Хүмүүст дуулгахгүй байхын аргагүй үнэхээр сайхан мэдээ Библид бий. Бурхны Хаант төр тун удахгүй хүн төрөлхтний бүх асуудал бэрхшээлийг шийднэ. Есүс энэ мэдээг бүх хүнд дуулгахыг шавь нартаа захисан (Матай 28:19, 20). Еховагийн Гэрчүүд Есүсийн энэ захиасыг яаж биелүүлдэг вэ?

1. Матай 24:14-т бичсэн зөгнөл яаж биелж байна вэ?

«Хаант төрийн тухай энэхүү сайн мэдээг ... дэлхий даяар тунхаглана» гэж Есүс зөгнөсөн (Матай 24:14). Энэ зөгнөл одоо биелж байна. Еховагийн Гэрчүүд дэлхий даяар 1000 гаруй хэлээр сайн мэдээг тунхагладаг. Энэ нүсэр ажлын ард гарахын тулд асар их хичээл зүтгэл гаргаж, зохион байгуулалттай байх шаардлагатай. Бас Еховагийн тусламж зайлшгүй хэрэгтэй.

2. Бид сайн мэдээг яаж дэлгэрүүлдэг вэ?

Бид Еховагийн санаа зорилгын тухай ярих боломж бүрийг ашигладаг. Тийм болохоор хүн хаана байна, тэнд дэлгэрүүлдэг. І зууны Христийн дагалдагчдын адилаар «айлаар» дэлгэрүүлдэг (Үйлс 5:42). Ингэж зохион байгуулалттай дэлгэрүүлдэг учраас жил бүр сая сая хүнд үнэнийг тунхагладаг. Гэхдээ зарим хүн гэртээ байдаггүй болохоор олон нийтийн газраар бас дэлгэрүүлдэг.

3. Хэн сайн мэдээг тунхаглах үүрэгтэй вэ?

Бүх Гэрч сайн мэдээг тунхагладаг. Энэ ажил маань хүмүүсийн амь настай холбоотой учраас бид боломж бололцоогоо дайчлан дэлгэрүүлдэг (1 Тимот 4:16-г уншина уу). Сайн мэдээ тунхагласныхаа төлөө цалин хөлс авдаггүй. Учир нь Библид «Үнэгүй авснаа үнэгүй өг» гэж байдаг (Матай 10:7, 8). Зарим хүн сайн мэдээнд маань нааштай ханддаггүй. Гэхдээ бид шантардаггүй. Яагаад гэвэл сайн мэдээ тунхаглах нь шүтлэгийн маань салшгүй хэсэг билээ. Биднийг дэлгэрүүлэхэд Ехова баярладаг.

УХАЖ ОЙЛГОЁ

4. Бүх хүнд дэлгэрүүлэхийг зорьдог

ВИДЕО: «Дэлхий даяар гэрчлэх» нь (7:33)

• Еховагийн Гэрчүүд дэлгэрүүлэхийн тулд ийм их хичээдгийнх нь юу нь танд сайхан санагдаж байна вэ?

Матай 22:39; Ром 10:13–15-ыг уншина уу. Дараах асуултад үндэслэн ярилцаарай.

• Дэлгэрүүлдэг маань бусдыг хайрладгийн шинж гэж яагаад хэлж болох вэ?

• Сайн мэдээ тунхагладаг хүмүүс Еховад ямар санагддаг вэ? (15-р зүйлийг үзнэ үү).

5. Бид Бурхны хамтран зүтгэгчид

Ехова бидний ажлыг удирддагийг батлах олон жишээ бий. Шинэ Зеландад нэг эмэгтэйд тохиолдсон явдлыг авч үзье. Тэрбээр нэг өглөө Еховагийн нэрийг хэлээд залбирч хүн явуулж өгөөч гэж гуйжээ. Тэгтэл гуравхан цагийн дараа Паул гэдэг Гэрч эрэгтэй хаалгыг нь тогшсон байна.

1 Коринт 3:9-ийг уншина уу. Дараах асуултад үндэслэн ярилцаарай.

• Ехова дэлгэрүүлэх ажлыг удирддагийг дээрхтэй төстэй тохиолдлууд яаж баталдаг вэ?

Үйлс 1:8-ыг уншина уу. Дараах асуултад үндэслэн ярилцаарай.

• Дэлгэрүүлэх ажлаа хийхэд маань Еховагийн тусламж яагаад хэрэгтэй вэ?

Танд сонирхуулахад

Долоо хоног бүр ажлын өдөр болдог цуглаан дээр бид дэлгэрүүлэх ур чадвараа сайжруулдаг. Та энэ цуглаанд сууж үзсэн үү? Тийм бол энэ сургалт танд ямар санагдсан бэ?

6. Бид Бурханд захирагдаж дэлгэрүүлдэг

I зуунд Христийн дагалдагчдыг сайн мэдээ тунхаглахад эсэргүүцэгчид зогсоохыг оролдож байжээ. Гэхдээ тэд «сайн мэдээг ... тунхаглах эрхээ хууль ёсных гэж баталсан» (Филиппой 1:7). Өнөөдөр ч мөн ялгаагүй Еховагийн Гэрчүүд сайн мэдээ тунхаглах эрхээ хамгаалдаг.a

ВИДЕО: «Сайн мэдээ тунхаглах эрхээ хуулиар хамгаалах нь» (2:28)

Үйлс 5:27–42-ыг уншина уу. Дараах асуултад үндэслэн ярилцаарай.

• Бид яагаад дэлгэрүүлэхээ болихгүй вэ? (29, 38, 39-р зүйлийг үзнэ үү).

ДҮГНЭЛТ

Есүс бүх үндэстэнд сайн мэдээ тунхаглахыг дагалдагчдадаа захисан. Энэ ажлыг хийхэд Ехова тусалдаг.

Давтах асуулт

• Сайн мэдээг дэлхий даяар хэрхэн тунхаглаж байна вэ?

• Дэлгэрүүлдэг маань бусдыг хайрладгийн шинж гэж яагаад хэлж болох вэ?

• Дэлгэрүүлэх нь сайхан ажил гэж та бодож байна уу? Яагаад?

МЭДЛЭГЭЭ ТЭЛЬЕ

Еховагийн Гэрчүүд хүн ам ихтэй хотуудад яаж дэлгэрүүлдгийг үзээрэй.

«Хүн ам ихтэй хотод дэлгэрүүлэх ажил—Парист» (5:11)

Еховагийн Гэрчүүд дүрвэгсдэд яаж тусалдаг вэ?

«Дүрвэгсдэд үнэнийг тунхагласан нь» (5:59)

Дэлгэрүүлэх ажилд амьдралаа зориулсан хүн хэр их жаргалтай байдаг вэ?

«Амьдралын зөв замыг сонгосондоо баярладаг» (6:29)

Дагалдагч нь болохыг хүссэн хүн бүрийг баптисм хүртэх ёстой гэж Есүс хэлсэн (Матай 28:19, 20-ийг уншина уу). Баптисм гэж юу вэ? Баптисм хүртэх зорилгодоо хүрэхийн тулд ямар алхам хийх хэрэгтэй вэ?

1. Баптисм гэж юу вэ?

Баптисм гэж хөрвүүлдэг грек үг нь «шумбах» гэсэн утгатай. Есүс Иордан голд баптисм хүртээд «уснаас гарсан» гэж Библид байдаг (Марк 1:9, 10). Үүн шиг орчин үед Христийн жинхэнэ дагалдагчид бүтэн биеэрээ усанд булхаж баптисм хүртдэг.

2. Баптисм хүртэж байгаа хүн юуг батлан харуулдаг вэ?

Баптисм хүртэж байгаа хүн Ехова Бурханд өөрийгөө зориулснаа олон нийтэд харуулдаг. Тэгвэл Еховад өөрийгөө зориулна гэж яахыг хэлдэг вэ? Еховад хандан ганцаарчлан залбирч тангараг өргөхийг хэлдэг. Ингэхдээ ганцхан өөрийг нь шүтэж мөнхөд үйлчилнэ, бас хүслийг нь биелүүлэхийг бүхнээс илүү анхаарна гэж амладаг. Түүнээс гадна «өөрийнхөө төлөө амьдрахаа больж» Есүсийн үг сургаал, үлгэр жишээг «үргэлж дагахаар» шийдсэн гэдгээ хэлдэг (Матай 16:24). Ийнхүү Еховад өөрийгөө зориулж баптисм хүртсэн хүн Еховатай болон итгэл нэгтнүүдтэйгээ дотнын найз болдог.

3. Баптисм хүртэхийн тулд яах хэрэгтэй вэ?

Баптисм хүртэхийн тулд эхлээд Еховагийн тухай сурч мэдээд бат итгэдэг болсон байх хэрэгтэй (Еврей 11:6-г уншина уу). Тэгвэл Еховаг улам их хайрладаг болно. Ингээд түүний тухай ярьж, хэм хэмжээнийх нь дагуу амьдрах хүсэл оргилно (2 Тимот 4:2; 1 Ёохан 5:3). «Нэрийг нь зохистой авч яван» хэм хэмжээг нь сахиж амьдраад ирэхээрээ хүн өөрийн эрхгүй амь амьдралаа Еховад зориулж баптисм хүртэх хүсэлтэй болдог (Колосай 1:9, 10).a

УХАЖ ОЙЛГОЁ

4. Есүс баптисм хүртсэнээс бид юу мэдэж авах вэ?

Матай 3:13–17-г уншаад Есүс яаж баптисм хүртсэнийг дэлгэрэнгүй мэдэж аваарай. Дараах асуултад үндэслэн ярилцаарай.

• Есүс нялх хүүхэд байхдаа баптисм хүртсэн үү?

• Есүс яаж баптисм хүртсэн бэ? Толгой руу нь жаахан ус цацаад л болчихсон уу?

Есүс баптисм хүртээд Бурхны өгсөн онцгой даалгаврыг дэлхий дээр биелүүлж эхэлсэн. Лук 3:21–23; Ёохан 6:38-ыг уншина уу. Дараах асуултад үндэслэн ярилцаарай.

• Есүс баптисм хүртсэнийхээ дараа ямар ажлыг голлон анхаарах болсон бэ?

5. Баптисм бол хүрч болох зорилго

Бурханд өөрийгөө зориулж баптисм хүртэнэ гэхээр анхандаа санаанд багтахгүй байж болох юм. Гэхдээ тодорхой алхмуудыг хийвэл энэ чухал шийдвэрийг гаргахад бэлэн болно. Үүнийг харуулсан хэдэн жишээг ВИДЕОНООС хамт үзээрэй.

ВИДЕО: «Еховатай дотносоорой» (1:11)

Ёохан 17:3; Яаков 1:5-ыг уншина уу. Дараах асуултад үндэслэн ярилцаарай.

• Баптисм хүртэхийн тулд юу хийх хэрэгтэй вэ?

• А. Еховад өөрийгөө зориулж мөнхөд үйлчилнэ гэдгээ амлаж байгаа нь

• Б. Еховад өөрийгөө зориулснаа олон нийтэд харуулж баптисм хүртэж байгаа нь

6. Баптисм хүртвэл Еховагийн гэр бүлийн гишүүн болно

Та баптисм хүртвэл дэлхий дахины нэгдсэн гэр бүлийн гишүүн болно. Бид өөр өөр хэл соёл, ахуй амьдралтай ч нэг итгэл үнэмшилтэй, Библид байдаг хэм хэмжээний дагуу амьдардаг хүмүүс билээ. Яаков 2:23; 1 Петр 2:17-г уншина уу. Дараах асуултад үндэслэн ярилцаарай.

• Баптисм хүртсэнээр Еховатай болон ард түмэнтэй нь ямар харьцаатай болох вэ?

ДҮГНЭЛТ

Дагалдагч нь болъё гэвэл баптисм хүртэх ёстойг Есүс хэлсэн. Энэ зорилгод хүрэхийн тулд Еховад бат итгэж, хэм хэмжээнийх нь дагуу амьдарч, өөрийгөө зориулах хэрэгтэй.

Давтах асуулт

• Баптисм хүртэнэ гэж яахыг хэлдэг вэ? Энэ нь яагаад чухал вэ?

• Өөрийгөө зориулах баптисм хүртэх хоёр ямар холбоотой вэ?

• Өөрийгөө зориулж баптисм хүртэхийн тулд ямар ямар алхам хийх хэрэгтэй вэ?

МЭДЛЭГЭЭ ТЭЛЬЕ

Баптисмын талаар үнэн зөв ойлголттой болоорой.

«Баптисм гэж юу вэ?» (Веб өгүүлэл)

Баптисм хүртэхийн тулд яаж бэлдэхийг дэлгэрэнгүй мэдэж аваарай.

«Хайр, талархал—баптисм хүртэх хөшүүрэг» («Харуулын цамхаг», 2020 оны 3-р сар)

Нэг хүн баптисм хүртэхээр шийдэхдээ хэрхэн нухацтай хандсан талаар уншаарай.

«Тэд намайг үнэнийг өөрөө ойлгоосой гэж хүсэж байсан» («Харуулын цамхаг», 2013 оны 4–6 сар)

Яагаад баптисм хүртэх зорилго тавих хэрэгтэйг, яаж бэлдэхийг мэдэж аваарай.

«Би баптисм хүртэх хэрэгтэй юү?» («Залуучуудын асуулт. Ашигтай зөвлөгөө», 2-р дэвтэр, 37-р бүлэг)