БУРХНЫ ҮЙЛЧЛЭГЧИЙН ЁСООР АМЬДРАХ НЬ
Бурхных шиг үзэл бодолтой болцгооё
Бид юу ч хийсэн Еховаг баярлуулахыг хүсдэг (Су 27:11). Ингэхийн тулд тодорхой хууль тушаал байхгүй үед ч Еховатай адилхан бодож, шийдвэр гаргах хэрэгтэй. Тэгвэл яах вэ?
Библиэ тогтмол уншиж судлаарай. Библи уншихдаа бид Еховаг ойроос хардаг. Ехова ард түмэнтэйгээ хэрхэн харьцаж байсныг, бас хүмүүсийн сайн муу жишээг судалбал үзэл бодлыг нь мэдэж авна. Шийдвэр гаргах болоход, Бурхны Үгнээс мэдэж авсан чухал сургамж, зарчмуудыг агуу хүч бидэнд сануулна (Ёох 14:26).
Судалгаа хийгээрэй. Шийдвэр гаргахдаа та өөрөөсөө «Энэ асуудлын талаарх Еховагийн үзэл бодлыг Библийн ямар зүйл эсвэл үйл явдлаас мэдэж болох вэ?» гэж асуугаарай. Еховад залбирч байгаад өөрийн хэл дээрх байгууллагаас бэлдсэн судалгааны хэрэгслийг ашиглаж хэрэг болох Библийн зарчмуудыг олоод хэрэгжүүлээрэй (Ду 25:4).
«БИД “ТЭВЧЭЭРТЭЙ ГҮЙХ” ЁСТОЙ—ШИМ ТЭЖЭЭЛТЭЙ ХООЛ ИДЭЭРЭЙ» ВИДЕОГ ҮЗЭЭД ДАРААХ АСУУЛТАД ХАРИУЛААРАЙ.
Гэрч охинд ямар асуудал тулгарсан бэ?
Танд бас ийм асуудал тулгарвал судалгааны хэрэгслийг яаж ашиглах вэ?
Зөв шийдвэр гаргахын тулд яагаад цаг зав гарган судалгаа хийх хэрэгтэй вэ? (Ев 5:13, 14).