Та оройн цагаар дэлгэрүүлэх боломжтой юу?
1. Нэгэн номд тэмдэглэснийг үзвэл, Паул айлаар хэзээ дэлгэрүүлдэг байсан бэ?
1 Нэгэн номд тэмдэглэснийг үзвэл, элч Паул ер нь «оройн 4 цагаас үдэш болтол» айлаар дэлгэрүүлдэг байжээ («Daily Life in Bible Times»). Тэрбээр үнэхээр ийм төлөвлөгөөтэй ажилладаг байсан эсэхийг мэдэхгүй ч «сайн мэдээний төлөө бүх юмыг хийдэг» байсан нь тодорхой (1 Кор. 9:19–23). Тэрбээр олон хүнтэй уулзаж болох цагаар дэлгэрүүлэхийн тулд ажлаа зохицуулдаг байв.
2. Оройн цагаар дэлгэрүүлэх нь яагаад тохиромжтой байдаг вэ?
2 Олон оронд, дэлгэрүүлэгчид өглөөгүүр айлаар дэлгэрүүлдэг. Гэхдээ өглөөгүүр дэлгэрүүлэх нь танай нутагт одоо ч үр дүнтэй хэвээрээ байгаа юу? Нэгэн байнгын эхлэгч хэсгийнхээ тухай «Хүмүүс өдрийн цагаар гэртээ байх нь ховор. Харин оройн цагаар бол ихэнх нь гэртээ байдаг» хэмээн ярьжээ. Оройн цагаар дэлгэрүүлбэл олон хүнтэй уулзах боломжтой байж магадгүй. Энэ цагт ихэнх нь гэртээ амарч байдаг бөгөөд, яриа өрнүүлэхэд дуртай байдаг. Үр дүнтэй гэж үзвэл ахлагчид оройн цагаар дэлгэрүүлэх ажлын цуглааныг зохион байгуулн.
3. Оройн цагаар дэлгэрүүлэхдээ хэрхэн хэрсүү байх вэ?
3 Хэрсүү байгаарай: Оройн цагаар дэлгэрүүлэхдээ хэрсүү байх нь чухал. Жишээ нь, гэрийн эзэн оройн хоолоо идэж байх гэх мэтийн тохиромжгүй цагт ирсэн бол дараа уулзахаар тохирох нь сайн. Харанхуй болсон бол гэрийн эзэнд харагдахаар газар зогсоод, юуны түрүүнд, өөрийгөө танилцуулж, ямар хэргээр яваагаа хэлээрэй. Бүлгээрээ эсвэл хосоороо дэлгэрүүлэх, гэрэлтэй гудамжинд, хостойгоо хамт байх нь ухаалаг юм. Дэндүү орой, гэрийн эзэн унтах гэж байх үед очих хэрэггүй (2 Кор. 6:3). Тухайн хэсгийн ойр орчим харанхуй үед аюултай бол гэгээ тасрахаас өмнө очоорой (Сур. 22:3).
4. Оройн цагаар дэлгэрүүлбэл ямар ивээл хүртэх вэ?
4 Ивээл: Олон хүнтэй ярих боломж гарвал дэлгэрүүлэх ажил маань баяр хөөр авчирна. Хэдийчинээ олон хүнтэй уулзана, «аврагдаж, үнэний мэдлэг уруу ирэхэд» нь төдийчинээ олон хүнд тусална (1 Тим. 2:3, 4). Та төлөвлөгөө гаргаж, оройн цагаар дэлгэрүүлэх боломжтой юу?