Ажил, мөнгөний талаар Библид юу гэж байдаг вэ?

Ажил алба, мөнгө төгрөгийн асуудал таны санааг зовоож байв уу? Ажил хийж амьдралаа залгуулахын зэрэгцээ Еховаг таалалд нь нийцүүлж шүтэх танд амаргүй санагддаг уу? Ийм үед тус болох олон зөвлөгөө Библид бий.

1. Библид ажил хөдөлмөрийн талаар юу гэж байдаг вэ?

Бурхан биднийг хийж байгаа ажлаасаа баяр хөөр эдлээсэй гэж хүсдэг. Библид бичсэнээр «Ажил үйлс минь сайн байна гэж өөртөө хэлэхээс илүү зүйл хүний хувьд байхгүй» (Номлогчийн үгс 2:24). Ехова бол ажилсаг Бурхан. Бид бас ажилч хичээнгүй байвал Бурхнаа ч баярлуулна, өөрсдөө ч баяр хөөр эдэлнэ.

Ажиллаж хөдөлмөрлөх нь чухал. Гэхдээ ажил албаа Еховаг шүтэхээс дээгүүр тавьж болохгүй (Ёохан 6:27). Хэрвээ бид Еховаг эн тэргүүнд тавьж амьдарвал Ехова хэрэгцээг маань хангахаа амласан.

2. Мөнгөнд яаж зөв хандах вэ?

Библид «Мөнгө бол хамгаалалт» гэж бичсэн байдаг. Гэхдээ мөнгийг аз жаргалын түлхүүр биш гэж тодорхой сануулдаг (Номлогчийн үгс 7:12). Тийм учраас «Мөнгийг бүү хайрла, харин байгаа юмандаа сэтгэл хангалуун бай» гэж зөвлөдөг (Еврей 13:5-ыг уншина уу). Библийн энэ зөвлөгөөг хэрэгжүүлбэл илүү юманд шунаж өөрийгөө зовоохгүй, шаардлагагүй юманд өр тавихгүй (Сургаалт үгс 22:7). Бас мөрийтэй тоглоом тоглох, хялбар аргаар баяжих гэсэн урхинд орохгүй.

3. Мөнгөө бусдын төлөө яаж зарцуулах вэ?

Ехова бол өгөөмөр Бурхан. Бид ч «өгөөмөр бөгөөд хуваалцахад бэлэн байх» хэрэгтэй (1 Тимот 6:18). Хурлын үйл ажиллагааг дэмжиж хандив өргөх, гачигдсан хүмүүст ялангуяа итгэл нэгтнүүддээ тусламжийн гараа сунгах зэргээр өгөөмөр сэтгэл гаргаж болно. Еховагийн хувьд их бага нь чухал биш, ямар сэтгэлээр өгдөг нь чухал. Чин сэтгэлээсээ өгдөг бол өөрсдөө ч баяр жаргал эдэлнэ, Еховаг ч баярлуулна (Үйлс 20:35-ыг уншина уу).

УХАЖ ОЙЛГОЁ

4. Ажилдаа зөв хандаж Еховаг алдаршуулаарай

ВИДЕО: «Еховагийн төлөө чин сэтгэлээсээ хий» (4:39)

• Жейсон ажилдаа яаж хандаж, биеэ хэрхэн авч явж байгаа нь танд таалагдсан уу? Яагаад?

• Ажил албаа нэгдүгээрт тавихгүй байхад нь юу тус болсон бэ?

Колосай 3:23, 24-ийг уншина уу. Дараах асуултад үндэслэн ярилцаарай.

• Ажлаа чин сэтгэлээсээ хийх нь яагаад чухал вэ?

Ажиллаж хөдөлмөрлөх нь чухал. Гэхдээ ажил албаа Еховаг шүтэхээс илүү чухалд үзэж болохгүй

5. Байгаадаа сэтгэл хангалуун байх нь ашиг тустай

Олон хүн аль болох их мөнгөтэй болохыг хүсдэг. Гэхдээ Библид дараах зөвлөгөө бий. 1 Тимот 6:6–8-ыг уншина уу. Дараах асуултад үндэслэн ярилцаарай.

• Библи бидэнд яахыг зөвлөдөг вэ?

ВИДЕО: «Байгаа юмандаа сэтгэл хангалуун» байгаарай (3:20)

• Энэ гэр бүлүүд боломж бололцоо тааруу ч яагаад жаргалтай байдаг вэ?

Нөгөөтээгүүр элбэг хангалуун амьдардаг ч илүүг хүсээд байвал яах вэ? Энэ нь хэр аюултайг Есүс жишээгээр тайлбарлажээ. Лук 12:15–21-ийг уншина уу. Дараах асуултад үндэслэн ярилцаарай.

• Та Есүсийн татсан энэ жишээнээс юу ойлгосон бэ? (15-р зүйлийг үзнэ үү).

Сургаалт үгс 10:22; 1 Тимот 6:10-ыг уншаад хооронд нь харьцуулж бодоорой. Дараах асуултад үндэслэн ярилцаарай.

• Таны бодлоор Еховатай дотно байх, их мөнгөтэй байх хоёрын аль нь илүү чухал вэ? Яагаад?

• Мөнгөний хойноос үхэн хатан явах нь ямар аюултай вэ?

6. Ехова хэрэгцээг маань хангана

ВИДЕО: «Ехова хэрэгцээг маань хангана» (6:21)

• Видеонд гарсан Гэрч ямар асуудалтай тулгарсан бэ?

• Хүнд үеэ яаж давсан бэ?

Матай 6:25–34-ийг уншина уу. Дараах асуултад үндэслэн ярилцаарай.

• Ехова өөрийг нь эн тэргүүнд тавьдаг хүмүүст юу гэж амладаг вэ?

ДҮГНЭЛТ

Ажил төрөл, мөнгө төгрөг зайлшгүй хэрэгтэй ч Еховаг шүтэхэд маань саад болох ёсгүй.

Давтах асуулт

• Та ажилдаа яаж зөв хандах вэ?

• Байгаадаа сэтгэл хангалуун байвал танд ямар ашиг тустай вэ?

• Та Еховаг хэрэгцээг тань хангана гэдэгт итгэдгээ яаж харуулах вэ?

МЭДЛЭГЭЭ ТЭЛЬЕ

Мөнгийг бузар муугийн үндэс гэж Библид бичсэн байдаг уу?

«Мөнгө бүх төрлийн бузар муугийн үндэс мөн үү?» (Веб өгүүлэл)

Мөнгөө яаж зарцуулбал Бурханд таалагдах вэ?

«Өглөгч байх талаар Библид юу гэж байдаг вэ?» (Веб өгүүлэл)

Мөрийтэй тоглоом үнэхээр аюулгүй гэж үү?

«Бурхны үзэл бодол—Мөрийтэй тоглоом» («Сэрцгээ!», 2015 оны 3-р сар)