Еховагийн Гэрчүүд Христийн дагалдагчид мөн үү?

Мөн. Биднийг Христийн дагалдагчид гэж үзэх дараах шалтгаан бий:

• Бид Есүсийн сургаалыг чанд баримталж, жишээг нь дагахыг хичээдэг (1 Петр 2:21).

• «Аврагдъя гэвэл бид Бурхнаас эрх мэдэл авсан Есүс Христэд итгэх ёстой бөгөөд өөр аврагч дэлхий дээр байхгүй» гэдэгт итгэдэг (Үйлс 4:12).

• Еховагийн Гэрч болохдоо Есүсийн нэрээр баптисм хүртдэг (Матай 28:18, 19).

• Есүсийн нэрээр дамжуулан залбирдаг (Ёохан 15:16).

• Есүс бол хүн бүрийн Тэргүүн, эрх мэдэлтэй, томилогдсон нэгэн гэдэгт итгэдэг (1 Коринт 11:3).

Гэхдээ өөрсдийгөө Христийн дагалдагчид гэдэг шашны бүлгүүдээс бид олон талаараа ялгаатай. Жишээ нь Есүсийг Бурхны Хүү гэж Библид байдаг учраас бид түүнийг Гурвалын нэг хэсэг гэж үздэггүй (Марк 12:29). Хүнийг үхэхэд сүнс нь үлддэг, Бурхан хүмүүсийг галт тамд мөнхөд тарчилган зовоодог, эсвэл шашны үйл ажиллагааг удирддаг хүмүүст цол хэргэм олгож, өргөмжлөх ёстой гэж бид үздэггүй (Номлогчийн үгс 9:5; Езекиел 18:4; Матай 23:8–10).