Хүн яагаад зовдог вэ?

Гай зовлон тохиолдоход хүн өөрийн эрхгүй «Яагаад ийм юм болчихов?» гэж боддог. Энэ асуултад Библи тов тодорхой хариу өгдөг.

1. Сатан муу муухай бүхний эх үндсийг яаж тавьсан бэ?

Сатан өөрөө захирагч болохыг хүсээд Еховад тэрсэлжээ. Тэрбээр анхны хоёр хүн Адам Еваг талдаа оруулсан юм. Яаж тэр вэ? «Та нар ерөөсөө үхэхгүй, Еховад захирагдахгүй бол харин ч сайхан амьдарна» гэж итгүүлж дөнгөжээ (Эхлэл 3:1–5). Энэ бол түүхэн дэх анхны худал үг юм. Ийм учраас Библид Сатаныг «худалч бөгөөд худал хуурмагийн эцэг» гэж бичсэн байдаг (Ёохан 8:44).

2. Адам Ева хоёр яахаар шийдсэн бэ?

Ехова их өгөөмөр сэтгэлтэй учраас Адам Ева хоёрыг Еден цэцэрлэг дэх моддын жимснээс хүссэнээрээ идэж болно гэжээ. Харин ганцхан модны жимснээс идэж болохгүй гэсэн юм (Эхлэл 2:15–17). Даанч тэд үгэнд нь ороогүй. Ева «түүнээс авч иджээ». Адам ч «иджээ» (Эхлэл 3:6). Уг нь тэд төгс байсан учраас буруу юм хийх төрөлхийн хандлага байгаагүй. Тэгсэн хэр нь санаатайгаар нүгэл үйлдэж, Бурханд захирагдахаас татгалзсан. Үүний гайгаар маш их зовсон (Эхлэл 3:16–19).

3. Адам Ева хоёр ямар гай тарьсан бэ?

Адам Ева хоёр нүгэл үйлдээд төгс бус болсон. Ийм учраас үр удамдаа бас төгс бус байдлыг өвлүүлжээ. Библид Адамын тухай бичихдээ «Нэг хүнээс болж бүх хүн нүгэлтэй болсон. Нүгэлтэйн улмаас үхдэг болсон. Ийнхүү үхэл бүх хүнд тархжээ» гэсэн байдаг (Ром 5:12).

Хүн бас өөр янз бүрийн шалтгаанаас болж зовдог. Жишээлбэл өөрийнхөө болон бусдын гаргасан буруу шийдвэрээс болж зовдог. Заримдаа буруу газраа цагаа ололгүй байж таараад гай зовлонд өртдөг (Номлогчийн үгс 9:11-ийг уншина уу).

УХАЖ ОЙЛГОЁ

4. Биднийг зовж байгаад хэн буруутай вэ?

Олон хүн энэ ертөнцийг Бурхан захирдаг гэж боддог. Үнэхээр тийм гэж үү? ВИДЕОГ хамт үзээрэй.

ВИДЕО: «Хэн ертөнцийг захирдаг вэ?» (1:24)

Яаков 1:13, 1 Ёохан 5:19-ийг уншина уу. Дараах асуултад үндэслэн ярилцаарай.

• Хүн зовж зүдэрч, муу муухай юм үзэж байгаад Бурхан буруутай юу?

5. Сатан захирсны үр дагавар

ВИДЕО: «Бурхан зовлон зүдүүрийг яагаад хүлцэн зөвшөөрдөг вэ?»—Видеоны хэсгээс (3:07)

Эхлэл 3:1–6-г уншаад дараах асуултад үндэслэн ярилцаарай.

• Сатан юу гэж худлаа ярьсан бэ? (4, 5-р зүйлийг үзнэ үү).

• Сатан Еховаг хүмүүсээс сайн сайхан юм нуудаг гэж гүтгэсэн. Энэ нь аль үгээс нь харагддаг вэ?

• Сатаны хэлснээр бол, хүн Еховад захирагдвал жаргалтай амьдрах уу?

Номлогчийн үгс 8:9-ийг уншина уу. Дараах асуултад үндэслэн ярилцаарай.

• Хүмүүс Еховад захирагдахаа больсноос хойш юу болсон бэ?

• А. Төгс Адам Ева хоёр диваажинд амьдарч байв. Гэхдээ Сатаны үгэнд ороод Еховад тэрсэлсэн

• Б. Тэр цагаас хойш хүмүүс нүгэлтэй болж, зовдог, үхдэг болсон

• В. Ехова нүгэл, үхэл, зовлонг үгүй болгоно. Хүмүүс эргээд төгс болж, диваажинд амьдарна

6. Ехова биднийг анхаарч халамжилдаг

Биднийг зовоход Бурхан анхаарч хардаг уу? Давид хаан болон элч Петр юу гэж бичсэнийг анхааръя. Дуулал 31:7; 1 Петр 5:7-г уншина уу. Дараах асуултад үндэслэн ярилцаарай.

• Биднийг зовоход Ехова анхаарч халамжилдгийг бодохоор танд ямар санагдаж байна вэ?

ДҮГНЭЛТ

Сатан Диавол болон анхны хоёр хүн бол муу муухай явдлын гол буруутан юм. Биднийг зовж зүдрэхэд Ехова маш их анхаарч халамжилдаг төдийгүй удахгүй зовлонгоос ангижруулна.

Давтах асуулт

• Сатан Диавол Евад юу гэж худлаа ярьсан бэ?

• Адам Ева хоёр тэрсэлсний гайгаар хүн төрөлхтөн яаж зовж байна вэ?

• Ехова зовж байгаа хүнийг анхаарч халамжилдаг гэж яагаад хэлж болох вэ?

МЭДЛЭГЭЭ ТЭЛЬЕ

Библид нүглийг юу гэж тодорхойлдгийг мэдэж аваарай.

«Нүгэл гэж юу вэ?» (Веб өгүүлэл)

Еден цэцэрлэгт Сатаны дэгдээсэн маргаантай асуудлын тухай уншаарай.

«Бурхан яагаад зовлон зүдүүрийг хүлцэн тэвчдэг вэ?» («Харуулын цамхаг», 2014 оны 4–6 сар)

Дараах асуултад Библи ямар сэтгэл тайвшруулам хариу өгдгийг уншаарай.

«Еврейчүүдийг хоморголон устгах явдал яагаад болсон бэ? Бурхан яагаад болиулаагүй вэ?» (Веб өгүүлэл)