«Амьдрал, үйл хэрэг цуглаанаар үзэх материал»-ын хавсралт
10-Р САРЫН 7–13
БУРХНЫ ҮГЭН ДЭХ ЭРДЭНЭС | ЯАКОВ 3–5
«Бурхнаас ирдэг мэргэн ухаантай бай»
cl 221-222 ¶9-10
Та «дээрээс ирдэг мэргэн ухаанаар» удирдуулдаг уу?
9 «Юуны түрүүнд ариун». Зөвхөн гаднаа биш дотроо цэвэр, бузартаагүй байхыг ариун гэдэг. Библид мэргэн ухааныг зүрх сэтгэлтэй холбодог. Хорон муу бодол, хүсэл, сэдлээр бузартсан зүрх сэтгэлд дээрээс ирдэг мэргэн ухаан нэвтрэн орох боломжгүй (Сургаалт үгс 2:10; Матай 15:19, 20). Гэхдээ бид төгс бус ч гэлээ зүрх сэтгэлээ чадлаараа цэвэр ариун байлгавал «бузраас хагацаж, сайныг үйлдэнэ» (Дуулал 37:27; Сургаалт үгс 3:7). Ариун байхыг Бурхны мэргэн ухаантай хүний эхний онцлог болгон дурдсан нь оносон хэрэг юм. Үнэндээ ёс суртахууны хувьд, шүтлэгийн хувьд цэвэр ариун байж чадахгүй бол дээрээс ирдэг мэргэн ухаантай хүний бусад онцлогийг яаж илэрхийлж чадах билээ?
10 «Бас эв эеийг эрхэмлэдэг». Дээрээс ирдэг мэргэн ухаан Бурхны агуу хүчний үр жимс болох амар тайвныг тогтооход маань тусалдаг (Галат 5:22). Бид Еховагийн ард түмнийг нэгтгэдэг эв нэгдлийг эвдэн бусниулахгүй байх гэж хичээдэг (Эфэс 4:3). Бас эв эвдэрсэн бол эргээд эвтэй байх гэж хүчин чармайлт гаргадаг. Ингэх нь яагаад чухал вэ? Библид «Үргэлж ... амар тайван амьдраарай. Хайр ба амар тайвны Бурхан та нартай хамт байх болно» гэж байдаг (2 Коринт 13:11). Тиймээс эв эеийг эрхэмлэн амьдардаг бол амар тайвны Бурхан бидэнтэй хамт байна. Итгэл нэгтнүүддээ хэрхэн ханддаг маань Еховатай тогтоосон харьцаанд шууд нөлөөлдөг. Эв эеийг эрхэмлэдгээ хэрхэн харуулах вэ? Нэг жишээ авъя.
cl 223-224 ¶12
Та «дээрээс ирдэг мэргэн ухаанаар» удирдуулдаг уу?
12 «Зөрж гөждөггүй». Зөрж гөждөггүй гэдгийг юу гэж ойлгох вэ? Эрдэмтэд Яаков 3:17-д гардаг энэ үгийг орчуулахад амаргүй гэдэг. Орчуулагчид «зөөлөн», «өршөөх», «бусдыгаа бодох» гэх зэргээр орчуулсан. Энэ үгийг махчилбал «буулт хийдэг» гэсэн утгатай. Дээрээс ирдэг мэргэн ухаантай хүний энэ онцлогийг илэрхийлье гэвэл яах хэрэгтэй вэ?
cl 224-225 ¶14-15
Та «дээрээс ирдэг мэргэн ухаанаар» удирдуулдаг уу?
14 «Дуулгавартай». «Дуулгавартай» гэж орчуулсан энэ грек үг нь Библийн бусад номд гардаггүй. Нэгэн эрдэмтний хэлснээр, энэ үгийг «цэргийн дасгал сургуультай холбож их хэрэглэдэг». Энэ үг «ятгахад амар», «захирагдах» гэсэн санааг илэрхийлдэг. Дээрээс ирдэг мэргэн ухаанаар удирдуулдаг хүн Библид бичсэн зүйлд дуртайяа захирагддаг. Тийм хүн нэгэнт шийдсэн л бол дараа нь түүнтэй нь зөрчилдсөн мэдээ баримт гарч ирлээ ч үзэл бодлоо өөрчлөхгүй зүтгээд байдаг хүн биш. Харин ч буруу байр суурьтай байсан эсвэл буруу шийдвэр гаргасан гэдгийг нь батлах тодорхой Библийн үндэс байгаа бол бодлоо тэр даруй өөрчилдөг. Хүмүүс таныг ийм хүн гэж үздэг үү?
«Өршөөнгүй, сайн юм хийдэг»
15 «Өршөөнгүй, сайн юм хийдэг». Өршөөнгүй байх нь дээрээс ирдэг мэргэн ухаантай хүний чухал онцлог юм. Учир нь дээрээс ирдэг мэргэн ухаантай хүн «өршөөнгүй» гэсэн байдаг. «Өршөөнгүй, сайн юм хийдэг» гэдгийг зэрэг дурдсаныг анхаараарай. Энэ нь ч оносон юм. Яагаад гэвэл Библид өршөөнгүй байна гэдгээр бусдад санаа тавьж, сайхан сэтгэл гаргахад хүнийг хөдөлгөдөг энэрлийг хэлэх нь олонтоо. Нэгэн номд өршөөнгүй байх гэдгийг тодорхойлж «хэн нэгний хэцүү байгааг хараад өрөвдөж, туслахын тулд ямар нэгэн юмыг хийх» гэж бичжээ. Тиймээс Бурхны мэргэн ухаан гэдгээр хүйтэн хөндий байхыг, зүгээр нэг оюуны чадавхтай байхыг заадаггүй. Харин ч элэгсэг дотно, чин сэтгэлтэй, бусдад санаа тавихыг заадаг. Бид өршөөнгүй хүн гэдгээ хэрхэн харуулж болох вэ?
cl 226-227 ¶18-19
Та «дээрээс ирдэг мэргэн ухаанаар» удирдуулдаг уу?
18 «Хэнийг ч алаг үздэггүй». Бурхны мэргэн ухаантай хүн арьс өнгөөр ялгаварладаггүй, үндэсний бахархлыг дэвэргэдэггүй. Ийм мэргэн ухаанаар удирдуулбал алаг үзэх ямар ч хандлагыг зүрхнээсээ авч хаяхын тулд хичээнэ (Яаков 2:9). Бид боловсрол, эд хөрөнгө, хурал дахь үүрэг гэх зэргээс нь шалтгаалан хүмүүсийг ялгаварлахгүй. Бас итгэл нэгтнүүд маань хэчнээн дорд юм шиг харагдсан ч тэднийг дорд үзэхгүй. Ехова тийм хүмүүсийг, хайрыг нь хүртэх зохистой хүн болгосон. Бид ч тэднийг хайрыг маань хүртэх зохистой хүн гэж үзэх ёстой.
19 «Хоёр нүүр гаргадаггүй». «Хоёр нүүр гаргагч» гэсэн утгатай грек үгээр «дүрд тоглодог жүжигчнийг» хэлдэг. Эртний Грек болон Ромын жүжигчид том баг зүүж жүжиглэдэг байжээ. Тиймээс «хоёр нүүр гаргагч» гэсэн утгатай грек үгээр дүр эсгэдэг хүн юм уу бусдыг хуурдаг хүнийг хэлдэг болжээ. Бурхны мэргэн ухаантай хүний энэ онцлогийг сайн ойлгодог бол итгэл нэгтнүүддээ хэрхэн ханддагаа төдийгүй тэдний тухай юу гэж боддогоо анхаарна.
Эрдэнэс хайх нь
w08 11/15 20 ¶6
Яаков болон Петрийн бичсэн захидлын онцлох санаа
4:5—Яаков ямар Библийн зүйлээс эш татсан бэ? Яаков тодорхой нэг Библийн зүйлээс эш татаагүй. Гэхдээ Бурхнаар удирдуулан бичсэн энэ үг нь Эхлэл 6:5; 8:21; Сургаалт үгс 21:10; Галат 5:17-д байдаг ерөнхий санаанд үндэслэсэн бололтой.
w97 11/15 20-21 ¶8
Итгэлийнхээ ачаар бид тэвчээртэй, шаргуу залбирдаг болдог
8 Итгэл нэгтнүүдээ муулах нь нүгэл юм (Яаков 4:11, 12). Гэхдээ зарим хүн итгэл нэгтнүүдээ шүүмжлэх дуртай. Энэ нь өөрийгөө л зөв гэж үздэгийн юм уу бусдыг дорд болгож өөрийгөө өргөмжлөхийг хүсдэгийн шинж бололтой (Дуулал 50:20; Сургаалт үгс 3:29). «Муулах» гэж орчуулсан грек үгээр дайсагналыг заадаг бөгөөд хэтрүүлж юм уу худал ярьж муу хэлнэ гэсэн битүү утга илэрхийлдэг. Энэ нь итгэл нэгтнээ дайсагнан шүүхтэй адил юм. Тэгвэл Бурхны «хуулийг муулж, шүүж байгаа хэрэг» гэсэн нь ямар учиртай вэ? Хуулийн багш нар болон фарисайчууд «Бурхны тушаалуудыг сахихгүй байх зальжин арга сэдэж» өөрсдийнхөө хэмжүүрээр шүүсэн (Марк 7:1–13). Үүнтэй адил, Ехова итгэл нэгтнийг маань буруушаагаагүй байхад буруушаах нь Бурхны «хуулийг ... шүүж» хангалтгүй гэж хэлж байгаа хэрэг биш гэж үү? Түүнчлэн, шударга бусаар итгэл нэгтнээ шүүмжилбэл бид хайрын хуулийг биелүүлж чадахгүй (Ром 13:8–10).
10-Р САРЫН 14–20
БУРХНЫ ҮГЭН ДЭХ ЭРДЭНЭС | 1 ПЕТР 1, 2
«Та нар ариун байх ёстой»
Эрдэнэс хайх нь
w08 11/15 21 ¶10
Яаков болон Петрийн бичсэн захидлын онцлох санаа
1:10-12. Тэнгэрийн элч нар Христийн тослогдсон дагалдагчдын хурлын талаар эртний зөнчдийн бичсэн гүнзгий утгатай үнэнийг ойлгохыг хүсжээ. Гэхдээ Еховаг энэ хуралтай харьцаж эхэлснээс хойш тэрхүү үнэн тодорхой болж эхэлсэн (Эф. 3:10). Бид тэнгэрийн элч нарын жишээг дуурайн «Бурхны гүн юмыг» судлахыг хүсэх ёстой биз дээ! (1 Кор. 2:10).
it-2 565 ¶3
Хариуцагч
Хамгийн дээд хариуцагч. 1 Петр 2:25-д «төөрсөн хонь мэт» хүмүүсийн тухай бичихдээ Исаиа 53:6-гаас эш татсан бололтой. Петр: «Та нар ... эдүгээ та нарын амийг хамгаалдаг [үгчилбэл, амийг хариуцагч] хоньчин руугаа буцаж ирсэн» хэмээн бичсэн. Амийг маань хариуцагч буюу хоньчин нь Ехова Бурхан гэдэг нь тодорхой. Учир нь Петрийн захидлыг уншигчид Христ Есүсээс холдож төөрөөгүй, харин Есүсээр дамжуулан ард түмнийхээ Агуу Хоньчин болох Ехова Бурхан руу буцаж ирсэн (Ду 23:1; 80:1; Ие 23:3; Езе 34:12). Ехова бас хариуцагч буюу шалгагч юм (Ду 17:3). Шалгах (грекээр, епископе) гэдэг үгийг Бурхны буулгах шийтгэлтэй холбож, сөрөг утгаар хэрэглэж болдог. Жишээ нь, 1-р зуунд Бурхны «шүүхээр [грекээр, епископес] ирснийг» ухаараагүй Иерусалимын талаар бичсэн байдаг (Лу 19:44). Гэхдээ шалгах ажил нь сайн үр дүнд хүрч, ач тус хүртээж болдог. Жишээ нь, «Бурхны шалгах [грекээр, епископес] өдөр» түүнийг хүмүүс алдаршуулна гэж бичсэн байдаг (1Пе 2:12).
10-Р САРЫН 21–27
БУРХНЫ ҮГЭН ДЭХ ЭРДЭНЭС | 1 ПЕТР 3–5
«Бүх юмны төгсгөл ойртжээ»
w99 4/15 22 ¶3
Итгэлээр суларсан гэдгээ хэрхэн ойлгож, бэхжүүлж болох вэ?
Сүүлд нь, элч Паулын хайрын сэтгэлээр өгсөн дараах зөвлөгөөг тод санаж яваарай. «Гэхдээ бүх юмны төгсгөл ойртжээ. Тиймээс ухаалаг явж, залбирахад үргэлж бэлэн бай. Хамгийн гол нь, бие биеэ халуун сэтгэлээр хайрла. Учир нь хайр тоо томшгүй нүглийг далдалдаг» (1 Петр 4:7, 8). Бусдын болон өөрсдийн маань төгс бус байдал зүрх сэтгэл болон бодол санаанд нөлөөлж саад тотгор болох тун амархан. Хүний энэ сул талыг Сатан сайн мэддэг. Талцуулан хувааж, ялалт байгуулах нь түүний зальжин аргуудын нэг юм. Тиймээс бусдын гэм бурууг бие биеэ гэсэн халуун хайраар халхалж «Диаволд боломж» өгөхгүй байцгаая (Эфэс 4:25–27).
Эрдэнэс хайх нь
w08 11/15 21 ¶8
Яаков болон Петрийн бичсэн захидлын онцлох санаа
4:6—«Сайн мэдээг» сонссон «үхсэн хүмүүс» гэж ямар хүмүүс вэ? Сайн мэдээг сонсохоосоо өмнө «алдаа дутагдал, нүглийнхээ улмаас үхсэн байсан» буюу Бурхантай тогтоосон харьцааны хувьд үхмэл байсан хүмүүсийг хэлнэ (Эф. 2:1). Гэхдээ тэд сайн мэдээнд итгээд Бурхантай тогтоосон харьцааны хувьд амьд болсон.
10-Р САРЫН 28—11-Р САРЫН 3
БУРХНЫ ҮГЭН ДЭХ ЭРДЭНЭС | 2 ПЕТР 1–3
«Еховагийн өдөр ирэхийг тод санаж байя»
Эрдэнэс хайх нь
w08 11/15 22 ¶2
Яаков болон Петрийн бичсэн захидлын онцлох санаа
1:19—«Үүрийн цолмон» гэж хэн бэ? Хэзээ гийсэн бэ? Энэ үйл явдал болсныг бид яаж мэддэг вэ? «Үүрийн цолмон» бол Хаант төрийн эрхийг авсан Есүс Христ юм (Илч. 22:16). 1914 онд Есүс бүх бүтээлийн дээгүүр Мессиа Хаан болон «гийж», шинэ өдрийн үүр цайсныг мэдэгдсэн. Хувирч өөрчлөгдсөн үзэгдэл Есүс Хаан болоод ямар сүр жавхлантай, эрх мэдэлтэй байхыг харуулж, Бурхны зөгнөл биелдгийг баталсан. Бурхны зөгнөлүүдийг анхаарвал зүрхэнд маань гэрэл гийж, бид энэ үүрийн цолмон гийснийг ойлгоно.
w08 11/15 22 ¶3
Яаков болон Петрийн бичсэн захидлын онцлох санаа
2:4—«Тартар» гэж юу вэ? Тэрслүү тэнгэрийн элч нар хэзээ тэнд хаягдсан бэ? Тартар нь шоронтой адил нөхцөл бөгөөд хүн биш зөвхөн үл үзэгдэх бүтээлүүд Тартарт ордог. Бурхны гэрэлт санаа зорилгыг ойлгохгүй, оюун санааны харанхуйд байгааг энэ үгээр хэлдэг. Тартарт байгсдад ямар ч ирээдүй байхгүй. Ноагийн үед дуулгаваргүй болсон тэнгэрийн элч нарыг Бурхан Тартарт хаясан бөгөөд тэд тийм гутамшигтай байдалд байсаар устгагдана.