авч болно

• Жирэмсэн бол ахлагчдаас «Жирэмсэн хүмүүст зориулсан мэдээлэл»-ийг (S-401) аваарай. Жирэмсний хугацаанд бас төрөх явцад ямар нэг хүндрэл гарахад зөв шийдвэр гаргахад тань энэ материал тус болно

• Цустай холбоотой эмчилгээ хийлгэх шаардлага гарвал эсвэл эмнэлэгт хэвтэх болбол ахлагчдад даруйхан мэдэгдээрэй. Бас Еховагийн Гэрчүүдийн төлөөлөгчийг ирүүлэхийг хүсэж байгаагаа эмч нарт хэлээрэй

Ахлагчид яаж тусалдаг вэ? ХЗИ хуудсыг бөглөхөд тань тусална. Гэхдээ ахлагчид эмчилгээтэй холбоотой асуудлаар таны өмнөөс шийдвэр гаргах юм уу өөрийнхөө үзлийг тулгахгүй (Ро 14:12; Гал 6:5). Цустай холбоотой эмчилгээ хийлгэх шаардлага гарлаа гэхэд хурлын ахлагчиддаа мэдэгдвэл тэд таны өмнөөс Эмнэлэгтэй хамтран ажиллах хороотой (ЭХАХ) холбоо барина.

ЭХАХ яаж тусалдаг вэ? ЭХАХ-нд үйлчилдэг ах нар цусны талаарх итгэл үнэмшлээ хуулийнханд болон эмнэлгийнхэнд тайлбарлахтай холбоотой сургалтанд хамрагдсан хүмүүс юм. Тэд цусгүй эмчилгээний арга барилын талаар эмч ажилтнуудтай ярилцана. Шаардлагатай бол Гэрчүүдтэй хамтран ажилладаг эмчийг олоход тусална.

«ЦУСЫГ ЭМЧИЛГЭЭНИЙ ЗОРИЛГООР ХЭРЭГЛЭХ ЭСЭХЭЭ ШИЙДЭХДЭЭ ЮУ АНХААРАХ ВЭ?» ВИДЕОГ ҮЗЭЭД ДАРААХ АСУУЛТАД ХАРИУЛААРАЙ.

• Энэ видеоноос цустай холбоотой асуудал гарахад бэлтгэлтэй байх талаар та юу ойлгож авсан бэ?

  Хариу