Улс төр яагаад хүмүүсийг талцуулдаг вэ?—Библид юу гэж байдаг вэ?

Дэлхийн аль ч улс оронд улс төр хүмүүсийг талцуулан хуваадаг. Пью судалгааны төвөөс 2022 онд гаргасан судалгааг үзвэл «19 орны насанд хүрэгчдийн 65% нь улс оронд нь янз бүрийн намуудыг дэмжигчдийн дунд хурц болон маш хурц санал зөрөлдөөн үүсдэг гэж хэлжээ».

Таны амьдарч байгаа газар улс төр хүмүүсийг талцуулан хувааж байгааг та анзаарч байна уу? Яагаад ийм юм болдог вэ? Ийм байдлаас гарах арга зам байдаг уу? Библид юу гэж байдаг вэ?

Талцан хуваагдах хандлага

Библид бидний амьдарч байгаа цаг үеийг «эцсийн өдрүүд» гэж тодорхойлоод, эв нэгдэлтэй байж чадахгүйд хүрэх хандлага олон хүн илэрхийлнэ гэж зөгнөжээ.

• «Эцсийн өдрүүдэд илүү хэцүү цаг ирнэ гэдгийг мэдэж ав. Учир нь хүмүүс аминч, ... эвлэршгүй ... болно» (2 Тимот 3:1–3).

Олон хүн төр засгаа амжилттай ажиллуулах гэж хичээдэг ч үр дүнд хүрдэггүй. Өөр өөр үзэл бодолтой хүмүүс хамтарч асуудлаа шийдэж чаддаггүй. Энэ нь яг л эрт цагт Библид бичигдсэний дагуу болдог.

• «Бусдыг хорлох замаар эрх мэдлийг хэрэгжүүлдэг хүн ч байдаг аж» (Номлогчийн үгс 8:9).

Библид ийм байдлаас гаргах засгийн газрын тухай гардаг. Энэ засгийн газрын тэргүүн нь хүмүүст тулгарч байгаа асуудлыг бүрэн шийдэх чадвартай.

Санаа тавьдаг, чадварлаг удирдагч

Асуудлыг ямар удирдагч шийдэж чадахыг Библи хэлж өгдөг. Тэр нь Есүс Христ юм. Есүс хүн төрөлхтөнд эв нэгдэл, амар тайвныг авчрах чадалтай, эрх мэдэлтэй, хүсэлтэй.

• «Түүний өдрүүдэд зөв шударга хүн цэцэглэг» (Дуулал 72:7).

• «Бүх үндэстнүүд түүнд зарагдах болтугай» (Дуулал 72:11).

Есүс хүмүүст, ялангуяа шударга бус явдлын золиос болсон хүнд санаа тавьдаг, туслахыг хүсдэг төгс удирдагч юм.

• «Тэрбээр гачигдагчийг тусламж гуйн хашхирахад нь, мөн дарлагдагчийг болон туслагчгүй нэгнийг ч бас аварна. Тэрээр ядуус ба гачигдагсдыг өршөөх бөгөөд гачигдагсдын амийг аврах болно. Тэр тэдний амийг дарамт ба хүчирхийллээс аварна» (Дуулал 72:12–14).

Бурхны Хаант төр буюу Есүсийн удирдах тэнгэрийн засгийн газрын тухай илүү ихийг мэдэж аваарай. Таны сайн сайхны төлөө юу хийх вэ, та яаж дэмжиж болох вэ гэдгийг мэдэж аваарай.

• «Бурхны Хаант төр гэж юу вэ?» видеог үзээрэй.

• «Бурхны Хаанчлал—Авилгаас ангид засгийн газар» өгүүллийг уншаарай.