Зургуудаас их ач тус хүртээрэй

Манай ном хэвлэлд гол санааг онцлох олон сайхан зураг бий. Тэдгээрээс аль болох их ач тус хүртье гэвэл яах вэ?

• Өгүүллийг уншихаасаа өмнө зургуудыг нь хараарай. Тэгвэл сонирхол татагдаж, уншмаар санагдах байх. Яг л урдаа байгаа сайхан хоолыг хараад амтыг нь мэдрэхтэй адил юм. Тиймээс «Энэ зураг юу өгүүлж байгаа юм бол?» гэж бодоорой (Ам. 7:7, 8).

• Өгүүллийг уншиж байхдаа яагаад энэ зургийг сонгосныг бодоорой. Хэрэв зургийн тайлбар байвал уншаарай. Тэгээд тухайн зураг уншиж байгаа зүйлтэй болон өөрт тань ямар хамаатайг эргэцүүлээрэй.

• Уншиж дуусчихаад зургуудыг дахин харж гол санааг давтаарай. Дараа нь сэтгүүлээ хаагаад ямар зургууд байсныг болон зураг болгоноос юу мэдэж авснаа санаарай.

• Та яг одоо уншиж буй сэтгүүлийнхээ зургуудыг дахин үзэж, юу мэдэж авснаа санаж байгаа эсэхээ шалгавал ямар вэ?