Талархлын залбирал

1. Хамгийн дээд, ариун Бурхан Ехова

Хүндэтгэн магтаж, тандаа залбиръя

Залбирлыг сонсдог энэрэлт таныхаа

Зөөлөн мутарт өөрсдийгөө бид даатгая

Өдөр бүр алдаж, гэмээ ухаардаг

Өршөөж нигүүлсэхийг гуйн бид залбиръя

Хүүгээ харамлаагүй Бурхан минь та

Хүслээ ухааруулж биднийгээ сургаач

2. Таалалдаа багтаан өргөөндөө уриад

Түнэр харанхуйгаас гэрэлд дуудсан

Өршөөлт тантай анд болон дотносъё

Өргөөнд тань байхыг хамгаас их хүснэ

Хүчит мутраараа тулж түшдэг таны

Хийсэн бүхнийг бид бахдан биширнэ

Хүүг тань дууриан даруухан үйлчилье

Хэзээд гуйвшгүй Хаанчлалд тань захирагдъя

3. Таны нигүүлсэлд бид хөхүүн баяртай

Түмэн олноороо таныг шүтээсэй

Хаанчлал захирч, та агуу энэрлээр

Хагацал, гуниг, нулимсыг арилгана

Хорон муу бүхнийг Хүү тань устгахлаар

Хосгүй баярын дууг бүх бүтээл өргөж

«Хаан Еховаг магтагтун!» гэж чангаар

Хосгүй ялалтын дууг хорвоод хадаана