Урагшаа тэмүүлцгээе!

1. Урагшаа тэмүүлцгээе, ахиж дэвшицгээе!

Чадмаг сайн дэлгэрүүлж, Еховаг баярлуулцгаая

Чадах бүхнээ хийгээд мэрийн үйлчилбэл

Чин сэтгэлт Бурхан ивээнэ

Есүсийн эхлүүлсэн энэ ажлыг

Эдүгээ бид бүгд шамдан хийдэг

Зөвийн талд бат зогсож, хөл алдахгүйн тулд

Зөвхөн Бурханд найдацгаая

2. Урагшаа тэмүүлцгээе, зоригтой үйлчилье!

Авралд хүргэх мэдээг тунхаглан сонордуулъя

Агуу Хаан Ехова Бурхнаа алдаршуулж

Айл бүрд сайн мэдээг хүргэе

Заналт дайсан хавчиж сүрдүүллээ ч

Зориг мохолгүй, Бурханд найдъя

Бурхны Хүү тэнгэрээс захирч байгааг дуулган

Бүгдэд үнэнийг тунхаглая

3. Урагшаа тэмүүлцгээе, үргэлж даруу байя!

Бурхандаа түшиглэн сайн мэдээг сайтар гэрчилье

Бялхам хайры нь мэдэрч, сэтгэлээ зориулж

Баяр хөөртэй үйлчилцгээе

Зөв шударга хүмүүсийг эрж олоод

Сэтгэл, оюунд нь үнэнийг шингээе

Үнэний үгийг улам чадварлаг хүргэж

Үргэлж Бурхнаа магтацгаая